Қазақстан Республикасындағы Адам құқықтары жөніндегі уәкілдің 2018 жылғы

жүктеу 5,23 Mb.

бет	14/24
Дата	03.02.2020
өлшемі	5,23 Mb.
	#28083

1 ... 10 11 12 13 14 15 16 17 ... 24

2018 жылғы сәуірде Адам құқықтары жөніндегі Уәкіл мекемесінің екі қызметкері «ҰПТ қызметінің тиімділігін бағалау» атты конференцияға қатысу үшін Словения Республикасына Любляна қаласына іссапармен жөнелтілді. Іс-шараға еуропалық елдердің құқық қорғау ұйымдарының және ҰПТ өкілдері, сондай-ақ халықаралық сарапшылар қатысты. Іссапар барысында келушілер словениялық Омбудсменнің кеңсесіне барды, оның құқықтық базасымен, қолданыстағы электрондық құжат айналым жүйесімен, азаматтарды қабылдау тетігімен танысты, сондай-ақ словениялық ҰПТ қызметін тәжірибелік тұрғыдан зерттеп қарау мақсатымен полиция учаскесіне барды.

Маусым айының соңында Испания Корольдігі Ұлттық қорғаушысы(Омбудсмен) Франсиско Фернандес Маруганның шақыруымен тәжірибе алмасу және сол елдің ұлттық құқық қорғау институтының қызметімен танысу мақсатында Қазақстан Омбудсмені Мадридкежұмыс іссапарымен барды. Екі елдің құқық қорғаушылары адам құқықтары саласындағы өзекті мәселелер, екі жақты форматта өзара әрекеттесу перспективасы, сондай-ақ халықаралық ұйымдар шеңберінде бірлескен жобаларды жүзеге асыру бойынша пікірлермен мұқият алмасты.

Іссапар барысында Қазақстан Омбудсмені сондай-ақ Испания Парламент Сенатының бірінші вице-спикері Педро Санспен де кездесті, ол Қазақстанда Елбасы Н.Ә.Назарбаевтың бастамасымен жүзеге асырылып жатқан кең ауқымды түрлендірулер, соның ішінде конституциялық реформа және қоғамды рухани жаңғырту туралы ақпараттандырылды. Екі күндік жұмыстың қорытындылары бойынша құқық қорғау ынтымақтастығын ары қарай кеңейту туралы келісімге қол жеткізілді.

Омбудсменнің Испанияға жұмыс сапары кезінде Испания Парламенті Сенатының бірінші вице-спикері Педро Санспен кездесуі

Тамызда құрамында Адам құқықтары жөніндегі ұлттық орталықтың (Уәкіл мекемесі) басшылары мен қызметкерлері болған қазақстандық делегация ОБСЕ Астанадағы бағдарламалар кеңсесінің және Қазақстанның Польшадағы Елшілігінің қолдауымен Польша омбудсменнің кеңсесіне танысу іссапарын іске асырды. Делегаттар поляк әріптестері жұмысы мандаттарының және қағиаттарының ерекшеліктерімен танысты. Польшаның азаптауларға және қатыгездік жасауға қарсы іс-қимыл тәжірибесіне жеке назар аударылды. Қатысушылар жабық мекемелерге мониторинг жасау, ұсыныстарды жүзеге асыру және Польша ҰПТ есептерін қалыптастыру тәжірибесін зерттеп қарады. Делегация мүшелері сондай-ақ ОБСЕ демократиялық институттар мен адам құқықтары жөніндегі Бюросының (ДИАҚБ) басшы буынының өкілдерімен, Сыртқы істер министрлігінің өкілдерімен, Поляк Сейм (парламенттің төменгі палатасы) депутаттарымен, ғалымдармен және үкіметтік емес ұйымдардың, соның ішінде Адам құқықтары жөніндегі Хельсинки қорының өкілдерімен кездесті.

жүктеу 5,23 Mb.

Достарыңызбен бөлісу:

1 ... 10 11 12 13 14 15 16 17 ... 24