122
Жұмыс дәптерімен жұмыс жүргізіледі.
Үйге тапсырма: §59. «Қазақстан Республикасының Конституциясы»
әңгімесімен танысу, сұрақтар мен тапсырмаларға дайындалып келу.
§60. Қазақстан республикасының мемлекеттік рәміздері
сабақтың мақсаты: оқушылардың Қазақстан Республикасының
мемлекеттік рәміздері: Гербі, Туы және Гимні туралы түсініктерін терең-
дету. Мемлекеттік рәміздерді жасаған авторлар туралы білімдерін одан әрі
кеңейту. Бұл сабақтың материалы оқушыларда халықтар арасындағы келісім
мәдениетін тәрбиелеуге, олардың бойында достық, мемлекеттік рәміздерге
құрметпен қарау сезімін тәрбиелеуге мүмкіндік береді.
пайдаланылатын көрнекі құралдар: карта, бейнефильм мен аудио-
фильмнен үзінділер, электронды оқулық, иллюстрациялық материалдар.
өткен материалды қайталау. Оқып-үйренген материалды қайталау
оқулықтағы сұрақтар мен тапсырмалар және мұғалімнің қосымша сауалдары
бойынша жүргізіледі.
Жаңа материалды оқып-үйрену жоспары:
1. Қазақстан Республикасының мемлекеттік рәміздері.
2. Мемлекеттік рәміздердің авторлары.
Жаңа материалды оқып-үйрену Қазақстан Республикасының Мемле-
кеттік Гимнін айтудан басталады.
Бейнефильм мен аудиофильмнен не электронды оқулықтан Қазақстан
Республикасының Мемлекеттік Гербі көрсетілген, Туы желбіреген және
Гимні айтылған үзінді пайдаланылады. Мемлекеттік рәміздер бейнефильм-
нен көрсетілгенде, Гимн орындалғанда оқушыларда ерекше – Отанымыз
Қазақстан Республикасына, оның адамдарына деген аса үлкен құрмет
пен сүйіспеншілік сезім пайда болады. Бұның өзі сабақта оқушыларды
отаншылдыққа, достыққа, азаматтыққа тәрбиелеуде ерекше маңызды болып
табылады.
Оқушылар төмендегідей проблемалы тапсырмаларға жауап береді:
1. Қазақстан Республикасының мемлекеттік рәміздері қашан және қа-
лай қабылданды?
2. Гербтегі белгілер нені білдіреді?
3. Еліміздің Туында не көрініс тапқан?
4. Гимнде не туралы айтылады?
5. Мемлекеттік рәміздерді дайындаған авторлар туралы не білесіңдер?
123
Оқушылар үш топқа бөлініп, оқулық мәтінімен өздігінше жұмыс
жасайды. Бірінші топ оқушылары Герб және оның авторлары, екінші топ
оқушылары Ту және оның авторлары және үшінші топ оқушылары Гимн
мен оны жазған авторлар туралы оқулықтағы материалды және сабақтан
тыс алған білімдерін пайдалана отырып әңгіме құрайды.
Жұмыс дәптерімен жұмыс жүргізіледі.
Үйге тапсырма: §60. «Қазақстан Республикасының мемлекеттік
рәміздері» әңгімесі және оқулықтағы сұрақтар мен тапсырмаларға дайын-
далып келу. Екі оқушыға еліміздің теңгесі туралы хабарлама дайындап келу
тапсырылады.
§61. Біздің теңге
сабақтың мақсаты: оқушылардың еліміздің ұлттық валютасы –
теңгенің шығу тарихы, нумизматика туралы білімдерін одан әрі тереңдете
түсу. Оқушылардың жаңа білімдерді ала білу біліктерін дамыту.
пайдаланылатын көрнекі құралдар: карта, бейнефильм, электронды
оқулықтан үзінді, иллюстрациялық материалдар.
өткен материалды қайталау. Оқып-үйренген материалды қайталау
оқулықтағы сұрақтар мен тапсырмалар бойынша өткізіледі.
Жаңа материалды оқып-үйрену жоспары:
1. Қазақстанның ұлттық валютасы – теңге.
2. Нумизматика.
3. Теңге, оның шығу тарихы туралы.
Жаңа материалды оқып-үйрену оқушылармен теңге жайлы не білетін-
дері туралы әңгімелесуден басталады.
1. Теңге дегеніміз не?
2. Қазақстан Республикасында теңге қалай өмірге келді?
3. Теңгенің біздің еліміз үшін қандай маңызы бар?
Бейнефильмнен теңге туралы үзінді пайдаланылады, ал электронды
оқулықтан теңгенің шығу тарихы туралы мәтінмен таныстырылады, ондағы
тапсырмаларға жауап беріледі.
2 оқушы теңгенің шығу тарихы жайлы хабарлама жасайды.
Мұғалім нумизматика ұғымының мәнін ашып көрсетеді, оқушылар
оның анықтамасын дәптерлеріне жазып алады.
Оқушылар оқулық мәтінімен танысып, «Қазақстан Республикасының
ұлттық ақшасы – теңге» деген тақырыпша негізінде сайыс өткізіледі.
Оқушылар 4 топқа бөлініп, Қазақстан Республикасының ұлттық ақшасы –
теңге туралы мәлімет жинақтайды. Тақырыпты 1-топтың балалары бас-
124
тайды, содан кейін мұғалім қай топты көрсетсе, сол топ жалғастырады. Бұл
тапсырманы оқушылар мұқият тыңдап отыруы тиіс. Өйткені мұғалім оқиға-
ны кез келген жерден үзіп, басқа топқа әңгімені жалғастыруды тапсырады.
Бұл сайыста оқушылардың жауаптары мынандай сапа бойынша бағалана-
ды: ұлттық ақша – теңге туралы оқушылар ойларының мазмұндылығы,
нақты фактілер не мысалдар келтіруі, қосымша материалдар пайдалануы,
айтып тұрған ойдың үзілмей, жалғасын табуы, т.б.
Сабақ соңында оқушылар «Ұлттық ақша – теңге» атты тапсырманы
орындайды:
1. Қазақ жерінде ақша қашан пайда болды?
2. Біздің төл теңгеміз қашан өмірге келді?
Жұмыс дәптерімен жұмыс жүргізіледі.
Үйге тапсырма: §61. «Біздің теңге» әңгімесімен танысып, оған берілген
сұрақтар мен тапсырмаларға дайындалып келу. «Байтақ қала – Астана»
атты тақырыпта барлық оқушыларға қысқаша шығарма жазып келу
тапсырылады.
§62. Байтақ қала – астана
сабақтың мақсаты: оқушылардың Астана туралы түсініктерін кеңей-
ту. «Астана» ұғымын қалыптастыру жұмыстарын жалғастыру. Сабақтың
материалы арқылы оқушыларды отаншылдыққа, елжандылыққа тәрбие-
леуге септігін тигізу. Түрлі ақпараттардан жаңа білім ала білу біліктерін
дамытуда жұмысты жалғастыру.
пайдаланылатын көрнекі құралдар: карта, бейнефильм, аудио-
фильмнен үзінділер, иллюстрациялық материалдар.
өткен материалды қайталау. Оқып-үйренген материалды қайталау
оқулықтағы сұрақтар мен тапсырмалар бойынша өткізіледі.
Жаңа материалды оқып-үйрену жоспары:
1. Астананы Алматыдан Ақмолаға көшіру.
2. Астана – ел ордасы, әсем қала.
Жаңа материалды оқып-үйрену «Астана» туралы бейне және аудио-
фильмнен үзінді пайдаланудан басталады.
Содан кейін бірнеше оқушының «Астана – біздің Отанымыздың
астанасы» деген шығармалары дауыстап оқылады, қалғандарын мұғалім
сабақ соңында жинап алып, келесі сабақта бағалайды.
Оқушылар Астана туралы оқулық мәтінімен танысады. Оқушылар үш
топқа бөлініп, тақтада жазылған үш кесте-сызбаның біреуін орындайды.
Бірінші топ оқушыларының тапсырмасы:
Достарыңызбен бөлісу: |
