Қазақстан республикасының Ұлттық банкі директорлар кеңесінің Қ аулыс ы алматы қаласы 2007 жылғы 23 мамыр №108 Төлем жүйелерінің жұмыс істеуін қадағалауды

1) ҚРҰБ ДКҚ № 223 30.11.2007жыл. (Тіркеу. № 2409)

2) ҚРҰБ ДКҚ №173 21.10.2008жыл. (Тіркеу. № 2493))

Төлем жүйелерінің жұмыс істеуін қадағалауды жүзеге асыру тәртібін айқындау мақсатында Қазақстан Республикасы Ұлттық Банкінің Директорлар кеңесі ҚАУЛЫ ЕТЕДІ:

1. Төлем жүйелерінің жұмыс істеуін қадағалауды жүзеге асыру ережесі бекітілсін.

2. Осы қаулы Төлем жүйелерінің жұмыс істеуін қадағалауды жүзеге асыру ережесінің 2007 жылғы 1 тамыздан бастап қолданысқа енгізілетін 22-тармағының 4) және 5) тармақшаларын, 23-тармағының 3) тармақшасын, 29-тармағының 7), 8) және 10) тармақшаларын қоспағанда, 2007 жылғы 1 шілдеден бастап қолданысқа енгізіледі.

3. Осы қаулы қолданысқа енгізілген күннен бастап мыналардың күші жойылды деп танылсын:

1) Қазақстан Республикасының Ұлттық Банкі Директорлар кеңесінің «Қазақстан Республикасы Ұлттық Банкінің төлем жүйелерінің және төлем карточкалары нарығының мониторингін жүргізу ережесін бекіту туралы» 2005 жылғы 26 тамыздағы № 204 қаулысы;

2) Қазақстан Республикасының Ұлттық Банкі Директорлар кеңесінің «Қазақстан Республикасының Ұлттық Банкі Директорлар кеңесінің «Қазақстан Республикасы Ұлттық Банкінің төлем жүйелерінің және төлем карточкалары нарығының мониторингін жүргізу ережесін бекіту туралы» 2005 жылғы 26 тамыздағы № 204 қаулысына өзгерістер мен толықтырулар енгізу туралы» 2006 жылғы 5 қаңтардағы № 5 қаулысы.

4. Төлем жүйелері департаменті (Мұсаев Р.Н.) осы қаулы қабылданған күннен бастап жеті күндік мерзімде оны Қазақстан Республикасының Ұлттық Банкі орталық аппаратының мүдделі бөлімшелеріне, аумақтық филиалдарына және «Қазақстан Республикасы Ұлттық Банкінің Қазақстан банкаралық есеп айырысу орталығы» шаруашылық жүргізу құқығы бар республикалық мемлекеттік кәсіпорнына жіберсін.

5. Осы қаулының орындалуын бақылау Қазақстан Республикасының Ұлттық Банкі Төрағасының орынбасары М.М. Сартбаевқа жүктелсін.

Төрағаның

міндетін атқарушы Б. Әлжанов

Қазақстан Республикасының

Ұлттық Банкі

Директорлар кеңесінің

2007 жылғы «23»мамырдағы

№ 108 қаулысымен

бекітілген