Задания контрольных работ по разделу

жүктеу 24,95 Mb.

бет	169/322
Дата	14.02.2018
өлшемі	24,95 Mb.
	#9613

1 ... 165 166 167 168 169 170 171 172 ... 322

Бесінші есепті шығаруды «Иілу» тақырыбымен танысып, осы оқу құралындағы 6, 7 және 8 мысалдарды талдағаннан кейін қолға алған жөн болады.

Иілу деп, сыртқы күштердің әсерінен білеудің кез келген қималарында ішкі күштердің тек жанама (көлденең) күш пен ию моменті пайда болатын деформацияны айтамыз. Иіліп деформацияланатын білеулер арқалық деп аталады.

Егер июші момент көлденең қимадағы жалғыз ғана ішкі күш болса, онда иілу таза иілу деп аталады.

Иілу, егер көлденең қимада июші моментпен қатар көлденең күш пайда болса, көлденең иілу деп аталады.

Арқалықтың бойлық өсі мен көлденең қимасының бас екпін өстері арқылы өтетін жазықтықтарды бас жазықтықтар деп атаймыз. Сыртқы күш әсер ететін жазықтық (күш жазықтығы) бас жазықтықтарға қарағандағы орналасуына байланысты, таза және көлденең иілу деп екіге бөлінеді Егер күш жазықтығы бас жазықтықтардың бірінде жатса, иілу жазық иілу деп, ал егер күш жазықтығы басқа кез келген ось жазықтықтарында жатса, қиғаш иілу деп аталады.

Кез келген қималардағы көлденең күштер

мен ию мометтері

қию әдісі бойынша анықталады. Көлденең күш шамасы көлденең қиманың бір жағына әсер етуші сыртқы күштердің қима жазықтығындағы проекцияларының алгебралық қосындысына тең. Июші момент шамасы көлденең қиманың бір жағында әсер етуші сыртқы күштердің осы қиманың ауырлық центріне қарағандағы моменттерінің алгебралық қосындысына тең.

Көлденең күштер мен июші моменттерге төмендегідей таңбалар ережесі шартты түрде қабылданған: егер қиманың сол жағынан әсер ететін сырқы күштер төменнен жоғары қарай, ал оң жағында жоғарыдан төмен қарай бағытталса, ол қимадағы көлденең күш оң таңбалы, кері жағдайда теріс таңбалы (18, а – сурет) болады.

гер арқалықтың өсі, сыртқы күштердің қиманың ауырлық центріне қарағандағы моменттерінің әсерінен, дөңестігі төмен қарай иілсе, ол қимадағы ию моменті оң таңбалы деп, ал кері жағдайда (18, b – сурет) теріс таңбалы деп есептеледі.

жүктеу 24,95 Mb.

Достарыңызбен бөлісу:

1 ... 165 166 167 168 169 170 171 172 ... 322