Монография / Аида Сағынтаева, Әсел Қамбатырова, Лаура Қарабасова

жүктеу 2,34 Mb.

Pdf просмотр

бет	133/149
Дата	10.03.2023
өлшемі	2,34 Mb.
	#41684

1 ... 129 130 131 132 133 134 135 136 ... 149

Bilim-beru-zertteulerine-kirispe

5-қадам.
Сипаттама мен тақырыптардың сапалық зерттеуде
қалай қарастырылатынын анықтау. Талдау нәтижелерін баяндау
арқылы жеткізу ең танымал тәсіл болып табылады. Бұл оқиғалар
хронологиясын, бірнеше тақырыпты толыққанды талқылауды
(шағын тақырыптармен, нақты кескіндермен, жеке тұлғалардың
көзқарастарымен және дәйексөздермен) немесе өзара байланы-
сты тақырыптарды жеткізетін әңгіме түрінде болуы мүмкін. Көп-
теген зерттеушілер талқылауды толықтыру үшін көрнекі құрал-
дарды, суреттерді немесе кестелерді де қосымша пайдаланады
(Creswell, 2009).
6-қадам.
Деректерді талдаудың соңғы қадамы – оларды интер-
претациялау. Аталмыш идеяның мәні «Қандай сабақтар алынды?»
деген сұрақты танытады. Кресуэлл (Creswell, 2009) Линкольн мен
Губаға (Lincoln & Guba, 1985) сілтеме жасай отырып, ол сабақтар
зерттеушінің өз мәдениетінен, тарихынан және тәжірибесінен
зерттеуге не қосатынын пайымдаудан туған жеке интерпретация-
сы болуы мүмкін деп санайды. Ол деректерді талдау нәтижелерін

210
Білім беру зерттеулеріне кіріспе: теория, әдістер және тәжірибелер
әдебиеттерден не теориялардан алынған ақпаратпен салыстыру
нәтижесінде жасалған түйін болуы мүмкін (жасалған түйіндер оны
растауы мүмкін немесе одан өзгеше болуы мүмкін). Сондай-ақ ол
деректерді талдау нәтижесінде туындаған және зерттеуші бұрын
байқамаған жаңа мәселелер болуы мүмкін. Зерттеуді қорытынды-
лаудың бір жолы – қосымша сұрақ қою. Зерттеушілер теориялық
аяны пайдаланған кезде реформалар мен өзгерістерге бағытталған
әрекеттерді талап ететін пайымдауларды түйіндей алады. Осылай-
ша, сапалық зерттеулердегі интерпретация әр алуан формаларды
қабылдап, зерттеу жобасын жобалаудың түрлеріне бейімделуі және
зерттеуге, тәжірибеге негізделген дербес мәнін жеткізуге икемде-
луі мүмкін (Creswell, 2009).

жүктеу 2,34 Mb.

Достарыңызбен бөлісу:

1 ... 129 130 131 132 133 134 135 136 ... 149