-тарау. Паразиттік аурулардың алдын алу жөніндегі іс-шаралардың жүргізілуін мемлекеттік санитариялық-эпидемиологиялық қадағалау

5. Халықтың санитариялық-эпидемиологиялық салауаттылығы саласындағы мемлекеттік орган ведомствосының аумақтық бөлімшелерінің мамандары паразиттік аурулардың алдын алу бойынша қадағалау барысында мыналарды:

1. 
   медициналық ұйымдар паразиттік аурулармен ауыратын науқастарға уақытылы шұғыл хабарламалар беру, ауруханаға жататын науқастарды, байланыста болған адамдарды анықтау, жүргізу және толықтығын қамту белгіленген контингенттердің медициналық қараумен орындалуын бақылау;
   
2. 
   халықтың паразиттік сырқаттанушылығын жедел және ретроспективті эпидемиологиялық талдауды;
   
3. 
   аумақты эпидемиялық қолайсыздық дәрежесі бойынша аудандастыруды, паразиттік аурулардың ошақтарының типін айқындауды;
   
4. 
   паразиттік аурулардың қоздырғыштарын жұқтыру қаупі бар тәуекел контингенттерін анықтауды;
   
5. 
   паразиттік аурулардың факторларын және берілу жолдарын анықтауды;
   
6. 
   профилактикалық іс-шаралар кешенін айқындауды, оларды іске асыру мерзімін жоспарлауды, тиімділігін бағалауды;
   
7. 
   паразиттік сырқаттанушылық бойынша эпидемиялық жағдайды болжауды;
   
8. 
   паразиттік аурулар тасымалдаушыларының санына мониторинг жүргізуді, олардың түрлік құрамы мен фенологиясын зерделеуді, қансорғыш жәндіктермен және кенелермен күресуді;
   
9. 
   халықты гигиеналық оқытуды жүргізеді.