Меншік құқығына ие болудың туынды тəсілдері

Егер мүлiктi иелiктен айыру туралы шарт мемлекеттiк тiркеуге немесе нотариалдық куəландыруға жататын болса, алушының меншiк құқығы тiркелген немесе нотариат куəландырған кезден бастап, ал шартты нотариаттың куəландыруы да, мемлекеттiк тiркеу де қажет болған жағдайда ол тiркелген кезден бастап пайда болады.

Заттардың алушыға тапсырылуы, сол сияқты, егер заңдарда немесе шартта өзгеше көзделмесе, алушыға жөнелту үшiн көлiк ұйымына өткiзу жəне иелiктен айырылған заттарды жеткiзiп беру мiндеттемесiнсiз алушыға салып жiберу үшiн почтаға өткiзу заттардың берiлуі деп танылады. Егер затты иелiктен айыру туралы кезден бастап берiлген деп танылады. Затқа коносамент немесе өзге де өкiмшi құжат беру заттарды беруге теңестiрiледi. Азамат қайтыс болған ретте оған тиесiлi мүлiкке меншiк құқығы өсиетке немесе заңға сəйкес мұрагерлiк бойынша басқа адамдарға көшедi.

Заңды тұлға қайта ұйымдастырылған ретте оған тиесiлi мүлiкке меншiк құқығы қайта құрылған заңды тұлғаның құқықты мирасқорларына – заңды тұлғаларға көшедi.

Егер, тұлға меншік иесінен заңи негіздер бойынша алынған мүлікті заңнамалық актілерде бекітілген тəртіптерде жəне жағдайларда алатын болса, онда аталған мүлiкке меншiк құқығын осы тұлға алады. Жаңа меншік иесіне заттың өзі ғана емес, оған байланысты барлық құқықтар мен міндеттер де ауысады. Мысалы, меншік иесі затты иеліктен шығарған ретте кепіл, жалға алу құқықтары да бірге ауысады. Міне, осылайша, меншік құқығын алудың туынды əдістері кезінде əрдайым құқықмирасқорлығы орын алады. Иелiктен айырылған заттардың кездейсоқ жойылу немесе кездейсоқ бүлiну қаупi, сатып алушыда меншiк құқығы пайда болумен бiр мезгiлде соған көшедi.