а) Пәнаралық байланыстар оқытуда бірқатар функциялар атқарады

Дидактикалық функциялары бойынша пәнаралық байланыстар әртүрлi сипатта болады, сондықтан оларды жүйелеу қажет.

Пәнаралық байланыстардың әдіснамалық функциясы тек солардың негізінде ғана оқушылардың табиғатқа деген диалектика-материалистік көзқарасын, оның біртұтастығы мен дамуы туралы заманауи түсініктерді қалыптастыруға болатындығында, өйткені пәнаралық байланыстар табиғатты танып-білудің жүйелілік тәсілі тұрғысынан қазіргі заманғы жаратылыстану әдіснамасының оқыту үдерісінде көрініс табуына ықпал етеді.

Пәнаралық байланыстардың білімдік функциясы олардың көмегімен оқушыларда жүйелілік, тереңдік, саналылық, икемділік сияқты сапалар қалыптасатындығында болып табылады.

Пәнаралық байланыстар физикалық ұғымдарды дамыту құралы ретінде көрініс береді, олардың арасындағы және жалпы жаратылыс-ғылыми ұғымдар арасындағы байланыстарды меңгеруге мүмкіндік береді.

Пәнаралық байланыстардың дамытушылық функциясы олардың оқушылардың жүйелі және шығармашылықпен ойлауын дамытудағы, танымдық белсенділігін, табиғатты танып-білуге деген қызығушылығын қалыптастырудағы ролімен анықталады.

Пәнаралық байланыстардың тәрбиелілік функциясы олардың оқыту үдерісінде оқушыларды тәрбиелеудің барлық бағыттарына ықпал ететіндігінде. Мұғалім физиканың басқа пәндермен байланысына сүйене отырып, тәрбиенің кешенді тәсілін жүзеге асырады.

Пәнаралық байланыстардың конструктивтік (құрылымдық) функциясы оқу материалы мазмұнының, оқыту әдістері мен оны ұйымдастыру формаларының жетілдірілуінде болып табылады.