| Сабақты бекіту.
а) «Жұбын тап» ойынын ойнау.
Сөйлемдерді дауыс ырғағымен оқып, тыныс белгісін табу.
Алақай, әкем келді
Сенің атың кім
Оқушылар саяхатқа шықты
ә) «Аққала» ойынын ойнау.
Қыс мерзімі болғандықтан, балалардың негізгі ойыны «Аққала» жасау.
Тапсырма:
І топ – Сөйлем дегеніміз не?
ІІ топ – Сөйлем нешеге бөлінеді? Түрлері.
ІІІ топ – Сөйлемнің түрлеріне қарай мысалдар келтіру.
4 .Қорытындылау.
Оқушылардың жұмысын бағалау.
5.Үй тапсырмасы.
213- жаттығу,үй жұмысының орындалу ретін түсіндіру.
Бағалау
Сабақтың тақырыбы: Сұрақ қою арқылы сөйлемнің байланысын табу
212-217-жаттығу
Сабақтың мақсаты:
Сұрақ қою арқылы сөйлемнің байланысын табу, сөйлемдегі сөздердің дұрыс байланысуын қадағалау. Ұқыпты, қатесіз жазуға дағдыландыру.
Өздігінен жұмыс жасауға бейімдеу.Балалардың ойлау қабілетін дамыту. Оқушыларды таза жазуға, әдептілікке, еңбексүйгіштікке, жағымсыз қылықтардан аулақ болуға, білімді болуға тәрбиелеу.
Сабақтың көрнекілігі: жеке сюжетті суреттер, тірек-сызба, ребус,
Әдісі: сұрақ-жауап, талдау, іздендіру.
Сабақтың барысы. І.Ұйымдастыру кезеңі. Психологиялық дайындық
ІІ.Жаңа сабақ Сұрақ қою арқылы сөйлемнің байланысын табу
212-217-жаттығу
А) КІТАППЕН ЖҰМЫС
2012-жаттығу (сөйлемдегі сөздердің байланысын табу)
Шөп қалың өсті.
Шөп өсті. Атасы шөпті шапты. Біз шөпті тасыдық.
213-жаттығу (мақалды жатқа жазу)
Ақыл көпке жеткізер,
Өнер көкке жеткізер.
214-жаттығу (жеке сөздерді, өзара байланысқан сөздерді бір бөлек топтастыру)
Көбелек, су, сандуғаш, қуыршақ.
Кеме ұнады, қонаққа келді, бақшада өсті, кітаптан оқыды.
215-жаттығу (сөйлемдегі сөздердің дұрыс байланысуының қажеттілігін дәлеледеу)
Жаңа жыл, мереке, ақшақар, аяз ата, сыйлық
217-жаттығу (көп нүктенің орнына керекті сөзді қойып, сөйлемдерді көшіріп жазу)
Біздің үй ТАУҒА жақын. Тау аласалау. Таудың бетіне ну ҚАРАҒАЙ өскен. Ағаш арасында неше түрлі ҚҰСТАР болады. Олар ЗИЯНДЫ жәндіктерді теріп жейді. Құстарға тимеу керек. Құстар АДАМҒА пайдалы.
218-жаттығу (үш сөзді сөйлемге айналдыру)
Асыл мектептен келді. Апам тамақ пісірді. Сиыр өрістен қайтты. Апам сиыр сауды.
ҚОРЫТЫНДЫЛАУ
ҮЙГЕ: 216-жаттығу (сурет бойынша әңгіме құрап жазу)
Бағалау
Сабақтың тақырыбы: Мазмұндама №1 «Тауық»
Сабақтың мақсаты:
Өткен тақырып бойынша алған білімін пысықтау. Балалардың білімін кеңейту. Сөйлемдегі сөздерді байланыстырып жазуға дағдыландыру. Қатесіз, әдемі, ұқыпты жаза білуге баулу. Балалардың ойлау қабілетін дамыту.
Сабақтың көрнекілігі: жеке сюжетті суреттер, тірек-сызба, ребус,
Әдісі: сұрақ-жауап, талдау, іздендіру.
Сабақтың барысы. І.Ұйымдастыру кезеңі. Психологиялық дайындық
ІІ.Жаңа сабақ Мазмұндама №1 «Тауық»
А)Жұмбақ шешу
Күн батса қонақтап қалғыған,
Таң атса жерден жем аңдыған.
/Тауық/.
Ә)Тауық туралы мәлімет
Тауықтар — тауықтәрізділер отрядына жататын құс, ауыл шаруашылық құстарының неғұрлым кең тараған түрі. Еті мен жұмыртқасын, қауырсыны мен мамығын алу үшін өсіріледі. Саңғырығы тыңайтқыш ретінде қолданылады. Олардың барлық тұқымдарының арғы тегі – бұдан 5 мың жыл бұрын Үндістанда қолға үйретілген жабайы банкив тауығы. Төбесінде теріден тұратын айдары, құлақ сырғалықтары, қоразының аяғында сырғалығы мен сүйір тепкісі болады. Қауырсындарының түсі әр түрлі. Көпшілік тұқымдарының артқы жіліншігі мен тұмсығы сары кейде қызғылт, қара болады. Тауықтардың денелері тығыз, табандары үнемі жер бетінде жүретіндіктен мықты, төрт саусақты, тырнақтары қатты жерлерді де қазуға бейімделген. Қаңқасы дала құстарымен салыстырғанда ауырлау. Қанаттары қысқа, ұша алмайтындықтан оларды өте сирек пайдаланады. Жұмыртқа салатын, балапандарын басып шығаратын қолайлы жерді өздері таңдап алады.
Өнімділік бағытына қарай ет, ет-жұмыртқа, жұмыртқа бағытындағы тауықтар деп бөлінеді, сонымен қатар өндірістік мәні жоқ көркемдік және жауынгер тауықтар да өсіріледі. Жұмыртқалағыш тұқымы онша ірі емес, мекиені 1,7 – 2,2, қоразы 2,5 – 3 кг; етті-жұмыртқалағыш тұқымы сәйкесінше 2,3 – 2,8 және 3,4 – 3,8; етті тұқымы 3 – 3,5 және 3,8 – 4,5 кг салмақ тартады. Етті тұқымының балапандары (бройлер) тез өседі, олардың жұмыртқаны жарып шыққандағы салмағы 38 – 41 г. болса, 7 – 8 аптада 1,5 – 1,8 кг салмақ қосады. Тауықтар жыныстық жағынан ерте жетіледі (5 – 6 айда). Жұмыртқалағыш тұқымы басқа тұқымдарына қарағанда тез өседі. Жұмыртқалағыш тауықтар жылына орта есеппен 220 – 250 дана, ал етті тұқымдылары 110 – 220 дана жұмыртқа береді. Жыл сайын жұмыртқалау мерзімінің соңына қарай тауықтар түлей бастайды, ол өнімділік бағытына және күтіп-баптау жағдайына байланысты 2 – 3 аптадан 2 айға дейін созылуы мүмкін. Түлеу кезінде жұмыртқа салмайды. Жұмыртқалау мерзімінің басында жұмыртқаның салмағы 40 – 50 г, ал соңына қарай 57 – 65 г-ға дейін көтеріледі. 10 жылға дейін жұмыртқалай алады, екінші жылы ең көп жұмыртқа береді, содан кейін жылдан жылға жұмыртқа саны кемиді. Тауықтар өсіретін шаруашылықтарда өнімі мол тұқымдық тауықтарды 2 – 3 жыл ұстайды. Тұқымдық тауық үйірінің 55 – 60%-ы жас, 30 – 35%-ы – 2 жастағы, 10%-ы 3 жастағы тауықтар болады. 8 – 12 тауыққа 1 қораз ұсталады. Тағамдық жұмыртқа алуда қораз ұстамаса да болады. Тауықтарды қолда өсіргенде қораны кең, жарық, су өтпейтін, жылы жерге салады. Ішінде тауықтарды азықтандыратын науалар, суаратын астаулар, жұмыртқалайтын ұялар болады, оларды жуып, дезинфекциялап отырады. Қыста қалың төсеніш үстінде ұстайды. Тауықтар қорасының алдына үлкендеу ашық алаң қоршалады. Сонымен қатар тауықтарды құс фабрикаларында, арнайы шаруашылықтарда өсіреді (қ. Құс өсіру). Тауықтарды азықтандыру ерекшеліктері тұқымына, өнімділік бағытына байланысты. Жемі – арнайы дайындалған құрама жем.
Әсемдік, жауынгер Тауықтарды әуесқой құс өсірушілер әсем қауырсыны немесе дене құрылысы үшін, түрлі мақсаттар үшін (төбелестіру, т.б.) өсіреді. Әсемдік тауықтар өте кішкентай, ергежейлі, қауырсыны бұйра, жібектей жылтыр болады.[1]
Құстардың қан айналымы қосмекенділер мен жорғалаушылардан күрделі. Жүрегі төрт бөліктен : екі құлақша және екі қарыншадан құралып, оң және сол жақ жартыларға бөлінеді. Жүректегі салатамыр және көктамыр қаны бірімен-бірі араласпайтындықтан, бүкіл ағзаға тек оттегіне қаныққан қан таралады.
Құстың денесіндегі қан екі шеңбер бойынша айналады, олар үлкен және кіші қанайналым шеңбері деп аталады. Жүректің сол жақ қарыншасынан шыққан салатамырдағы қан бүкіл денені аралап, денедегі жасушаларға оттегін береді, көмірқышқыл газға қанығып, оң жақ құлақшаға оралады. Бұл- үлкен қанайналым шеңбері. Оң жақ құлақшадағы көктамыр қаны оң жақ қарыншаға өтіп, өкпеге барады , құрамындағы көмірқышқыл газды өкпеде қалдырып, өкпедегі оттегімен қаныққан соң сол жақ құдақшаға құяды. Бұл- кіші қанайналым шеңбері. Құстың жүрегі қуатты жұмыс істейтіндіктен, қан тамырларды бойлай шапшаң ағып, ағзаға қажетті мөлшерде оттегі мен қорек жеткізеді. Сондықтан құс денесіндегі температура тұрақты (40-45 градус) болады.
Б)Мәтінді оқып, мазмұнын түсіндіру.
Сұраққа жауап алу
Жоспар құру, сол жоспар бойынша мазмұнын жазуға үйрету.
Тауық
Ернұрдың әжесінің тауықтары көп еді. Әжесі күнделікті оларға жем-суын беріп тұратын. Жемін шашқан кезде тауықтар тез жиналып, дәнді шоқи жөнеледі.
Бірде аулада олардың қимылын қызықтап тұрған Ернұр:
-Ой, әжемнің тауықтары тәртіпті сақтай біледі екен. Жемді жинап, ауланы тазартып жатыр, - деді мәз болып.
Сұрақтары:
1 . Әжей не өсіреді?
2. Жемді көрген тауықтар қайтеді?
3. Ернұр неге мәз болды?
Жоспары:
1. Әжейдің тауықтары
2 . Тауықтардың іс әрекеті
3. Тәртіпті тауықтар
Достарыңызбен бөлісу: |
