Қазақстан Республикасының еңбек құқығы

Еңбек жағдайлары өзгерген кезде еңбек шартына және ұжымдық шартқа тиісті толықтырулар мен өзгерістер еңгізіледі. Егер еңбек шарты мен ұжымдық шартта ескертудің анағұрлым ұзақ мерзімі көзделмесе, жұмыс беруші қызметкерге және оның өкілдеріне еңбек жағдайларының өзгеруі туралы бір айдан кешіктірілмей жазбаша түрде ескертуге тиіс. Егер қызметкер жұмысты жаңа жағдайда жалғастыруға келіспесе, онда жумыс беруші - бар болса, қызметкердін біліктілігі мен денсаулық жағдайына сәйкес келетін өзге жұмысты, ал мұндай жұмыс болмаса, қызметкердің біліктілігі мен денсаулық жағдайы ескеріліп, ол орындай алатын, бос тұрған төмен лауазым немесе ақысы төмен бос жұмысты жазбаша нысанда ұсынуға міндетті.

Еңбек жағдайларының өзгеруіне байланысты қызметкер жұмысты жалғастырудан жазбаша түрде бас тартқан жағдайда, қызметкермен еңбек шарты еңбек кодексінің 59-бабы 1-тармағының 2) тармақшасында көзделген негіз бойынша тоқтатылады. Егер осы баптың 1-тармағында көзделген мән-жайлар қызметкердің санын немесе штатын қысқартуға әкеп соғуы мүмкін болса, жұмыс берушінің жұмыс орындарын сақтау мақсатында, қызметкерлер өкілдерінің пікірін ескере отырып, толық емес жұмыс уақыты режимін енгізуге құқы бар. Жұмыс беруші қызметкерлердің саның немесе штатын қысқаруға әкеп соғуы мүмкін толық емес жұмыс уақыты тоқтатуды қызметкерлер қкілдерінің пікірін ескере отырып жүргізеді. Жұмыс берушінің атауы, ведомстволық тиесілігі өзгерген, мүлкінің меншік иесі ауысқан немесе жұмыс беруші қайта құрылған жағдайларда қызметкерлермен еңбек қатнастары өзгеріссіз жалғаса береді.