«Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңы

«83-2) дәрілік заттардың, медициналық бұйымдардың іс жүзіндегі құны мен шекті бағасы және (немесе) тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде және ұсынылатын (көрсетілетін) медициналық көрсетілетін қызмет құнының арасындағы айырманы төлеу тәртібін әзірлеу мен бекіту және (немесе) тегін медициналық көмектің шеңберінен және міндетті әлеуметтік медициналық сақтандыру жүйесінен тыс қосымша медициналық қызметке ақы төлеу;»;

1. Медициналық көрсетілетін қызметтердің сапасы жөніндегі біріккен комиссия (бұдан әрі – Біріккен комиссия) – медициналық және фармацевтикалық қызметтерді кәсіби көрсетуге үздік практиканы енгізу мақсатында құрылатын коммерциялық емес мемлекеттік емес ұйым.

2. Біріккен комиссия денсаулық сақтау саласындағы кәсіби және кәсіпкерлік қызмет саласындағы қауымдастықтардың (заңды тұлғаларды біріктіру) ерікті түрде құрылуы жолымен құрылады.

3. Біріккен комиссияның қызметі осы Кодекспен, коммерциялық емес ұйымдар туралы заңнамалармен, жарғымен реттеледі.

12-2-бап. Біріккен комиссияның функциялары

Біріккен комиссияның функцияларына мыналар жатады:

1) клиникалық хаттамаларды келісу;

2) денсаулық сақтау саласындағы стандарттарды келісу;

3) медициналық технологияларды келісу.

12-3-бап. Біріккен комиссияның басқару органдары

1. Біріккен комиссияның басқару органдары:

1) жоғары басқару органы – мүшелердің жалпы жиналысы;

2) тұрақты жұмыс істейтін алқалық басқару органы – төралқа;

3) атқарушы жеке-дара орган – басшы;

4) қаржы-шаруашылық қызметті ішкі бақылау органы – ревизиялық комиссия (ревизор) болып табылады.

2. Біріккен комиссияда оның Жарғысына сәйкес өзге органдар құрылуы мүмкін.

12-4-бап. Біріккен комиссияның жалпы жиналысы

1. Жалпы жиналыс Біріккен комиссияның басқару органдары қызметінің кез келген мәселелерін шешуге құқылы.

2. Жалпы жиналыстың айрықша құзыретіне мыналар жатады:

1) Жарғыны қабылдау, оған өзгерістер мен толықтырулар енгізу;

4) Біріккен комиссияның қызметі туралы есептерді тыңдау және бекіту;

5) Біріккен комиссияны ерікті қайта ұйымдастыру және тарату;

6) Біріккен комиссияның басқару органдарының құзыреттерін, ұйымдастырушылық құрылымын, қалыптастыру және тоқтату тәртібін айқындау;

7) атқарушы органдардың қаржылық есептілігін ұсыну тәртібі мен кезеңділігін, сондай-ақ ішкі тексеру жүргізу мен олардың нәтижелерін бекіту тәртібін айқындау;

8) заңнамалық актілерде белгіленген шектерде Біріккен комиссияның басқа заңды тұлғаларды, өзінің филиалдары мен өкілдіктерін құруға немесе қызметіне қатысу туралы шешім қабылдау.

Қазақстан Республикасының заңнамалық актілерінде және Біріккен комиссияның жарғысында Жалпы жиналыстың айрықша құзыретіне жататын өзге де мәселелер көзделуі мүмкін.

3. Жалпы жиналысты Біріккен комиссияның төралқасы жылына кемінде бір рет шақырады. Ревизордың (ревизиялық комиссияның) немесе мүшелердің жалпы санының кемінде төрттен бір бөлігінің талабы бойынша Біріккен комиссия төрағасы отыз күн ішінде Жалпы жиналысты шақыруға міндетті.

12-5-бап. Біріккен комиссияның төралқасы

1. Біріккен комиссияның төралқасы он бес мүшеден тұрады және оны төраға басқарады.

Төралқа уәкілетті органның, Әлеуметтік медициналық сақтандыру қорының, Қазақстан Республикасы Ұлттық кәсіпкерлер палатасының, кәсіби медициналық қауымдастықтардың, заңды тұлғалар қауымдастықтарының, тәуелсіз мүшелердің өкілдерінен қалыптасады.

2. Төралқа құрамын қалыптастыру мақсатында мүшелердің жалпы жиналысының хаттамасымен төралқа мүшелері сайланады және лауазымдарынан босатылады:

1) төралқа мүшелері қатарынан төралқа төрағасы;

2) денсаулық сақтау саласындағы уәкілетті органнан, Әлеуметтік медициналық сақтандыру қорынан өкілдер;

3) кәсіби медициналық қауымдастықтардың, заңды тұлғалар бірлестіктерінің өкілдері;

4) тәуелсіз мүшелер, оның ішінде Біріккен комиссия басшысы.

3. Төралқаның айрықша құзыретіне мыналар жатады:

1) Біріккен комиссияның міндеттерді орындау барысы мен мақсаттарға қол жеткізуіне бақылау;

2) Біріккен комиссия қызметінің тиімділігін арттыру бойынша мүшелердің жалпы жиналысына ұсыныстар енгізу;

3) Біріккен комиссия басқармасының төрағасы мен мүшелерін сайлау;

4) ревизиялық комиссияның Біріккен комиссияға тексеру тағайындау және олардың қорытындылары бойынша есептерді бекіту;

5) егер осы Кодексте өзгеше көзделмесе, Біріккен комиссияның қызметінде қолданылатын қағидаларды, регламенттер мен басқа да ішкі құжаттарды бекіту.

5. Біріккен комиссияның Жарғысымен төралқаның құзыретіне өзге мәселелер жатқызылуы мүмкін.

6. Төралқа мүшелері құрылтайшы ретінде Біріккен комиссияның басқару органдарынан, Біріккен комиссия қатысқан заңды тұлғалардан олардың қызметін жүзеге асыруға байланысты ақпаратты сұратуға құқылы.

7. Төралқа отырыста төралқа мүшелерінің жалпы санының қарапайым көпшілігі болған кезде шешім қабылдауға құқылы.

Осы Кодексте көзделген төралқаның айрықша құзыреті мәселелері бойынша шешімдер төралқа отырысына қатысатын мүшелер дауыстары жалпы санының кемінде үштен екісін құрайтын білікті көпшілік дауысымен қабылданады.

Өзге мәселелер бойынша шешім төралқа отырысына қатысатын мүшелердің қарапайым көпшілік дауысымен қабылданады.

Дауыс беру құқығын беруге, сол сияқты басқа адамдар үшін дауыс беруге жол берілмейді.