Қысқа төзімділігін бағалау

Күздік дақылдардың қысқа төзімділігі көп жағдайда сорттың агротехникалық және тұңым қуалаушылық ерекшеліктеріне байланысты болып келеді. Республиканың барлық жерінде күздік дақылдарды егу барысында қыстың кейбір қолайсыз жыдларында бұл дақылдардың жиі шығынға ұшырайтыны байқалады. Кейбір жылдары өнімнің болмауы да мүмкін.

Қыстап шығу кезінде өсімдіктің өлуі әр түрлі жағдайға байланысты болады. Өсімдік қыстың алғашқы кезеңінде қар қалыңдығының аздығынан немесе жетіспеуі салдарынан үсіп кетуі мүмкін. Қазіргі кездегі түсінік бойынша өсімдік клеткасының ішінде және сыртында мұз пайда болу арқылы клетка мембранасына әсер етіп, оның құрылысын бұзады да өсімдіктің өлуіне әкеліп соқтырады. Сонымен қатар ерте көктемдегі төмен температура да әсер етеді. Күздік бидай күннің қыстағы кенеттен жылуы мен суып кетуі өте қауіпті.

Сонымен өсімдіктің қыстап шығу қасиеті немесе қысқа төзімділігі биологиялық қасиеттерге байланысты өте күрделі белгі.