Әлемнiң электродинамикалық бейнесiнiң

Бiздiң ғасырымыздың ең басында-ақ Эйнштейн жылулық сәуле шығару мен фотоэффект проблемасын зерттеген кезде жарық сәулесi энергиясының квантталуы туралы қорытындыға келген, ал 1916 жылы ол сәуле шығарудың тек белгiлi бiр энергиясы ғана емес, сонымен бiрге белгiлi бiр импульсы бар болатын порцияларын – жарық кванттарын (фотонды) қарастыруды енгiздi. Материяны құраушы элементар бөлшектер ретiнде – электрон, протон және фотон алынды; электромагниттiк өрiстi қарастырғанда толқындық көзқараспен қатар корпускулалық (фотондық) көзқарастар да пайдаланыла бастады. Зат молекулалардан, молекулалар атомдардан, атом ядросы протон мен электронның жинақы қосылысынан құралатыны дәлелдендi.

Әлемнiң жаңа, қазiргi заманғы физикалық бейнесiнiң негiзгi элементтерi ХХ ғасырдың басында Планк, Эйнштейн, Бор еңбектерiнде қалыптаса бастаған болатын, ал ендi оның құрылуы, ең әуелi, де Бройль, Шредингер және Гейзенберг еңбектерiмен байланысты.

ӘКӨБ-нiң (Әлемнiң Планк-Бор-де Бройль жасаған бейнесiнiң) қалыптасуының алғашқы кезеңінде материя құрылысының корпускулалық – толқындық тұжырымдамасы тұрақтанды, бiрақта ол материяның кеңiстiктiк – уақыттық қасиеттерiн ескермедi. Бiраз кейiн, кванттық механика мен кванттық электродинамика шыққаннан соң, ӘКӨБ ұлғайды, ол ӘЭДБ-нiң (арнайы және салыстырмалылық теориясы) кеңiстiктiк-уақыттық көзқарастарын қолданумен сипатталады. ӘКӨБ-нiң дамуының бұл сатысы Әлемнiң кванттық-релятивистiк бейнесi (ӘКРБ) деген атқа ие болды.