"Қазақстан Республикасының кейбір заңнамалық актілеріне кәсіпкерлік қызметті реттеуді жетілдіру мәселелері бойынша өзгерістер мен толықтырулар енгізу туралы" Қазақстан Республикасы Заңының негізінде

162 Жыл сайынғы куәландыру кезінде электр жабдықты сыртқы қарау және оны іс-қимылда сынау жүргізіледі.

163 Электр қозғалтқыштарды іс-қимылда сынау кезінде олардың өздерімен келтірілетін техникалық құралдар үшін сипатты барлық режимдердегі жұмысы тексерілуі керек және соңғы ажыратқыштардың, тежеуіштердің, блоктаулардың, бақылау және сигнал беру құрылғыларының іске қосылуын тексеру жүргізіледі.

164 Таратқыш құрылғыларды іс-қимылда қарау және сынау кезінде электр өлшеу аспаптарының стандарттарда көзделген тәртіпте мерзімді тексерілуге жататындығына көз жеткізу қажет.

165 Кабель трассаларын, жеке кабельдерді және сымдарды қарау кезінде қабықшалардың техникалық жай-күйіне (бүлінулер болмау керек), бекіткіштің сенімділігіне және ұшталудың дұрыстығына назар аудару қажет.

166 Кеме электр станциясының автоматтау жүйесін іс-қимылда қарау және сынау кезінде мыналардың тексерілуін ескеру қажет:

1) дизельді генераторды (-ларды) басты үйлестіргіш қалқанына автоматты жіберілуі және қосылуы;

2) рульдік рубкадан дизель генераторды (-ларды) қашықтық жіберу және тоқтату:

3) бас қозғалтқыштардың айналымы жиілігінің төмендеуі кезінде (кернеудің номиналды 85%-ға дейін төмендеуі немесе 45 ГЦ кем жиілікке) жүктемені білікгенератордан дизель генераторға автоматты ауыстырып қосу және дизель-генераторды қосу кезінде білікгенератордың өшірілуі;

4) авариялық аккумуляторлық батареяны автоматты қосу және өшіру.

167 Кезекті куәландыру алдында Қазақстан Кеме қатынастары тіркелімінің қызметкері орындалған жұмыстардың көлемін және сапасын растайтын құжаттарды тексеруі керек.

168 Таратқыш құрылғыларды қарау кезінде мыналарды тексеру қажет:

1) ішкі коммуникация сымдарының оқшаулау жай-күйі;

2) таңбалау белгілерінің болуы және сапасы.

169. Кабель трассаларын, жеке кабельдерді және сымдарды қарау кезінде кабельдердің оқшаулау және тұйықталу жағдайына, бекітілу сенімділігіне, кабель қораптарының, арнайы нығыздағыш конструкциялардың жай-күйіне, кабель өтетін саңылауларда қаптауыштың болуына назар аудару қажет.

170 Электр жабдығының техникалық жай-күйін анықтау алдыңғы куәландыру актілерін және кеме иесі ұсынған құжаттама (ақаулау актілері, сынау актілері, өлшеу нәтижелері, формулярлар, журналдар және т.б.) бойынша анықталған тозулар, дефектілер,ақаулар және жүргізілген жөндеулер және ауыстырулар туралы мәліметтер пайдалана отырып, куәландыру нәтижелері бойынша жүргізіледі.

171 Электр жабдығының техникалық жай-күйі егер ол жұмысқа қабілетті күйде, оқшаулау кедергісі нормада болса жарамды деп танылады.

172 Электр жабдығының техникалық жай-күйі жарамсыз деп танылады егер:

1) оқшаулау кедергісі 9 кестеде көрсетілген рұқсат етілген мәннен төмен болса

9-кесте

2) Параметрлерінің мәні техникалық шарттармен немесе ұйым-дайындаушымен рұқсат етілгеннен асатын тозулар және ақаулар бар;

3) электр станциясы генераторларының кернеу реттегіштері, коммутация, қорғау, бақылау және сигнал беру аппараттары жарамсыз;

4) кабелдің оқшаулағышы бүлінген (сырдың кетуі, желінуі, күпірейуі);

5) авария көздері және электр энергиясын тұтынушылар жарамсыз.
9-бөлім. РАДИОБАЙЛАНЫС ҚҰРАЛДАРЫН ЖӘНЕ НАВИГАЦИЯЛЫҚ ЖАБДЫҚТЫ КУӘЛАНДЫРУ

41 Жалпы нұсқаулар
173 Осы тарауда байланыс құралдарын және навигацияны (бұдан әрі мәтінде-жабдық) куәландыру жөніндегі нұсқаулар бар.

174 Кемеде жаңа жабдықты орнату немесе бар басқа типтегі жабдықпен ауыстыру жабдыққа және оны орнатуға техникалық құжаттаманың Қазақстан Кеме қатынастары тіркелімімен келесілген жағдайда жүргізілуі мүмкін.

175 Сол сияқты кеме иесінің шешуі бойынша жүзу қауіпсіздігін арттыру мақсатында Қағидалармен талап етілген жабдықтың міндетті құрамына қосымша кемеде орнатылған жабдықтар да куәландыруларға жатады.

176 Егер де кеме иесі кеме құжаттарында атап көрсетілген кемелерді пайдалану аудандары тәуліктік есту вахтасы атқаратын жағалаудағы УҚТ-радиотелефон станциялары жүйесінің үздіксіз әрекет ету зонасы болып табылатындығын растайтын қортынды (құжат) ұсынған жағдайда ғана осы Қағиданың 3-тармағында көрсетілген кемелер ПВ/КВ-радиостанциясы немесе кеме жер станциясысыз пайдалануға жарамды деп танылады.

177 Радио және навигациялық жабдықты куәландыру кезінде төмендегілерді тексеру қажет:

1) құжаттардың (сертификаттардың), соның ішінде осы Қағиданың 175-тармағына сәйкес белгіленген жабдыққа құжаттың болуы;

2) пайдалану құжаттарының болуы;

3) аппаратураның және антеннаның бекітілуі;

4) кабельдердің маркалары мен қималарының сызбаға сәйкестігі;

5) кабельдердің сыртқы қабығының жай-күйі;

6) аппаратураға енгізер алдындағы кабельдің запасы;

7) Қуатты кабель желісінен және радио жиілікті кабельдерден экрандаудың тоқтаусыздығы;

8) Кабель желісінің қабығының, радиоаппаратура корпустарының кеме корпусына жерге тұйықталуы;

9) антенналардың, кабель желісінің және қуат беру көздерінің оқшаулау кедергісі;

10) жабдықтың тоқ өткізгіш және айналмалы бөлігінің қоршауының болуы;

11) таратқыш кірісінде қорғау құрылғыларының қондырғысының (колонкалар, метал сеткалар, қалқандар және т.б.) орнатылуы;

12) қорғаныс жерлендірудің болуы.

178 Радио және навигациялық жабдықты куәландыру кезінде оның жұмыс қабілеттілігін тексеру электр энергиясының негізгі және авариялық көзінен қуат алу кезінде жүргізілуге тиіс.

179 Радиостанцияларды және спутник байланысының кеме жер станциясын куәландыру кезінде кеме және жағалаудағы станциялармен екі жақты байланыстың орнатылуын тексереді және оларды іс-қимылда тексеруді жүргізеді.

180 Кеме курсын анықтау құралын сынау кезінде тура курста және маневрлеу кезіндегі көрсетулердің тұрақтылығын тексереді.

181 Радиолокациялық станцияны куәландыру кезінде мыналарды тексереді:

1) қалтқыны, бакенді, жағаны және т.б. анықтаудың ең аз алыстығы;

2) төмен және биік жағаны, қалтқыны, бакенді, кемені анықтаудың барынша алыстығы.

182 ЖНАСЖ ЖНСЖ немесе ЖНАСЖ/GPS қабылдауиндикаторын және АСЖ транспондерін куәландыру кезінде мыналарды тексереді:

1) бұйымды пайдалану жөніндегі нұсқаулыққа (нұсқау) сәйкес жұмыс қабілеттілігін;

2) анықталған кеме АСЖ деректерін жағалаудағы АСЖ базалық станциясына автоматты режимде және сұрау бойынша берілуін.
43 Кезекті куәландыру

183 Жабдықты кезекті куәландыру осы Қағиданың 184-тармағына сәйкес жүргізіледі осы ретте кеме иесі қосымша келесі өлшемдердің нәтижелерін ұсынады:

1) жабдықтың қоректену тізбегінде оқшаулау кедергісінің;

2) жабдықтың жерлендіру кедергісінің.

184 Жабдықты жыл сайын куәландыру кемені жыл сайын куәландыру мерзімдерінде жүргізіледі және оған келесілер кіреді:

1) осы Қағиданың 41 және 176-тармақтарына сәйкес техникалық құжаттаманың болуын тексеру;

2) жабдық орналастырылған үй-жайларды куәландыру;

3) жабдықтың құрамын тексеру;

4) жабдықтың орналастырылуын және бекітілуін тексеру;

5) радио және навигациялық жабдықтың қоректену көздерін іс-қимылда тексеру және ауыстырып қосылуы;

6) антенна құрылғыларын және жерлендіруді қарау;

7) жабдықтың техникалық жай-күйін тексеру және оны іс-қимылда тексеру.
45 Техникалық жай-күйін тексеру

185 Техникалық жай-күйін анықтау жөніндегі жалпы нұсқаулар осы Қағиданың 36-тарауында мазмұндалған.

186 Жұмысқа қабілеттілігінің немесе жұмыс режимінің ішінара бұзылуы, шақырту және жұмыс жиілігінде баптаудың бұзылуы, антеннаға берілетін қуаты таратқыштардың әрекетінің талап етілген алыстығына сәйкес келмеуі, негізгі өлшеу аспаптарының ақаулығы, кабельдердің оқшаулау кедергісінің, антенна-фидерлі құрылғылардың, жабдықтың электр қоректену тізбегінің белгіленген нормадан төмен болуы жабдықтың жарамсыздығы деп танылады. Жабдықтың ақауы деп оның жұмыс қабілетінің немесе жұмыс режимінің ішінара бұзылуы, шақыру және жұмыс жиіліктерінде бапталуының бұзылуы, таратқыш қызметінің алшақтығын талап ететін антенге берілетін қуатына сәйкессіздігі, негізгі өлшеуіш құрал-саймандарының дұрыс істемеуі, кабель оқшаулауына, антен-фидерлі құрылғыларға қарысуы, жабдықтың электр қуатын қабылдау цептерінің белгіленген нормадан төмендігі және т.б. қарастырылады.
10-бөлім. ҚҰТҚАРУ, СИГНАЛ БЕРУ-ЕРЕКШЕЛЕНДІРУ ҚҰРАЛДАРЫМЕН, АВАРИЯЛЫҚ, ӨРТКЕ ҚАРСЫ ЖАБДЫҚТАРМЕН, БАЙЛАНЫС ЖӘНЕ НАВИГАЦИЯ ҚҰРАЛДАРЫМЕН ЖАБДЫҚТАУ НОРМАЛАРЫ

46 Жалпы ережелер

187 Осы тарауға куәландыруды өткізу кезінде палубалық шағын көлемді кемелерді жабдықтау нормалары бойынша нұсқаулар кіреді.

188 Жолаушыларды тасымалдауға арналған кемелер, өздігінен жүзетін және өздігінен жүзбейтін паромдар 10-кестеде белгіленген нормалар бойынша ұжымдық құтқару құралдарымен жабдықталуы қажет.

10-кесте

189 Су асты қанаттары бар, ауа жастықшаларындағы және глиссирлейтін кемелерде ұжымдық құтқару құралдарымен жабдықтау 11-кестеде белгіленген нормаларға сәйкес болуы керек.

190 Өздігінен жүзетін кемелердің (10-11-кестелерде атап көрсетілген кемелерден басқа) ұжымдық құтқару құралдарымен жабдықталуы 12-кестеде белгіленген нормаларға сәйкес болуы керек.

11-кесте

12-кесте

191 Өздігінен жүзбейтін кемелердің ұжымдық құтқару құралдарымен жабдықталуын 13-кестеде келтірілген нормалар бойынша қабылдау қажет.

13-кесте

«Р» және «Л» разрядты бассейндерде пайдалануға арналған өздігінен жүзбейтін кемелердің, сондай-ақ Каспий теңізінің жағалауындағы аудандарда 2 бірліктен кем емес топтардың пайдаланымындағы 4 және 5 санатты балықшылық кемелердің ұжымдық құтқару құралдарымен жабдықталмауына жол беріледі.

Командасыз пайдаланылатын өздігінен жүзбейтін кемелердің құтқару құралдарымен жабдықталмауына рұқсат етіледі.

192 «Р» және «Л» разрядты өзендердің және каналдардың өткелдерінде пайдалануға арналған өздігінен жүзетін және өздігінен жүзбейтін паромдарды паромның бір құтқару шеңберімен әрбір 5 м габаритті ұзындығын жабдықтауға рұқсат етіледі, осы ретте 10 кестеде көзделген құтқару құралдары қажет емес.

193 Кеме бортта бар адамдардың 100%-ын құтқару кеудешелерімен қамтамасыз етілуіне қарай жабдықталуы тиіс.

Жолаушылар кемесінде балаларды тасымалдау кезінде кеме иесімен тасымалданатын балалардың санына сәйкес келетін мөлшердегі балаларға арналған құтқару кеудешелері ескерілуі керек, бірақ кез-келген жағдайда олардың мөлшері жолаушылардың рұқсат етілген санынан 10%-дан кем болмауы керек.

194 Кемелерді құтқару шеңберлерімен жабдықталуы 14 кестеде белгіленген нормаларға сәйкес келуге тиіс.

195 «Л шкк», «Р шкк» және «О шкк» сыныпты және 2-5 санатты кемелерде бір құтқару шеңберінің екі адамды ұстап тұратынын ескере отырып, барлық құтқару аспаптарын құтқару шеңберлерімен ауыстыруға жол беріледі. Осы ретте 14 кестеде талап етілген құтқару шеңберлерін есепке алуға рұқсат етіледі.

14-кесте

197 Ішкі жүзетін палубалы шағым көлемді кемелердің сигналды-ерекшелендіру құралдарымен және сигналды-ерекшелендіру фонарьларымен жабдықталуы Қазақстан Республикасының ішкі су жолдарымен жүзу қағидасының талаптарына сәйкес келу керек.

Аралас жүзу кемелері, сондай-ақ кеме қатынасының теңіз режимді учаскелерінде пайдаланылатын ішкі жүзу кемелері жасалатын рейстің сипатына қарамастан Кемелердің соқтығысуын болдырмаудың халықаралық қағидасының (КСБХҚ-72) ережесіне сәйкес ішкі су жолдарында жүзу кезінде талап етілетін сигнал беру құралдарымен және теңіз аудандарында жүзу кезінде талап етілетін сигнал беру құралдарымен жабдықталуы тиіс.

Палубалы шағын көлемді кемелерді сигналды-ерекшелендіру құралдарымен және сигналды-ерекшелендіру фонарьларымен жабдықтау нормалары 15 кестеде келтірілген.

15-кесте

Кеме типтері	Белгі беру-айыру фонарьлары									Күндізгі белгілер
	Отты	Бортты 7		Кормалық	Буксирлік	Жарық бұлғағыш импульсті	Айналмалы			Қара шар	Қара конус	Қызыл конус	Ақ ту-бұлғағыш
	Ақ	Қызыл	Жасыл				Ақ	Қызыл	Сары жылтырлақ
Өздігінен жүретін кемелер 6	1	1	1	31	—	45	26	36	12	3	23	14	1
Өздігінен жүрмейтін кемелер 4	1	—	—	—	—	—	2	1	—	1	—	1	—
1 Ені 5 м және одан да аз кемелерде бір кормалық фонарь орнатылады.. 2 Порт акваторийінің шекарасында тұрақты жұмыс істеуге арналған жолаушылар кемелерінде және өткелдерде және өздігінен жүзетін паромдарда. Арқан өткелдерінің паромдарында бір сары айналма фонарь орнатылады. 3 Балық аулайтын кемелер үшін қажет. 4 Итерілетін кемелерде орнатылады. 5 Жарықимпульсті бұлғағыш жоқ болған жағдайда тәуліктің қараңғы кезінде жарықтық бұлғағыш (ақ отпен жыпылдау), ал тәуліктің жарық кезеңінде –флаг- бұлғағыш қолдануға рұқсат етіледі. 6 Барлық кемелер қайырға тұрып қалған жағдайда борттың сыртына ілінетін бір ақ және үш қызыл айналма фонарьмен жабдықталады. 7 Ұзындығы 7 м дейін кемелерде борт оттары кеменің тұмсық бөлігінде ось бойымен орналасқан бір фонарьда біріктірілуі мүмкін.

198 Ұзындығы 12 метрден кем кәсіпшілік кемелер үшін, егер кеме тәуліктің қараңғы кезеңінде немесе шектеулі көрінушілік кезінде пайдаланса 15 кестенің талаптары қолданылады.

199 Кеменің пиротехникалық құралдармен жабдықталуын 16-кестеде келтірілген нормалар бойынша қабылдау қажет.
16-кесте

200 Теңіз жағалауы аудандарында пайдалануға рұқсат етілген «О шкк», «М шкк», «О-ПР шкк», «М-ПР шкк» және «М-СП шкк» сыныпты өздігінен жүзетін палубалы шағын көлемді кемелердің және шағын көлемді кемелердің авариялық жабдықтау нормалары 17-кестеде келтірілген.

17-кесте

Кеме иелері 17-кестеде көрсетілген жабдықтау заттарының типтерін, өлшемдерін, сандарын, сондай-ақ қосымша жабдықтау заттарының қажеттілігін анықтау кезінде кеменің мақсаты, кеме және оның элементтерінің конструкциясы, кеме элементтерін монтаждау, орналастыру, жұмыс істеу және техникалық қызмет көрсету ерекшеліктері, рұқсат етілген жүзу ауданы, маусым және кеменің пайдалану қауіпсіздігіне ықпал ететін өзге жағдайлар ескерілуі тиіс.

201 Авариялық жабдықтау келесі типтегі кемелер үшін талап етілмейді:

1) өздігінен жүзбейтіндер

2) «Р шкк» және «Л шкк» сыныпты өздігінен жүзетіндер

3) рейсінің ұзақтығы 1 сағаттан аз жолаушылар және өткелдерге арналған кемелер

4) экипажы бар «О шкк» сыныпты рейісте үш адамнан артық емес өздігінен жүретіндер

5) су асты қанаттары бар, ауа жастықшаларындағы және глиссирлейтіндер