Аязбай м. Д., Имандосов а. Т., Семернин а. Н. Жолаушылар тасымалын жобалау

Егер қозғалыстың реттелгендігі 100% тен кем болса, яғни іс жүзіндегі интервал жоспардағыдан артық (l_факт>l_план) болса, бұл жағдай желідегі автомобиль санының жеткіліксіз болғанын білдіреді. Қозғалыстың реттелгендігін қалпына келтіру үшін, біріншіден, реттелгендіктің бұзылу себебін анықтау керек, екіншіден, анықталған себепке байланысты желідегі көлік құралдарының жұмысын шұғыл (оперативтік) басқару бойынша шаралар қолдану керек.

4. Қозғалысты реттеу жолдары мен әдістері

Қозғалыс реттелгендігін жоғарылату үшін және жүргізушілердің жұмыс кестесін сақтауын бақылау үшін, кестеден рұқсат етілетін ауытқулар тағайындалады[7].

Мысалы, автобустық желілердің түрлері үшін төмендегі кестеден рұқсат етілетін ауытқулар қабылданған:

• 
  қалалық желілер үшін ±1 мин;
  
• 
  қала маңындағы желілер үшін ±3 мин;
  
• 
  қала аралық желілер үшін ±5 мин.
  

Қозғалыс реттелгендігін төмендегі жолдармен жоғарылатуға болады[4]:

• 
  барлық желілер бойынша көлік қозғалысын бақылауды жүзеге асырушы диспечерлік басқаруды ұйымдастыру;
  
• 
  әрбір көлік құралының қозғалыс кестесіне аралық бақылау пункітін енгізу;
  
• 
  диспечерлік басқарудың автоматтандырылған жүйесін пайдаланып, қозғалыс реттелгендігін бақылауды енгізу.
  

Сурет 8.2-Тәулік мерзімдері бойынша автобустарды үлестіру