Физикадан алған білімдердің басқа пәндерде пайдаланылуы

10 сынып физика курсы бойынша болашақта пайдаланылатын пәнаралық байланыстардың мәні өзекті әрі кең ауқымды, өйткені көптеген тақырыптар немесе сұрақтар қоғамтануды, химия мен математиканы зерделеуде тірек білімдер болып табылады. Мысалы, физика сабақтарында берілетін молекула-кинетикалық теория негіздері туралы білімдер қоғамтануда (11 сынып) диалектикалық материализмнің негізгі қағидаларын қарастыру кезінде пайдаланылады.

Оқушылардың энергияның сақталу және түрлену заңы туралы білімдері химия курсында (11 сынып) жалпы химия негіздері бойынша білімді қорытып, жалпылау кезінде пайдаланылады. «Информатика және есептеу техникасы» курсында ЭЕМ-ның құрылысы мен жұмыс істеу принциптерін өткенде (11 сынып) ақпаратты магниттік жазу және физика курсынан алынған жартылай өткізгіш құралдарды қолдану туралы білімдерді пайдаланады.