Қазақ тілі мен әдебиеті (оқыту тілі қазақ тілі емес мектептер үшін) Қысқа мерзімді жоспарлар жинағы 8-сынып

 
 
«НАЗАРБАЕВ ЗИЯТКЕРЛІК МЕКТЕПТЕРІ» ДББҰ 
«БІЛІМ БЕРУ БАҒДАРЛАМАЛАРЫ ОРТАЛЫҒЫ» ФИЛИАЛЫ 
 
 
 
 
 
 
 
 
 
 
 
 
 
 
ҚАЗАҚ ТІЛІ МЕН ӘДЕБИЕТІ 
(оқыту тілі қазақ тілі емес мектептер үшін) 
Қысқа мерзімді жоспарлар жинағы 
8-сынып 
 
 
 
 
 
 
 
 
 
 
 
 
 
 
 
 
 
 
Назарбаев Зияткерлік мектептері  
Нұр-Сұлтан, 2019 

 
 
ӘӨЖ 373 
КБЖ 74.268.1 
Қ17 
 
 
 
 
 
 
 
 
 
 
 
 
 
 
 
 
 
 
 
 
 
Қ17  Қазақ  тілі  мен  әдебиеті  (оқыту  тілі  қазақ  тілі  емес  мектептер  үшін).  Қысқа 
мерзімді  жоспарлар  жинағы.  8-сынып  /  М.Т.  Козганбаева,  А.С.  Жакыпжанова,         
Ж.А. Максутова және т.б. – Нұр-Сұлтан: «Назарбаев Зияткерлік мектептері» ДББҰ, 
«Білім беру бағдарламалары орталығы» филиалы, 2019 - 152 б. 
 
ISBN 978-601-328-552-8 
 
Әдістемелік құралда 8-сынып бойынша «Қазақ тілі мен әдебиеті» (оқыту тілі қазақ 
тілі  емес  мектептер  үшін)  пәнінен  жаңартылған  білім  беру  мазмұны  негізінде  сабақтар 
жинағы  ұсынылады.  Әр  тарау  бойынша  жинақталған  сабақтардың  топтамасы  арқылы 
қазақ  тілін  өзге  тілді  аудиторияда  коммуникативтік  тәсіл  негізінде  оқытудың  озық 
үлгілері  қамтылған.  Әдістемелік  құрал  пән  мұғалімдері  мен  жаңартылған  білім  беру 
мазмұны бойынша курс ұйымдастырушыларға арналады.  
 
 
 
ӘӨЖ 373 
КБЖ 74.268.1 
 
 
 
 
© «Назарбаев Зияткерлік мектептері» ДББҰ  
ISBN 978-601-328-552-8                             
«Білім беру бағдарламалары орталығы» филиалы, 2019 

 
 
МАЗМҰНЫ 
 
АЛҒЫ СӨЗ                                                                                                                                    4 
САБАҚ ҮЛГІЛЕРІ 
1-бөлім: Білім. Ғылым. Инновация.                                                                     5-19 
2-бөлім: Сауда жасай білесің бе?                                                                                          19-26 
3-бөлім: Жаһандық энергетикалық дағдарыс.                                                                    26-35 
4-бөлім: Достық пен татулық - таптырмас бақыт.                                                  
    35-42 
5-бөлім: Кәсіп – бақыттың шырағы, еңбек – ырыстың бұлағы.                                        42-55 
6-бөлім: Қазақстанның су ресурстары.                                                                                55-62 
7-бөлім: Тарихи тұлғалар тағылымы.                                                                                  62-77 
8-бөлім: Қызым – жағадағы құндызым, ұлым – аспандағы жұлдызым.                           77-87 
9-бөлім: Биоалуантүрлілік. Жойылып бара жатқан жануарлар мен өсімдіктер.           87-97 
10-бөлім: Наурыз және әлем халықтары-ның оны қарсы алу ерекшеліктері.              98-109 
11-бөлім: «Мәңгілік елдің нұрлы жолы!»                                                                        109-121 
12-бөлім: Қазақтың айтыс өнері мен сөз мәдениеті.                                                       121-131 
13-бөлім: Қазақстан - Байқоңыр-Ғарыш                                                                          132-140 
ТЫҢДАЛЫМ МӘТІНДЕРІ                                                                                 
141-150 
 
 
 
 
 
 
 
 
 
 
 
 

 
 
Алғы сөз 
Негізгі  орта  білім  беру  деңгейіне  арналған  бағдарлама  мақсаттарының 
бірі – түрлі әлеуметтік топтармен тиімді тіл табысуға қабілетті азаматтарды 
тәрбиелеу.  Осы  мақсатқа  жетуге  қажетті  дағдыларды  дамыту  үшін 
ынталандырушы  және  қолдаушы  ортаны  құру  керек.  Коммуникацияның 
түрлі формаларын қолдану құнды болып саналатын мұндай ортада оқушылар 
өз пікірін еркін білдіре алады. 
Білім  беру  бағдарламасы  аясында  оқушылардың  түрлі  құралдарды 
қолдану  арқылы  сыныптастарымен,  мұғалімдерімен,  көпшілікпен  ауызша 
және  жазбаша  қарым-қатынасқа  түсуі,  қазақ  тілін  сауатты  пайдалануы 
ынталандырылады. 
 Қазақ  тілін  коммуникативтік  тұрғыдан  оқыту  –  функционалдық-
мағыналық  тұрғыдан  меңгертуді  білдіреді.  Коммуникативтік  технология, 
негізінен, сөйлеу әрекетінің есту, сөйлеу, оқу, жазу түрлерінің өзара біртұтас 
байланыстағы кешенді оқытуға сүйенеді. 
  «Қазақ  тілі  мен  әдебиеті»  пәнінен  8-сынып  бойынша  ұсынылып 
отырған сабақтар жинағы Жаңартылған білім беру бағдарламалары негізінде  
дайындалып,  коммуникативтік  тәсіл  негізінде  оқытудың  озық  үлгілерін 
қамтиды. Әр сабақ сөйлеу әрекетінің түрлері бойынша кезең-кезеңмен оқыту, 
яғни мәтіналды тапсырма, мәтінмен жұмыс тапсырмалары, мәтіннен кейінгі 
тапсырмалардан  құралады.  Сонымен  қатар  осы  жинақтан  тіл  мен  әдебиетті 
кіріктіріп оқытудың тиімді тәсілдері мен оны бағалаудың мысалдарын көруге 
болады.  
     Жинақта  ұсынылған  тапсырмалардың  нұсқаулығы  арнайы  оқушыларға 
бағытталған,  сондықтан  оны  дайын  таратпа  материал  ретінде  қолдануға 
болады.  
 
Сонымен  қатар  ғаламтор  сілтемелері  арқылы  ұсынылып  отырған 
материалды  жүктеп  алуға  және  сілтемелерді  қосымша  ресурс  көзі  ретінде  
пайдалануға  болады.  Алайда  сабақта  сілтемені  бірден  оқушыға  ұсынбас 
бұрын,  оның  мазмұнын  тексеріп,  оқушының  жас  ерекшелігіне  сәйкестігін, 
ақпараттың сенімділігін алдын ала анықтап алу қажет.  
 
«Қазақ  тілі  мен  әдебиеті»  пәні  бойынша  Жаңартылған  білім  беру 
бағдарламасын жүзеге асыру барысында аталған жинақ пән мұғалімдері үшін 
және  осы  оқу  бағдарламасы  бойынша  курс  ұйымдастырушылар  үшін  үлкен 
септігін тигізеді деген сенімдеміз.  
Авторлар ұжымы