б) Оқытудағы пәнаралық байланыстарды жоспарлау және оны жүзеге асыру жолдары мен әдістері

Пәнаралық байланыстарды пайдалану – мұғалімнің неғұрлым күрделі әдістемелік міндеттерінің бірі. Ол басқа пәндердің де бағдарламалары мен оқулықтарының мазмұнын білуді талап етеді. Оқыту тәжірибесінде пәнаралық байланыстарды жүзеге асыру физика пәні мұғалімінің химия, биология, география пәндерінің мұғалімдерімен бірлесе жұмыс істеуін; ашық сабақтарға қатысып, сабақтарды біріге отырып жоспарлауды және т.б. көздейді.

Пәнаралық байланыстарды жүзеге асыру жолдары мен әдістері туралы мәселе – бұл оқыту әдістерін жетілдірудің жалпы проблемасының бір қыры.

Пәнаралық байланыстарды жүзеге асыру құралдары әртүрлі болуы мүмкін, олар:

 пәнаралық мазмұнды сұрақтар

 пәнаралық мазмұнды есептер

 пәнаралық сипаттағы үй тапсырмалары

 пәнаралық сипаттағы көрнекі құралдар

 пәнаралық жалпылау сабақтары немесе тақырыптық тапсырмалар.