Қазақстан Республикасындағы Адам құқықтары жөніндегі уәкілдің 2018 жылғы

Есептік жылы Адам құқықтары жөніндегі Ұлттық орталықтың қызметкерлері парламент Мәжілісінің жұмыс топтарында, заң жобалық қызмет, халықаралық гуманитарлық құқық, кәмелетке толмағандардың істері және олардың құқықтарын қорғау жөніндегі мәселелер бойынша ұйымаралық комиссиялардың, мүгедектерді әлеуметтік қорғау саласындағы Үйлестіруші кеңестің, адами өлшем жөніндегі диалогтық алаңның және т.б. жұмысына жүйелі қатысып отырды.

Конституциялық іс жүргізу шеңберінде Адам құқықтары жөніндегі Уәкіл Қарағанды облыстық соттың қарауына Қазақстан Республикасы «Атқарушы іс жүргізу және сот орындаушыларының мәртебесі туралы» Заңы 27-бабының 5-тармағын конституциялық емес деп тану, Қарағанды облысының кәмелетке толмағандардың істері бойынша мамандандырылған ауданаралық соттың қарауына Қазақстан Республикасының 2011 жылғы 26 желтоқсандағы «Неке (ерлі-зайыптылық) және отбасы туралы» Кодексі 47-бабының 5-тармағын конституциялық емес деп тану туралықорытындылар берді. Адам құқықтары жөніндегі ұлттық орталық Конституциялық кеңеске Конституциялық кеңестің қорытынды шешімдері мен Адам құқықтары жөніндегі Уәкілдің қызметімен байланысты оның жолдауларында қамтылған ұсыныстары туралы ақпаратты жолдады. Адам құқықтары жөніндегі ұлттық орталық, Еңбек және халықты әлеуметтік қорғау министрлігі мен үкіметтік емес ұйымдардың диалогтық алаңы шеңберінде мүгедектігі бар адамдардың құқықтарын қамтамасыз етудің өзекті мәселелері бойынша ұсыныстар әзірленді, олар жыл бойында нормативтік құқықтық актілерге де, тәжірибелік қызметке де енгізілді.

Омбудсмен мен Қазақстан халқы Ассамблеясы төрағасының орынбасары арасында адам құқықтарын қорғау және қоғамдық келісімді қамтамасыз ету саласындағы ынтымақтастық туралы Меморандумға қол қою