j = A/tоб = 6/1,5 = 4 авт/сағ.
Жауабы: j = 4 авт/сағ. Мысал 6.35. Ұзындығы 10 км болған қалалық маршрутта қызмет көрсететін ЛиАЗ-677 автобусының жолаушы сыйымдылығы 80 адам, техникалық жылдамдығы 25 км/сағ, аралық аялдамалар саны 12, аралық аялдамада тоқтап тұру уақыты 0,5 мин; соңғы бекетте тоқтап тұру уақыты 3 мин, сыйымдылықты пайдалану коэффициенті 0,85; жолаушылардың ауысымдық коэффициенті 3,8; нолдік жүріс ұзындығы 6 км; маршруттағы жұмыс уақыты Тм =16,5 сағ. Маршрутта тағайындалған жалақы тарифи 30 теңге. Автобустың бір күндегі жалпы жүрісін, жолаушылар тасымалдаудың тәуліктік тапсырысын, жолаушы айнылымын, және жиналған алым мөлшерін
анықтаңыз[4].
Яғни, берілген: lм =10 км; q =80; Vт =25 км/сағ; nпo =12; tпo =0,5 мин; tкo=3
мин;
γ =0,85; ηсм =3,8; Lо=6 км; Тм=16,5 сағ; Тф=30 тенге.
Т/к: lсут, Qсут, Рсут, Дсут − ?
Ш е ш у і . Автобустың бір күндегі жалпы жүрісін (6.2) өрнегінен
анықтайды:
Lобщ= Lп+ Lо+Lх = nрlм+ Lо+ Lх
Бұл жерде белгісіз рейстер санын (6.10) өрнегін түрлендіріп, анықтауға болады:
nр = Тм /tр.
Бұл жерде рейс уақыты белгісіз. Оны (6.29) өрнегінен анықтаймыз:
tр=lм/Vт+nпоtпо+tко=10/25+12×0,5:60+3:60 = 0,55 сағ.
Рейстер саны: nр = Тм /tр = 16,5/0,55 =30 .
Жалпы жүріс: Lобщ =nрlм+Lо+Lх= 30×10 + 6 + 0 = 306 км.
Бір тәулікте тасымалданған жолаушылар санын (6.37) өрнегінен анықтайды:
Qсут.авт= lмпрqγ/lср.
Бұл жерде жолаушылардың көліктегі орташа жүрісі (lср) белгісіз. Оны (6.20) өрнегін түрлендіріп, анықтауға болады:
lср = lм/ηсм= 10/3,8 = 2,63 км.
Сонда:
Qсут= lмпрqγ/lср= 10×30×80×0,85/2,63 = 7757 жолаушы.
Осы мәнді жолаушылардың көліктегі орташа жүрісіне көбейту арқылы жолаушы айналымын анықтаймыз (6.38):
Рсут=Qсутlср= 7757×2,63 = 20401 жолаушы-км.
Жолаушылардан жиналған алым мөлшері:
Дсут = QсутТф = 7757×30 = 232 710 тенге.
Жауабы: Lобщ = 306 км; Qсут= 7757жол,
Рсут= 20401 жол-км; Дсут= 232 710 тг.
Мысал 6.36. Ұзындығы 12 км болған қалалық маршрутта қызмет көрсететін ЛАЗ-695М автобусының әрқайсысы 20 рейс жасайды; жолаушы сыйымдылығы 62; сыйымдылықты пайдалану коэффициенті γ=0,80. Жолаушылардың көліктегі жүрісінің орташа қашықтығы 4,7 км ден 3,8 км ге қысқарғаны белгілі болса, бір күнде тасымалданатын жолаушылардың саны қаншаға артқанын анықтаңыздар[4].
Яғни, берілген: lм = 12 км; nр = 20 рейс; q = 62; γд = 0,80; lср1 = 4,7 км; lср2 = 3,8 км;
Табу керек: ∆Qсут= (Qсут2 – Qсут1) − ?
Ш е ш у і . Алдымен бірінші және екінші варианттар үшін жолаушы тасымалдаудың тәуліктік тапсырмасын (жолаушы), яғни автобус бір күнде қанша жолаушы тасымалдайтынын анықтап аламыз. Ол үшін (6.36) өрнегін пайдаланамыз:
Qсут1=lмпрqγд/lср1=12×20×62×0,80/4,7= 2533 жолаушы;
Qсут2=lмпрqγд/lср2∆=12×20×62×0,80/3,8= 3133 жолаушы.
Тасымалданатын жолаушының қаншаға артқанын анықтаймыз:
∆Qсут= Qсут2− Qсут1=3133−2533=600 жолаушыға артқан.
Жауабы: ∆Qсут=600 жолаушы.
Мысал 6.37. Ұзындығы lм=11 км болған қалалық маршрутта 6 автобус қызмет көрсетеді. Оның пайдалану жылдамдығы Vэ=22 км/сағ. Жолаушыларды сұранысын ескеріп, көлік департаменті автобустың маршруттағы жұмыс уақытын 14,5 сағаттан 18 сағатқа ұзартты. Маршруттағы жалпы рейстер саны қаншаға артқанын анықтаңыздар[4].
Яғни, берілген: lм = 11 км; А = 6 дана; Vэ=22 км/сағ; Тм1 =15,84 сағ; Тм2
=18,00 сағ.
Табу керек: ∆np= (np2 – np1) − ?
Ш е ш у і . Әрбір автобустың орындаған рейстерінің санын (6.33) өрнегінен анықтайды:
nр=Тм/tр.
Бұл теңдіктің оң жағында тұрған рейс уақытының tр мәні белгісіз. Оның мәнін пайдалану жылдамдығын анықтауға арналған Vэ=lм/tр (6.18) өрнегін түрлендіру арқылы табамыз:
tр = lм/Vэ= 11/22 = 0,5 сағ.
Енді табылған рейс уақытының мәнін пайдаланып, маршрут уақытын ұзартқанға дейінгі және ұзартқаннан кейінгі автобус орындаған рейстер санын анықтаймыз:
nр1=Тм1/tр=14,50/0,5 =29 рейс.
Nр2=Тм2/tр=18,00 /0,5 =36 рейс.
Демек, жұмыс уақыты ұзартылғаннан кейін әрбір автобус бұрынғыдан
∆np= (np2 – np1) = 36 – 29 = 7 рейс артық жасаған.
Енді маршруттағы жалпы рейстер санының қаншаға артқанын анықтаймыз:
∆Np=∆npA=7×6=42
Жауабы: ∆Np=42.
ЖЕЛІДЕГІ ҚОЗҒАЛЫС УАҚЫТЫН НОРМАЛАУ
Қозғалыс уақыты мен қозғалыс жылдамдығын нормалау
Қозғалыс уақытын нормалау жылжымалы құрамның қауіпсіз және тиімді қозғалысын, жүргізушілердің еңбегінің тиімді болуын және жолаушылардың жолға кететін уақыт шығынының мейлінше аз болуын қамтамасыз ету үшін керек[2].
Достарыңызбен бөлісу: | 
