122
123
2-оқушы:
- Бар жәндігін сүйемін қыбырлаған,
Бәрі маған: «Отан!»-деп сыбырлаған.
Жаным менің, кеудемді жарып шық та,
Бозторғайы бол да оның шырылдаған.
3-оқушы:
- Бұл күні қырқаларға гүл тұнады,
Бар әлем бір-ақ сәтте құлпырады.
Әлемге дос құшағын жая келген,
Армысың, бар халқымның ынтымағы!
Бармысың, қазағымның ынтымағы!
4-оқушы:
- Ынтымағы жарасқан береке күн,
Білдіреді болашақ ел ертеңін.
Татулық пен достығың арта берсін,
Құтты болсын бүгінгі мереке күн.
- 1995 жылдың наурызында дүние жүзіне
үлгі болып отырған, ұлтаралық татулық пен
тұрақтылықтың феномені – Қазақстан халықтары
ассамблеясы құрылды. Бұл ешбір елде болмаған
ерекше, саяси маңызы зор құрылым. Биыл Қазақстан
халықтарының ассамблеясының құрылғанына 20
жыл толды.
Бүгінде әрбір ұлтқа салт-дәстүрлерін жаңғыртуға,
мәдениеті мен әдебиетін дамытуға, тілінің
жетілуіне қамқорлық көрсетілуде. Дегенмен
бақыт, әділдік, бейбітшілік, жарқын болашақ
үшін күрес олардың бәрінің басын біріктірді.
«Бірлігі жоқ ел тозады, бірлігі күшті ел озады» дейді
қазақ мақалы.
- Балалар, қазір мынадай тапсырма орындап
көрейік. Алдарыңызда мақалдар берілген, оның
кейбір сөздері суретпен, сөздерді қойып, мақалды
оқы, сол сөзді 3 тілде айтып беріңіз.
1000 жолдас жақсы,
1000 жолдастан бір дос жақсы.
Ағаш тамырымен,
Адам досымен мықты.
Дос құшағы – жаз.
Досы жоқ адам – тұзы жоқ тағам.
- Жарайсыңдар, балалар. Сендер тағы достық
туралы қандай мақал білесіңдер?
1. Ақылдымен дос болсаң биіктейсің,
Ақылсызбен дос болсаң адасасың.
2. Досыңды жамандама,
Бостан босқа қаралама.
3. Дос жылатып айтады,
Дұшпан күлдіріп айтады.
4. Досың үшін жан пида.
5. Дұшпанға тастай қатты бол,
Досыңа балдай тәтті бол.
6. Досы көпті жау алмайды,
Ақылы көпті дау алмайды.
7. Жүз сомың болғанша,
Жүз досың болсын.
8. Жаман аттан аяғым артық,
Жаман жолдастан таяғым артық.
9. Жаман туғаның болғанша,
Жақсы жолдасың болсын.
- Халқымыз достық, ынтымақтастыққа ерекше мән
берген. Бірлік — халық салты. Халқымыздың бірлік
салты отбасынан басталып, бүкіл елдің, барлық адам
баласының бірлігімен ұласады.
124
125
«Ырыс алды – ынтымақ» атты көріністі
тамашалайық.
- Қазақстан Республикасын мекен еткен 130-дан
астам ұлт өкілі күні бүгінге дейін ынтымақтастыққа,
бір үйдің баласындай тату-тәтті, жарасымды тіршілік
кешіп келеді. Жүзі басқа болғанымен жүрегі бір, тілі
басқа болғанымен тілегі бір, мақсат-мүддесі ортақ,
бірлігі мықты, достығы берік ұлттар қазақ елінің
салт-дәстүріне, ұлттық құндылықтарына құрметпен
қарайды.
(Өзбек биі) .
- Әрбір адам қай ұлттың өкілі болмасын біздің
елде тұратын барлық ұлттың тіліне, дәстүріне, әдет
- ғұрпына сыйластықпен қарайды. Қазір біз татар
халқының ұлттық ойынын ойнаймыз.
ТАП ТА, ҚУЫП ЖЕТ (ЧИТАНМЕ, БУЗМЕ)
Ойын ережесі:
Бұл – татар балаларының ойыны. Ойыншылар
орындыққа немесе шөп үстіне бір қатарға отырады.
Жүргізуші бала олардың алдына жайғасады.
Оның көзі байлаулы болады. Ойыншылардың бірі
жүргізушіге келіп, иығына қолын қойып, оны атымен
атайды. Жүргізуші оның кім екенін табуы тиіс. Егер
ол дұрыс тапса, онда ол жұмбақ жасырады. Егер
таппаса, оған жұмбақ жасырады.
ӘН. «Ағайынбыз бәріміз».
- Құрметті қонақтар, «Достық – біздің тірегіміз»
атты тәрбие сағаты аяқталды. Сіздерге денсаулық,
отбасыларыңызға амандық, шығармашылық табыс
тілейміз. Назарларыңызға рахмет.
Л.ӘУБӘКІРОВА,
№43 орта мектебі.
Петропавл қаласы.
ТІЛІМ БАРДА АЙТЫЛАР СЫР
ОЙДАҒЫ
Мақсаты: оқушылардың еліне, ұлтына, тіліне
деген сүйіспеншілігін арттыру, тілді ұлттық мұра
ретінде сезінуге, тіл мәдениетін сақтай білуге үйрету,
тіліміздің қадір-қасиетін бойларына дарыту.
Көрнекілігі: ұлағатты сөздер,кітап бұрышы,
презентация, интерактивті тақта.
Ұлағатты сөздер:
1) «...Халық тілінің байлығын игеру-зор
талғам,парасатты тілейтін жұмыс».
Ғабит Мүсірепов.
2) «Тіл-жүректің айтқанына көнсе жалған
шықпайды».
Абай.
3) «Тіл дегеніміз-қай халықтың болмасын келешегі,
.. тағдыры».
Бауыржан Момышұлы.
4) «Тіл жоқ жерде ұлт жоқ».
Шыңғыс Айтматов.
Барысы:
1. Ашылуы.
Сазды әуен ойнап тұрады («Сарыарқа»күйі)
126
127
Жүргізуші: - Армысыздар,сайысқа қатысушылар,
құрметті ұстаздар! Бүгін ҚР халықтарының тілдер
күніне байланысты 5-сыныптар арасында «Тілім
барда айтылар сыр ойдағы» интеллектуалдық
марафон сайысы өткелі жатыр. Енді осы сайысты
тамашалауға шақырамыз.
22-сентября в Казахстане отмечается День
языков народов Казахстана. В нашей прекрасной,
миролюбивой, гостеприимной стране, где бок о бок
проживают и трудятся более ста национальностей
и народностей, 46 конфессии, естественно звучит
поговорка о том, что «народа каждого язык-прекрасен
и велик!»
Жүргізуші: - Құрметті сайыскерлер! Сайысты
бастамас бұрын сіздерге оның өту барысынан
қысқаша мәлімет бере кетейік.
Сайыс алты кезеңнен тұрады, берілген
тапсырмаларды дұрыс, нақты жауап беріп, жоғарғы
ұпай алған топ жеңімпазы деп атанады.
1-кезең-сайыскерлердің өзін-өзі таныстыру.
2-кезең-Кім көп біледі?
3-кезең-Көңілі ояу,көзі ашық.
4-кезең-Сөз тапқанға қолқа жоқ
5-кезең-Өнерліге өріс кең.
6-кезең-Құрақ сөз .
7-кезең-Тіл өнері(«Өзге тілдің бәрін біл, өз тіліңді
құрметте»)
Әр кезеңде сайыскерлерімізге қойылатын талап та,
шарт та қатал. Ол талап пен шарт туралы әр кезең
барысында хабарлап отырамыз (қазылар алқасын
таныстырып өтеді).
Әділ қазы-ақ қазыға бір сәлем
Әділдікке бас иеді күллі әлем.
Жүйрік озар сайыстарда неше бір,
Сарапқа сап әділдікпен шеше біл,-дей келе, сіздерді
енді әділ қазылар алқасымен таныстырып өтейік.
1-кезең. Өзін-өзі таныстыру
Сайыстың 1-кезеңінің шарты бойынша өздерін
таныстырады.
1-топ: Біздің топ: «Жас дарын»
Біздің ұранымыз: «Сүйемін туған тілді-қазақ
тілін».
Біздің өлеңіміз: Тіліміздің бұлағы
Тірліктің ел жүрегі,
Ана тілін сүйемін,
Отан үшін күйемін.
2-топ: Біздің топ: «Жас ұлан»
Біздің ұранымыз: «Тіл бар жерде- өмір бар»
Біздің өлеңіміз: Ана тілің – арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.
3-топ: Біздің топ: «Жұлдыздар»
Біздің ұранымыз: «Өнер алды-қызыл тіл»
Біздің өлеңіміз: Тілден биік асқар жоқ,
Тілден терең теңіз жоқ.
2-кезең. Кім көп біледі?
Ана тілім-бәрін айтар шежірем,
Тілсіз нені білдіре алам, не білем?!
Достарыңызбен бөлісу: | 
