IV. Деректерді сақтау және өңдеу

Растрлы жүйелерде компьютердің қатты дискісінде сақталатын растрдың ұяшықтарында атрибуттар мәндері маңызды саналады. Растрдың әр ұяшығының орналасуы растрдың басқа ұяшықтарының орналасуына қатысты анықталады. Жер серігі растрдың әрбір ұяшығының дұрыс салыстырмалы орналасуымен байланысты. Кейбір растрлық жүйелер деректерді қысып сақтау тәсілін қолданады, мысалы топтық және блоктық кодтау, растр мен квадроағаш тізбектері, т.б.

Векторлар жағдайында график пен атрибуттар бір ДҚ ішінде жеке кесте ретінде, немесе бағыттағыштар жинағына байланысты деректердің өзіндік жинағы түрінде де сақталуы мүмкін. График пен атрибуттарды ажырату сызбаға, атрибуттарға және ДҚ жасалатын түзету процедураларына назар аударуды талап етеді. Атрибуттар кестесінен тандаулар жасай отырып оларды өздерімен байланысты графиктік нысандардан бөлек қарастыруға болады. Сондай-ақ, ДҚ-ның бір бөлігіне немесе барлық ДҚ-ға тандаулар жасауға болады, яғни сызба немесе атрибуттар бөліктерін және олардың сәйкестілігін тексеру үшін қажет.

Көптеген векторлық ГАЖ ДҚ бөліктерін архивтеу мақсатымен үлкен секциялар ретінде жеке сақтауға мүмкіндік береді. Бұл процедура мозаикалық орналастыру деп аталады, өте үлкен ДҚ-да бір уақытта сараптау үшін қажет деректер көлемін азайту үшін пайдаланылады.