Дәрістер тезистері 1 – дәріс

- оқушылардың өз бетінше білім алу мүмкіндігіне сүйене отырып, олардың танымдық қызығушылығын арттыру;

- курстың практикалық бағыттылығын сақтай отырып, зерделенетін материалды өмірмен байланыстыру;

- қолданбалы курс бағдарламасының кәсіптік училищелердегі, колледждердегі және жоғары оқу орындарындағы оқыту мазмұнымен сабақтастығын ескеру;

- жоғары сынып оқушыларының кәсіби іс-әрекеттің кез келген саласына жарамды әмбебап біліктіліктерді (өз пікірін негіздей білу, жұмысын көпшілік алдында қорғай алу, айналасындағыларменен тіл табысу, интеллектуалдық қиындықтарды жеңе білу және т.б.) игеруін қамтамасыз ету.

Осы мақсат-міндеттерге сәйкес қолданбалы курстар келесі талаптарға жауап беруі тиіс деп есептейміз:

- әлеуметтік және жеке тұлғалық мәнінің болуы, кәсіби кадрларды дайындау тұрғысынан, сондай-ақ, оқушының жеке тұлғасын дамыту үшін өзектілігі;

- оқушының әлеуметтеуіне және түрлі жағдаяттарға бейімделуіне мүмкіндік туғызуы, жеке білім траекториясын таңдауға, саналы түрде кәсіби тұрғыдан өзін-өзі анықтауға мүмкіндік беруі;

- оқушыларды теориялық тұрғыдан негізделген оқыту бағдарына сәйкес практикалық іс-әрекетке тарту;

- базалық және бағдарлы жалпы білім беретін пәндерді оқытуды қолдауы, сондай-ақ оқытуды ішкі бағдарлы мамандандыру үшін жағдай жасауы;

- оқытуды ұйымдастырудың мұғалім мен оқушының білімге қажеттілігіне және оқушының болашақ кәсіби іс-әрекетіне сәйкес әдістері мен формаларына сүйенуі;

- дамытушылық әлеуетінің болуы, әлемнің біртұтас бейнесін қалыптастыруға, жалпы білімдік, интеллектуалдық және кәсіби дағдыларды қалыптастыруға мүмкіндік беруі.

Бағдарлы оқытудың мақсаттары мен міндеттеріне сәйкес қолданбалы курстар мынадай әртүрлі функцияларды орындай алады:

- қазіргі заманғы түйінді проблемаларды зерделеу;

- болашақ кәсіби іс-әрекеттің ерекшеліктеріне бағдарлау;

- танымдық дағдыларды жетілдіруге, ұйымдастырушылық іс-әрекетке бағдарлау;

- базалық пәндік білімді толықтыру және тереңдету; бағдарлы пәндерді оқытудағы кемшіліктерді жою.

Көрсетілген функциялардың әрқайсысының орны ерекше болғанымен, тұтас алғанда олар кешенді түрде орындалуы тиіс.