Қазақстан Республикасы Президентiнiң

1. Мемлекеттік қызметтерді Қазақстан Республикасы Ұлттық Банкінің Алматы қаласындағы өңірлік қаржы орталығын дамыту комитеті

2. Мемлекеттік қызметтер көрсету нысаны: жартылай автоматтандырылған.

3. Мемлекеттік қызметтер «Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» 1995 жылғы 17 сәуірдегі Қазақстан Республикасы Заңының 4-бабы, «Алматы қаласының өңірлік қаржы орталығы туралы» 2006 жылғы 5 маусымдағы Қазақстан Республикасы Заңының 5-бабы 2-тармағының 1) тармақшасы және «Заңды тұлғалар - Алматы қаласының өңірлік қаржы орталығының қатысушыларын мемлекеттік тіркеу (қайта тіркеу) ережесін бекіту туралы» Агенттік төрағасының 2007 жылғы
2 шілдедегі № 02-02/158а бұйрығы негізінде көрсетіледі.

4. Осы Мемлекеттік қызметтер стандарты (бұдан әрі – Стандарт) Қазақстан Республикасы Ұлттық Банкінің www.nationalbank.kz

5. Мемлекеттік қызметтерді көрсетудің аяқталу нысаны заңды

Осы Стандарттың 16-тармағында көзделген жағдайларда тұтынушыға мемлекеттік қызметтер көрсетуді тоқтата тұру және бас тарту туралы жазбаша нысанда дәлелді жауап беріледі.

Мемлекеттік қызметтер көрсетуден бас тартылған ретте өтініш, кемшілігі бар құжаттар және заңды тұлғаларды, олардың филиалдары мен өкілдіктерін мемлекеттік (есептік) тіркеу, сондай-ақ оларды қайта тіркегені үшін төленген алым қайтарылмайды.

6. Мемлекеттік қызметтер заңды тұлға - қаржы орталығының қатысушысын (бұдан әрі - қаржы орталығының қатысушысы) құруға шешім қабылдаған, Алматы қаласының аумағында тұрақты жұмыс істейтін

7. Мемлекеттік қызметтер көрсетудің мерзімі:

1) мемлекеттік қызметтер осы Стандарттың 11-тармағында көрсетілген қажетті құжаттарды қоса бере отырып, өтініш тапсырған күннен кейін бір жұмыс күнінен кешіктірмей жүзеге асырылады.

Осы Стандарттың 16-тармағының бірінші бөлігінде көзделген жағдайларда мемлекеттік қызметтер көрсету мерзімі тоқтатыла тұруы мүмкін;

2) құжаттарды өткізу, мемлекеттік қызметтерді көрсету нәтижелерін алу кезінде күтудің жол берілетін ең ұзақ уақыты 15 минут.

8. Мемлекеттік қызметтер ақылы түрде көрсетіледі. Алымның ставкасы Қазақстан Республикасының Салық кодексінде белгіленген және 6,5 айлық есептік көрсеткішті құрайды. Ақы төлеу тәсілін (қолма қол немесе қолма-қол емес) мемлекеттік тұтынушы қызметтерді айқындайды. Заңды тұлғаларды, олардың филиалдары мен өкілдіктерін мемлекеттік (есептік) тіркеуден өткізгендігі үшін, сондай-ақ оларды қайта тіркегені үшін бюджетке алым төлегені туралы түбіртек немесе оны растайтын өзге де құжат өтінішпен қоса беріледі.

9. Комитеттің жұмыс кестесі: сенбі мен жексенбі, заңнамалық актілерде белгіленген демалыс және мереке күндерінен басқа күндері, күн сайын дүйсенбі – жұма күндері сағат 9.00-ден 18.00-ге дейін (сағат 13.00-ден
14.00-ге дейін үзіліс). Мемлекеттік қызметтер алдын ала жазылусыз және жедел қызметсіз көрсетіледі.

10. Комитет ғимаратының бірінші қабатында орналасқан, Комитеттің жұмыс кестесіне сәйкес жұмыс істейтін № 107 кабинет мемлекеттік қызметтер көрсету орны болып табылады. Үстел, қажетті құжаттардың үлгілері бар тұғыр және күту үшін креслолар орналасқан Комитеттің холы күту орны болып табылады, дене мүмкіндіктері шектеулі адамдарға қызметтер көрсету үшін жағдайлар көзделген, Комитет ғимаратының кіреберісі пандуспен жабдықталған.

 
2. Мемлекеттік қызметтер көрсету тәртібі

11. Мемлекеттік қызметтерді алу үшін мынадай құжаттар ұсынылады:

құрылтайшы немесе құрылтайшының уәкілетті тұлғасы қол қойған мемлекеттік және орыс тілдеріндегі өтініш;

қаржы орталығының қатысушысын құру туралы құрылтай жиналысы хаттамасының немесе жалғыз құрылтайшы шешімінің мемлекеттік және орыс тілдеріндегі екі данасы;

жарғының мемлекеттік және орыс тілдеріндегі үш данасы;

қаржы орталығы қатысушысының орналасқан жерін растайтын нотариат куәландырған құжат;

құрылтайшыда – заңды тұлғада Қазақстан Республикасы бойынша салық төлеушінің салық берешегінің, міндетті зейнетақы жарналары және әлеуметтік аударымдар бойынша берешегінің жоқ екендігі (бар екендігі) туралы салық органының анықтамасы;

аударым операциясын жүзеге асырған ұйым беретін заңды тұлғаларды, олардың филиалдары мен өкілдіктерін мемлекеттік (есептік) тіркеу үшін, сондай-ақ оларды қайта тіркеу үшін бюджетке алым төлегенін растайтын түбіртек немесе құжат;

құжаттарды беру және алу құқығына сенімхат.

Шет ел қатысатын қаржы орталығының қатысушысын мемлекеттік тіркеу үшін осы тармақта көрсетілген құжаттардан басқа, егер Қазақстан Республикасы ратификациялаған халықаралық шарттарда басқаша белгіленбесе, қосымша мына құжаттардың бірі ұсынылады:

мемлекеттік және орыс тілдеріне нотариат куәландырған аудармасымен бірге сауда тізілімінен заңды көшірме немесе құрылтайшы - шетелдік заңды тұлға шет мемлекеттің заңнамасы бойынша заңды тұлға болып табылатынын растайтын басқа да заңды құжат;

мемлекеттік және орыс тілдеріндегі нотариат куәландырған аудармасымен бірге құрылтайшы - шетелдік жеке тұлға паспортының көшірмесі немесе жеке басын куәландыратын басқа да құжат.

Қаржы орталығының қатысушысын - банктің еншілес ұйымын мемлекеттік тіркеуден өткізген жағдайда қаржы нарығын және қаржы ұйымдарын реттеу мен қадағалау жөніндегі уәкілетті мемлекеттік орган берген банктің еншілес ұйымды құруына рұқсат қосымша ұсынылады.

Акцияларының (үлестерінің) елу пайызынан астамы мемлекетке тиесілі қаржы орталығының қатысушысын және онымен аффилиирленген тұлғаны мемлекеттік тіркеуден өткізген жағдайда монополияға қарсы органның жазбаша келісімі ұсынылады.

Қайта ұйымдастыру (өзгерту, қосу, бөлу, бөліп шығару) нәтижесінде құрылатын қаржы орталығының қатысушысын мемлекеттік тіркеу үшін осы тармақта көрсетілген құжаттардан басқа мыналар ұсынылады:

қаржы орталығы қатысушысының уәкілетті органының мөрімен бекітілген уәкілетті органның қайта ұйымдастыру туралы шешімі;

қаржы орталығы қатысушысы мүлкінің меншік иесі немесе қаржы орталығының қатысушысын қайта ұйымдастыру туралы шешім қабылдаған орган бекіткен, қайта ұйымдастырылған қаржы орталығы қатысушысының міндеттемелері бойынша құқық мирасқорлығы туралы ережелер көрсетілген өткізу актісі не бөлу балансы;

қаржы орталығы қатысушысын қайта ұйымдастыру, кредиторлардың талаптарын мәлімдеу тәртібі мен мерзімдері туралы ақпарат жарияланған баспасөз басылымының түпнұсқасы не қаржы орталығының қатысушысын қайта ұйымдастыру туралы кредиторларды жазбаша хабардар етуді растайтын құжат;

құрылтай құжаттары, мемлекеттік тіркеу туралы куәлік, 2011 жылғы
31 желтоқсанға дейін берілетін Қазақстан Республикасы салық төлеушісінің куәлігі;

мөрдің жойылғаны туралы Алматы қаласының ішкі істер органы беретін құжат;

акционерлік қоғам нысанындағы қайта ұйымдастырылатын қаржы орталығы қатысушысының акциялар шығарылымының күшін жою туралы қаржы нарығын және қаржы ұйымдарын реттеу мен қадағалау жөніндегі уәкілетті мемлекеттік органның хабарламасы.

Қаржы орталығының қатысушысын мемлекеттік қайта тіркеу үшін мыналар ұсынылады:

құрылтайшы немесе құрылтайшы өкілеттік берген тұлға қол қойған мемлекеттік және орыс тілдеріндегі өтініш;

уәкілетті органның мөрімен бекітілген, қаржы орталығы қатысушысының құрылтай құжаттарына өзгерістер мен толықтырулар енгізу туралы уәкілетті органның мемлекеттік және орыс тілдеріндегі шешімі (шешімінен

жаңа редакциядағы құрылтай құжаты не құрылтай құжатына қосымша ретінде, мемлекеттік және орыс тілдерінде ресімделген өзгерістердің екі данасы. Егер заңнамалық актілерге сәйкес құрылтай құжаттарын нотариат куәландыруы тиіс болса, онда оған енгізілетін өзгерістер де нотариалды тәртіппен куәландырылуы тиіс;

қаржы орталығы қатысушысының орналасқан жерін растайтын нотариат куәландырған құжат;

қаржы орталығы қатысушысының бұрынғы Жарғысы;

қаржы орталығы қатысушысының мемлекеттік тіркеу туралы куәлігі, 2011 жылғы 31 желтоқсанға дейін берілетін Қазақстан Республикасы салық төлеушісінің куәлігі;

аударым операциясын жүзеге асырған ұйым беретін заңды тұлғаларды, олардың филиалдары мен өкілдіктерін мемлекеттік (есептік) тіркеу үшін, сондай-ақ оларды қайта тіркеу үшін бюджетке алым төлегенін растайтын түбіртек немесе құжат;

құжаттарды беру және алу құқығына сенімхат.

Қатысушылар құрамының өзгеруі негіздемесі бойынша қаржы орталығының қатысушысын - шаруашылық серіктестікті мемлекеттік қайта тіркеу кезінде мынадай құжаттардың бірі қосымша ұсынылады:

шаруашылық серіктестігінің құрамынан шыққан жағдайда Қазақстан Республикасының заңнамасына және құрылтай құжаттарына сәйкес серіктестіктен шығатын қатысушының мүліктегі (жарғылық капиталдағы) үлесін иеліктен шығару (беру) немесе құқығының ауысуын растайтын құжат (шаруашылық серіктестік қатысушыларының тізілімін бағалы қағаздар ұстаушыларының тізілімдер жүйесін жүргізу жөніндегі қызметтерді жүзеге асыруға лицензиясы бар, бағалы қағаздар нарығының кәсіби қатысушысы жүргізетін шаруашылық серіктестіктерін қоспағанда);

қаржы орталығы қатысушысының құрамына жаңа қатысушы - заңды тұлға кірген жағдайда, жаңа қатысушы - заңды тұлғаның салық берешегінің жоқ екендігі туралы салық органының анықтамасы.

Таратылу негіздемесі бойынша қаржы орталығы қатысушысы қызметтерінің тоқтатылуын тіркеу үшін мыналар ұсынылады:

қаржы орталығы қатысушысы мүлкінің меншік иесі

меншік иесінің немесе меншік иесі уәкілеттік берген органның не құрылтай құжаттарымен уәкілеттік берілген қаржы орталығының қатысушысы органының тарату туралы, шешім қабылдаған органның мөрі басылған шешімі;

құрылтай құжаттары, қаржы орталығы қатысушысының мемлекеттік тіркеу туралы куәлігі, 2011 жылғы 31 желтоқсанға дейін берілетін Қазақстан Республикасы салық төлеушісінің куәлігі;

қаржы орталығының қатысушысы қызметтерінің тоқтатылуы туралы, кредиторлардың өтініштерін мәлімдеу тәртібі мен мерзімдері туралы ақпарат жарияланған баспасөз басылымының түпнұсқасы;

таратылатын қаржы орталығы қатысушысы мүлкінің құрамы, кредитор мәлімдеген шағымдар тізбесі, сондай-ақ оларды қарау нәтижелері туралы мәліметтерді қамтитын аралық тарату балансы;

тарату балансы;

меншік иесінің немесе өзге органның қаржы орталығының қатысушысын тарату туралы, аралық және тарату баланстарын бекіту туралы, шешім қабылдаған органның мөрі басылған шешімі;

қаржы орталығының қатысушысы мөрінің жойылғаны туралы Алматы қаласының ішкі істер органы беретін құжат;

Қазақстан Республикасы бойынша салық төлеушінің салық берешегінің, міндетті зейнетақы жарналары және әлеуметтік аударымдар бойынша берешегінің жоқ екендігі (бар екендігі) туралы салық органының анықтамасы;

қаржы нарығын және қаржы ұйымдарын реттеу мен қадағалау жөніндегі уәкілетті мемлекеттік органның акциялар шығарылымының күшін жою туралы хабарламасы (акционерлік қоғамдар үшін);

аударым операциясын жүзеге асырған ұйым беретін заңды тұлғаларды, олардың филиалдары мен өкілдіктерін мемлекеттік (есептік) тіркеу үшін, сондай-ақ оларды қайта тіркеу үшін бюджетке алым төлегенін растайтын түбіртек немесе құжат;

құжаттарды беру және алу құқығына сенімхат.

12. Өтініштердің үлгілері Қазақстан Республикасы Ұлттық Банкінің www.nationalbank.kz Интернет-ресурсында орналастырылған не оларды Комитетте (№ 107-кабинет) алуға болады.

13. Құжаттарды уәкілетті құрылымдық бөлімшенің сарапшысы Комитеттің мына мекенжайдағы ғимаратында қабылдайды: Алматы қаласы, Д. Қонаев көшесі, 181, № 103 кабинет.

14. Құжаттарды тапсыру кезінде мемлекеттік қызметтерді тұтынушыға Бас прокурордың 2007 жылғы 30 мамырдағы № 20 бұйрығымен бекітілген Жеке және заңды тұлғалардың өтініштерін есепке алу ережесінде көрсетілген нысандағы талон беріледі.

15. Қаржы орталығы қатысушысының басшысына не өкіліне (сенімхат бойынша) мемлекеттік тіркеу туралы куәлік, Қазақстан Республикасының салық төлеушісінің куәлігін беру мына мекенжай бойынша жүзеге асырылады: Алматы қаласы, Д. Қонаев көшесі, 181, № 107 кабинет.

16. Мемлекеттік қызметтер көрсетуді тоқтату үшін негіздемелер мыналар болып табылады:

осы Стандарттың 11-тармағында қарастырылған құжаттарды толық ұсынбауы;

ұсынылған құжаттарда қарау барысында анықталған мәліметтердің толық болмауы.

Жоғарыда аталған себептерді жойған жағдайда мемлекеттік қызметтер осы Стандартта белгіленген мерзімде көрсетіледі.

Мемлекеттік қызметтер көрсетуден бас тарту негіздемелері болып:

Қазақстан Республикасының заңнамалық актілерінде белгіленген қаржы орталығының қатысушысын құрудың немесе қайта құрудың тәртібін бұзу;

қаржы орталығы қатысушысының құрылтай құжаттарының Қазақстан Республикасының заңнамалық актілеріне сәйкес келмеуі;

өткізу актісінде немесе болу балансында қайта құрылған қаржы орталығы қатысушысының құқық мирасқорлығы туралы ережелердің болмауы;

бір айлық есептік көрсеткіштен астам салық берешегінің болуы;

егер заңды тұлға - қаржы орталығы қатысушысының құрылтайшысы

егер қаржы орталығы қатысушысының басшысы қызметтеріне әрекет қабілеттілігі жоқ немесе әрекет қабілеттілігі шектелген деп танылған немесе хабар-ошарсыз кеткен немесе қайтыс болды деп жарияланған, немесе Қазақстан Республикасының Қылмыстық Кодексінің 192, 216, 217-баптарында көзделген қылмыстары үшін сотталған адам ұсынылуы немесе жеке басын куәландыратын жоғалған құжаттар ұсынылуы.

 

3. Жұмыс қағидаттары

17. Комитеттің мемлекеттік қызметтерді ресімдейтін мемлекеттік қызметтершілері өз қызметтерінде:

1) қарапайымдылық танытып, өз лауазымын асыра көрсетпеуі және пайдаланбауы, сыпайы және әдепті болуы;

2) құжаттарды қарау кезінде төрешілдік пен әбігерлік көріністеріне жол бермеуі, олар бойынша белгіленген мерзімде қажетті шаралар қабылдауы;

3) қаржы орталығының қатысушысы белгіленген мерзімде алмаған құжаттардың сақталуын қамтамасыз етуі;

4) мемлекеттік қызметтерді тұтынушының құпиялы ақпаратын жеке мақсаттарға пайдалануға жол бермеуі тиіс.

 

4. Жұмыстың нәтижелері

18. Тұтынушыға мемлекеттік қызметтер көрсетудің нәтижелері осы Стандарттың қосымшасына сәйкес сапа және тиімділік көрсеткіштерімен өлшенеді.

19. Мемлекеттік қызметтердің сапа және тиімділік көрсеткіштерінің Қазақстан Республикасы Ұлттық Банкінің жұмысын бағалауға негіз болатын мақсатты мәндері жыл сайын Қазақстан Республикасының Ұлттық Банкі Төрағасының бұйрығымен бекітіледі.

20. Комитеттің мемлекеттік қызметтерді ресімдейтін мемлекеттік қызметшілерінің іс-әрекеттеріне (әрекетсіздігіне) шағымдану тәртібі туралы түсініктемені, шағымды дайындауға көмек алу үшін тұтынушы мына мекенжайға: Алматы қаласы, Д. Қонаев көшесі, 181, № 202 кабинет, Комитеттің мемлекеттік қызметтер көрсету басқармасының бастығына хабарласа алады, телефон нөмірі: 8(727) 244-95-00, электрондық поштасының мекенжайы: krfca@nationalbank.kz.

Егер тұтынушы қабылданған шараларға қанағаттанбайтын болса немесе мәселенi жоғары тұрған сатының қарауы талап етiлсе, онда өтініш беруші шағымды Қазақстан Республикасының Ұлттық Банкi Төрағасының атына не оның орнындағы адамға жазбаша түрде жолдай алады. Шағымдар

22. Қызметтер жөнсіз көрсетілген жағдайда шағым Комитет төрағасының атына, осы Стандарттың 9-тармағында көрсетілген жұмыс кестесіне сәйкес Комитетке беріледі, кабинеттің нөмірі 205, электрондық поштасының мекенжайы: krfca@nationalbank.kz.

23. Егер мемлекеттік қызметтерді көрсету нәтижесімен келіспеген жағдайда, тұтынушы заңнамамен белгіленген тәртіпте сотқа арыздануға құқылы.

24. Тұтынушының қалауы бойынша шағымға қосымша құжаттар және материалдар қосыла алады.

25. Шағым берілген жағдайда тұтынушыға Бас прокурордың 2007 жылғы 30 мамырдағы № 20 бұйрығымен бекітілген Жеке және заңды тұлғалардың өтініштерін есепке алу ережесінде көрсетілген нысандағы талон беріледі. Шағым Қазақстан Республикасының жеке және заңды тұлғалардың өтініштерін қарау тәртібі туралы заңнамасында көрсетілген тәртіпте және мерзімде қаралады. Шағымды қарау барысы туралы ақпаратты
8(727) 244-95-00 телефоны арқылы ала алады.

26. Мемлекеттік қызметтер туралы өзге ақпарат Қазақстан Республикасы Ұлттық Банкінің www.nationalbank.kz Интернет-ресурсында орналастырылған.

_______________

«Заңды тұлғаларды – Алматы қаласының өңірлік қаржы орталығының қатысушыларын мемлекеттік тіркеу (қайта тіркеу)» мемлекеттік қызметтер стандартына

  Сапа және тиімділік көрсеткіштерінің мәні