Растрлы және векторлы жүйелердегі атрибуттардың қателіктері

Атрибуттарды жіберіп алу, атрибуттардың бастапқы картамен тура салыстырмағанның салдарынан пайда болатын жалғыз қателігі. Растр жағдайын да, бұл қателік растрдың тұтас қатарының немесе бағаналарының немесе ұяшықтың кейбір бағаналарының жоғалуы түрінде кездеседі. Растрдың кейбір ұяшықтарының болмауы карта мазмұнын кәдімгідей өзгертеді. Бұндай қателіктер сканерді қолдану кезінде сирек кездеседі, растр ұяшықтарының мәндерін клавиатурадан теру кезінде позициялардың араласуымен пайда болады.

Егер деректер қатарының біреуі немесе бірнешеуі болмаса, онда карта қысқа болып шығады. Визуальды қарағанда бұны айыру қиын, бірақ бағдарлама ДҚ-да растрдың қанша қатары, бағанасы және ұяшықтары бар екенін хабарлауы мүмкін.

Векторлы ГАЖ-да жіберілген атрибуттар жеке нүктелер, түзулер немесе полигондар үшін атрибуттар кестесінде ештеңе қосылмағандықтан пайда болады. Бұны кестелік ақпаратты қарастыру немесе нысандар мен олардың атрибуттарын экранда бір мезгілде көрсету кезінде байқауға болады. Бұндай қателіктер алынған нысандар үшін атрибуттардың тиісті мәндерін енгізумен оңай түзетіледі.

Атрибуттардың бұрыс мәндерін растрлы да векторлы да жүйелерде байқау өте қиын. Растрлы ГАЖ-да бұл қателіктер клавиатурадан теру кезінде пайда болады. Атрибут мәндерінің үлкен айырмашылығы тез байқалады. Бұрыс атрибуттар үлкен аудандарда байқалса, бұл топтық және блоктық кодталуы кезінде атрибут мәндерін дұрыс енгізбеу нәтижесі.

Растрлы жүйелерде бұрыс атрибуттар аудандық нысандар шекаралары бойымен кездеседі. Бұндай жағдайларда цифрлау алгоритмімін дұрыс таңдамау немесе осы шекаралар бойымен атрибуттар кодтарын анықтау кезінде оператордың ұқыпсыздығынан болып табылады.

Бұрыс атрибуттарды векторлық жүйелерде байқау қиын, себебі бұл жағдайда бастапқы картаны, оның атрибуттарын және олардың таралуын жақсы білу керек.

Сақтау және түзету жүйесі тармақтарының негізгі функциясы графиктік және атрибуттық қателерді түзету болып табылса, бір жағынан олар дигитайзер координаттарын нақты әлем координаттарына ауыстыру үшін де пайдаланылады. Көбінесе бағдарламалар енгізілетін карта проекциясын көрсетуді талап етеді (көбінесе растрлық). Кез келген жағдайда нақты өмірдің координаттар жүйесін өзгертуді талап ететін кез-келген сараптау үшін векторлы жүйелерде карта координаттарын өзгерту қажет. Одан басқа, барлық енгізілетін карталар проекциялары бірдей болмағандықтан, әртүрлі карталардан алынған жабындарды салыстыру мүмкіндіктерін камтамасыз ету үшін олардың проекциясын қайтадан өзгертуге тура келеді.

Географиялық байланыс үшін картадағы белгілі географиялық координаттары бар тірек нүктелерін пайдаланылады. Дигитайзерден енгізу кезінде қолданылатын нүктелер тіркеу нүктелері деп аталады.

Растрлық бейнелер және карталар үшін екі географиялық байланыстар мүмкіндігі бар: оларды трансформациялауға немесе калибрлеуге болады. Трансформациялау процесі нәтижесінде жаңа жабын пайда болады, олардың пиксел координаттары трансформация жүргізілген проекцияға сәйкес келеді. Калибрлеу нәтижесінде жаңа жабын түзілмейді, ал байланыстыру параметрлері жабын файлдарымен бірге немесе соның ішінде сақталады. Екінші тәсілдің артықшылығы проекцияны қашанда деректерге тиіспей, деректер сапасын өзгертпей өзгертуге болатынын көрсетеді.