3 – курс күндізгі оқу бөлімінің арналған

Өнімділік — бұл бір өсімдіктен алынған орташа өнім. Белгілі бір көлемдегі егістіктің өнімі екі түрлі көрсеткшке байланысты анықталады. Олар: өнімділіғі және өсімдіктің орташа саны.

Астық тұқымдастарының өнімділігін анықтағанда әдетте, бір масақтағы дәннің орташа саны мен 1000 дәннін салмағын негізге алады. Көп жагдайда бұл көрсеткіштер сорттың өнімділігіне дәлірек баға береді.

Селекциялық материалды бағалағанда оның белгілерінің қатты модификациялануына байланысты өте күрделене түседі. Азғандай көлемдегі егістіктің өнімділігі сорттық жағдайға байланысты әр түрлі болып келеді. Әсіресе өнімді түп, масақтағы дәннің саны, 1000 Дәннің салмағы секілді көрсеткіштер осындай жағдайға байланысты қатты өзгеріске ұшырайды. Сондықтан селекциялық номерлер мен сорттарды өнімділігі бойынша бағалаганда тәжірибе участоктарында модификациялық өзгергіштіктің әсерін азайтатын бірдей жағдай жасау қажет.

Астық тұқымдастарының интенсивті сорттарын шығарғанда мынадай физиологиялық көрсеткіштерге: фотосинтездік өнімділік, фотосинтезбен демалу арасындағы қатынас және жалпы өнімдегі дәннің мөлшеріне ерекше көңіл бөлінеді. Фотосинтез өнімділігі көп жағдайда өсімдіктің фотосинтездік органдарының, әсіресе жапырақтың көлеміне байланысты болады. Сонымен қатар, бұған жапырақтың пішіні, орналасқан жері де әсер етеді.