Білім беру бағдарламасы мамандығы: Химиялық инжиниринг технологиясы

Біліктілігі: Мұнайды, газды, химиялық компоненттерді өңдеу технологы

Оқу түрі: күндізгі

Нормативтік оқу мерзімі: 2 жыл 10 ай

Базасы: жалпы орташа білім

Техникалық және кәсіби білімнің тәжірибелік оқыту бағдарламаларын жүзеге асыру бойынша

Тәжірибелік бағдарламалардың мұнай-газ саласы үшін білікті кадрлар дайындаудың халықаралық стандарттары талаптарына сәйкестігін қамтамасыз ету мақсатында олардың негізі ретінде мұнай-газ компаниялары үшін кадрларды дайындау саласындағы әлемдік көшбасшылардың бірі болып табылатын, аккредиттелген және валидтелген SAIT Polytechnic бағдарламалары пайдаланылған.

«Кәсіпқор» Холдингі мен SAIT Polytechnic ынтымақтасу шегінде оқу жоспарлары мен бағдарламаларын, оқыту әдістері мен студенттер білімін бағалауды келісімдеу, серіктес колледждерде оқыту нәтижелерін өзара мойындау, бағдарламаны басқарудың ортақ құрылымдарының болуын, ағылшын тілін оқыту тілі ретінде бекітуді қарастыратын қос дипломдар бағдарламалары бойынша кадрларды дайындау анықталған.

Тәжірибелік оқыту бағдарламалары білікті жұмысшы сертификатын бере отырып, кадрларды жұмыс мамандықтары бойынша дайындауды және диплом бере отырып, ортаңғы звено мамандарын дайындауды қарастырады.

Білікті жұмысшы сертификатын алу үшін оқу мерзімі 1жыл 10 айды, ортаңғы звено маманы дипломын алу үшін 2 жыл 10 айды құрайды.

Мамандықтар бойынша тәжірибелік оқыту бағдарламалары құрылымында циклдар бойынша пәндер тізімі бар: жалпы гуманитарлық, жалпы кәсіби, арнайы пәндер. Пәндер бағдарламалары мазмұны модуль форматында ұсынылған.

Жалпы гуманитарлық және жалпы кәсіби пәндер циклдары Foundation дайындық бағдарламасына (1 курс), техникалық бағдарламаға арнайы пәндер блогына (2-3 курс) бейімделген.

Жалпы гуманитарлық пәндер блогы құрамына IELTS 6,5 деңгейінде ағылшын тілін меңгеруді қамтамасыз ететін базалық дайындық кіреді. Ағылшын тілінің оқыту тілі болуымен байланысты, ағылшын тілін меңгеру арнайы пәндерді сәтті меңгеру үшін жеткілікті деңгейге дейін «батыру» әдісімен қамтамасыз етіледі. Ағылшын тілін, оның ішінде, тар шеңберде мамандандырылған техникалық терминдерді білу маманды әлімдік стандарттармен сәйкес сертификациялау үшін ажырамас талап болып табылады.

Ағылшын тілін меңгеру 640 сағат көлемінде оқудың алғашқы жылының екі семестріне есептелген. Бағдарлама мазмұны сегіз апталық циклдарға бөлінген және ауызекі және техникалық ағылшын тілін меңгеруге бейімделген.

Жалпы кәсіби пәндер блогы Foundation бағдарламасы шегінде сағаттарының жалпы көлемі 640 сағатты құрайтын математика, физика және химияны меңгеруге есептелген. Осы пәндер де практикалық дайындық басымдылығымен сегіз апталық циклдарға бөлінген. Осы пәндер мазмұны қолданбалы бағыттылыққа ие және мамандықтың арнайы пәндерін меңгеруге бейімделген.

Foundation дайындық бағдарламасы құрамына, сонымен қатар, «Мұнай-газ ісіне кіріспе» пәні кіреді. Осы пән шегінде студенттер мұнай-газ ісін, мұнай-газ операциялары саласындағы негізгі ұғымдарды (апстрим, мидстрим, даунстрим) және мұнай-газ нысандарына (механика, электрика, КИПиА) қызмет көрсетуді меңгереді.

Техникалық бағдарлама құрамында мұнай-газ нысандарын пайдалану, мұнайды барлау және өндіру, ұңғымаларды бұрғылау және айдау, мұнай-газ нысандарына техникалық қызмет көрсету және жөндеу, механика және электрика бойынша арнайы пәндер блогы бар. Бағдарлама төрт семестрге есептелген.

Аралық және қорытынды аттестация әрбір бағдарламаның (Foundation, техникалық бағдарлама) семестрі аяқталғаннан кейін өткізіледі.

Тәжірибелік бағдарламалар «кезекті» оқыту принципі бойынша жүзеге асырылады, ол өндірістік оқыту мен аудиториялық сабақтарды кезектестіруді қарастырады. Бұл ретте сертификациялық мамандықтар бойынша өндірістік оқыту үлесі кем дегенде 70%, дипломдық мамандықтар бойынша кем дегенде 50% құрайды. Өндірістік оқыту кәсіпорындар базасындағы немесе цехтер, шеберханалар, шынайы өндірістік орта туғызатын жабдығы бар және әлемдік колледждер талаптарына жауап беретін оқу орындары зертханаларында практикалық жұмыстар форматында ұйымдастырылады. Сонымен, студенттердің жұмыс тәжірибесі кәсіпорындағы өндірістік оқыту кезеңінде ғана емес, сонымен қатар, цехтағы немесе оқу орнының зертханасындағы техникалық дайындық есебінен қалыптастырыла алады.

Оқу орындары «кезекті» оқыту принципіне жауап беретін, оқыту формалары бойынша (дуальды, «шәкірттік» және т.б.) басқа да траекторияларды анықтай алады, яғни теориялық және практикалық дайындықтардың үйлесімдері.

Тәжірибелік бағдарламалар Қазақстанның мұнай-газ саласының индустриальды-инновациялық дамуының негізгі басымдылықтарын ескере отырып және профильді тапсырыс берушілермен – жұмыс берушілермен келісілген білікті жұмысшылар мен мамандардың өзекті кәсіби құзыреттерін алуға бейімделген.

Құрылымда көрсетілген кәсіби қызмет түрлерін және қажетті кәсіби құзыреттіліктерге ие болу мақсатымен білім алушы пәндер модульдерін меңгеру барысында жұмыстық практикалық тәжірибені игеріп (еңбек әрекеттерін орындау машықтарына ие болу), көрсетілген дағдыларға ие болып, білім алуы тиіс.

Айта кететін жайт, жобаланатын құзыреттен тізімі шекті шынайы және практикалық жүзеге асырылымды, себебі пәндер модульдері жүйесімен, оқу қызметінің нақты түрлерімен, қажетті оқыту технологияларымен, адекватты бағалау құралдары жүйесімен байланысты.

Тәжірибелік бағдарламалар ерекшеліктеріне практикалық құраушы және оқу мекемелеріне жұмыс бағдарламаларын әзірлеу кезінде бағдарламаны мазмұнмен толтыру аспектісінде жеткілікті дербестік ұсыну жатады. Тәжірибелік бағдарламалардың жалпы еңбек сыйымдылығы көрсеткіштері, пәндер циклдарының еңбек сыйымдылықтары академиялық сағаттар мен кредиттермен берілген.

Тәжірибелік бағдарламаларды жүзеге асыру кезінде ұсынылады:

оқу сабақтары түрлері - дәріс; семинар; зертеу семинары; практикалық семинар; зертханалық жұмыс; кеңес беру; өздік оқу; инструктор басшылығымен өздік оқу; практика; жоба дайындау; студенттік командалар; пікірталас клубы;

оқу әрекеттері түрлері – дәрістерге, аудиториялық сабақтарға бару; зертханаларда, шеберханаларда, цехтарда практикалық тапсырмалар орындау; курстық жұмыстар құрастыру; техникалық және зертханалық дағдыларды қалыптастыру; есептер дайындау; оқу-әдістемелік әдебиеттер оқу; тезистер дайындау; басқалармен орындалған жұмыстардың конструктивті сынына үйрету; бақылау және бағалау іс-шараларына қатысу; топтағы талқылаулар; компьютердегі тұсаукесерлер; демонстрациялар;

бағалау түрлері – ауызша емтихан; жазбаша емтихан; жазбаша зертханалық емтихан; ауызша тұсаукесер; тестілеу; есептер; сынақтар; курстық жоба; ағымдағы бағалау.

Тәжірибелік бағдарламаларды жүзеге асыру ұсынылып отырған практикалық жұмысты жүзеге асыру үшін бүгінгі күнгі материалдық-техникалық базаның болуын, сонымен қатар, қажетті Біліктілігі деңгейінің педагогикалық жұмысшыларының болуын талап етеді.

Тәжірибелік бағдарламалар мазмұнын корреляциялау Кадрларды дайындау және қайта дайындау бойынша Атырау аймақаралық кәсіби орталық базасында оларды бейімдеу нәтижелері бойынша жүзеге асырылатын болады.

Тәжірибелік оқыту бағдарламасын жүзеге асырудың материалдық-техникалық және оқу-әдістемелік шарттары.