Көрсетілетін қызметтер саласын дамытудың негізгі бағыттары, Бағдарлама мақсаттары мен міндеттеріне қол жеткізу жолдары, тиісті шаралар

Көрсетілетін қызметтер саласын дамытудың негізгі бағыттары, Бағдарлама мақсаттары мен міндеттеріне қол жеткізу жолдары, тиісті шаралар

1. 
   Көрсетілетін қызметтер саласының сауда секторын дамыту
   

• 
  қазіргі заманғы үлгіге сай сауда объектілерінің құрылысы/ оларды жаңалау кезінде материалдар мен жабдықтарды мақсатты шеттен әкелуге кеден бажын төлеуден босату және «Бизнестің жол картасы 2020» бизнесті қолдау мен дамытудың бірыңғай бағдарламасына енгізу;
  
• 
  электронды сауданы реттеуді жетілдіру.
  

• 
  нарықтарды қазіргі заманғы үлгідегі сауда кешендеріне айналдыру жөніндегі жол карталарын әзірлеу;
  
• 
  электронды саудада сервистік қолдау көрсету;
  
• 
  электронды сауда саласында қолма-қол ақшасыз төлемді жүзеге асыру жағдайларын жақсарту.
  

2017 жылдың соңына қарай республикалық маңызы бар қалаларда, астанада және облыстық маңызы бар қалаларда сауда нарықтарын пайдалануға енгізу мерзімдерін көрсете отырып, заманауи үлгідеді сауда кешендеріне жаңғыртудың республикалық жол картасы жасалады. Жол картасы барлық аспектілер мен кезеңдерді нақтылайды (оның ішінде, қаржы ресурстарының мөлшері, оларды алу көздері мен мерзімі, жетіспейтін инфрақұрылымда қажеттілік, барлық қажетті келісуді өткізу, құрылыс және қалпына келтіру кезінде кәсіпкерлерді жұмысқа орналастыру орындарын анықтау, сондай-ақ құрылыс пен қалпына келтіру мерзімдері).

Ауыл шаруашылық тауарларын өндірушілерге сауда алаңдарына және ауыл шаруашылық және тағам өнімдерін сақтау, қаптау, өткізу және тасымалдау сияқты технологиялық операцияларға қол жеткізуді қамтамасыз ету мақсатында көтерме-тарату орталықтарын құру ұсынылады, олардың негізгі мақсаты өндірушілер мен бөлшектеп сату арасындағы буындарды азайту және оңтайландыру, қажет инфрақұрылымды құру болып табылады, бұл ауыл шаруашылығы өнімдеріне баға қалыптастырудағы ашықтықты қамтамасыз етеді.

Сондай-ақ, отандық тауар өндірушілердің өнімін ілгерілету мақсатында сауда желілерін шетелге шығуға және қатысуын кеңейтуге, олар арқылы тариф жеңілдіктерін, салық жеңілдіктерін, сондай-ақ шығарылатын өнімді тасымалдауға, сауда алаңдарын жалға алуға субсидияларды, шикізат пен жабдықты сатып алу үшін кредиттеу арқылы сыртқы нарықтарға өнімді өткізу үшін ынталандыру жүзеге асырылатын болады.

Биржалық сауданы жалпы ішкі сауданың ажырамас құралы ретінде дамытуға басты назар аударылады. Биржалық сауда институтының маңыздылығын арттыру мақсатында, сондай-ақ биржалық тауарларды ұлттық баға индикаторларын айқындау бойынша негізгі міндеттерді орындау үшін тауарлық биржаларды және биржалық сауда-саттық қатысушыларын мемлекеттік реттеуді жетілдіру бойынша түбегейлі шаралар қабылданады.

Биржалардың одан әрі дамуының топшылауын ұсынатын Тауарлық биржалық нарықты дамыту тұжырымдамасы негізге алынады.
Электрондық сауда

Кәсіпкерлікті онлайн саудада дамыту және оны қолдаудың жүйесін жетілдіру үшін әлеуетті анықтау мақсатында дамуда кедергі болып табылатын мәселелердің оңтайлы шешу жолдары мен мемлекеттік қолдаудың пәрменді шаралары әзірленетін болады.

Электронды сауданы жүйелендіру үшін ұғымдық аппаратын, оны жүзеге асырудың қызметтері мен механизмдерін жетілдіру ұсынылады.

Сонымен қатар, салықтық ынталандыру және экспорттық әлеуетті арттыру, сондай-ақ тұтынушылар құқықтарын қорғау бойынша жұмыс жүргізілетін болады.

Кәсіпкерлік капиталдың сапасын арттыру, «онлайн бизнесті толық аяқтауды» құру, логистикалық шығындарды азайту үшін e-commerce және Fulfillment орталықтарын құру жолымен электронды сауданы жүргізуде сервистік қолдау көрсету жөніндегі іс-шаралар қарастырылады.

E-commerce орталықтарының қызметі аясында тауарларды қабылдау жөніндегі қызметтерді, сондай-ақ олардың құзіреттілігін арттыру жөніндегі түрлі іс-шараларды (семинарлар, тренингтер және т.б.) қоса отырып, электронды сауда мәселелері бойынша ШОБ-ке қызмет көрсету жөніндегі қызметтер ұсынылатын болады.

Fulfillment орталықтары ШОБ тапсырыстарды қабылдау, өңдеу, сақтау және құру мен тауарларды жеткізу жөніндегі қызметтер көрсететін болады.

Сонымен бірге, электронды сауданы реттеуді жетілдіру мақсатында электронды сауда саласын реттейтін қолданыстағы нормаларға талдау жүргізіліп, заңнамаға өзгерістер енгізу жөніндегі ұсыныстар әзірленетін болады. 

Бұнымен қатар, халықты электронды сауда құралдарына үйрету жөніндегі әлеуметтік жарнаманы орналастыру арқылы электронды сауданы насихаттау жүргізілетін болады.

Сауда қызметтерін экспорттауды дамыту саласында

Қызметтер экспортының тиімді дамуына экспорттық - импорттық операцияларды кедендік декларациялауды жетілдіру септігін тигізетін болады.

Онлайн-сауданы халықаралық нарыққа шығару мақсатында экспорттық-импорттық операцияларды кедендік декларациялау тәртібін жеңілдету, атап айтқанда экспорттық-импорттық операцияларды кедендік декларациялауға беру үшін ақпараттық платформаны енгізу арқылы әкімшілік кедергілерді азайту жүзеге асырылатын болады.

Басым және жоғары мүдделі елдерге қазақстандық бизнестің қатысуын қамтамасыз ету және мүдделерін қорғау мақсатында «Қазақстан Үйлерін» құру туралы мәселе пысықталады. Сондай-ақ, онлайн режимде ірі халықаралық әріптестермен бірге ауыл шаруашылық тауарларын сату үшін сауда алаңдарын құру мәселелері анықталатын болады.

«Қазақстан Үйлерінің» қызметін ұйымдастыру аясында экспортты қолдау және алға жылжыту саласында мүмкіндіктер мен олардың қызметін кеңейту, «бірыңғай терезе» электронды платформасы аясында экспорттаушылар үшін сервистік орталықтар ретінде олардың құзіреттіліктерін дамыту.

Қазақстан Үйлерінің қызметтері экспортқа бағытталған компаниялар, сондай-ақ мемлекеттік органдардың сұрауларына бағытталатын болады. Бұл сауда үйлері базасында ішкі экономикалық қызметті, соның ішінде шағын және орта бизнес субъектілерін қолдаудың кешенді механизмін құру арқылы қамтамасыз етілетін болады.

Қатардағы сауда персоналының және басқарушы буын менеджерлерін оқытудың және кәсібилік деңгейін арттырудың жүйесі енгізіледі. Ол үшін жыл сайын әр жеке алынған өңірде түрлі бейіндегі мамандар тапшылығын анықтау мақсатында барлық республика бойынша кадрлармен камтылуға мониторинг жүргізіледі.

Салалық қауымдастықтармен және одақтармен бірігіп сауда компанияларының персоналын оқытудың қысқаша курстарымен тренингтің орталықты ұйымдастыру мәселесін пысықталатын болады. Семинарлар мен дәрістерді өткізу үшін Батыс және Шығыс Еуропа елдерінің практик мамандарын тұрақты түрде тарту жоспарланып отыр.

2. 
   Көлік және логистика секторындағы көрсетілетін қызметтерін дамыту
   

- инженерлік-коммуникациялық және көліктік инфрақұрылымды дамыту (әуе, т/ж, авто, порттар);

- хабтық негізде макроөңірлерді дамыту негізінде аумақтық даму;

- Астананы «шұғылалы» қағидат бойынша өңірлермен байланыстыратын тиімді өңіраралық автожол желісін құру;

- «Орталық-Шығыс», «Орталық-Оңтүстік», «Орталық-Батыс» өңіраралық автожол желісі жобаларын іске асыру;

- Батыс Қытай – Батыс Еуропа, Астана – Алматы, Астана – Өскемен, Астана – Ақтөбе – Атырау, Алматы – Өскемен, Қарағанды – Жезқазған – Қызылорда, Атырау – Астрахань сияқты негізгі автожолдар жобаларын іске асыру;

- көліктік-логистикалық және көтерме-бөлшек сауданың қазіргі заманғы инфрақұрылымын құру;

• 
  тасымалдау және көлік маршруттарының жылдамдығын арттыру, көлік шығындарын азайту және энергиямен қамтамасыз етуді тиімді ету.
  

Транзиттік әуе тасымалын дамыту үшін Токио, Сингапур сияқты әлемдік қаржылық орталықтармен әуе байланысын ашу жөніндегі жұмыстар жүргізілетін болады.

Жол бойындағы сервисті дамыту мақсатында халықаралық және республикалық маңызы бар автомобиль жолдары бойында сервис объектілерін салу жөніндегі жұмыстар жүргізілетін болады.

Бұдан басқа, жылжымалы құрамның, соның ішінде фитингтік платформалардың санын арттыру жөнінде шаралар қабылданады.

  Елді мекендерді жүйелі автобус қатынастарымен қамтуды қамтамасыз ету бойынша жолаушылар автотасымалының қосымша инфрақұрылымын құру және жақсарту жөнінде шаралар қабылданатын болады. Жергілікті атқарушы органдар халықтың қимыл-қозғалысы шектелген топтары үшін де қолжетімді болуын ескере отырып, қалалар мен аудан орталықтарында жаңа автовокзалдар мен автостанциялар, автостанциясы жоқ елді мекендерде (селолар, ауылдар) жолаушыларға қызмет көрсету пункттерін салу жөнінде жұмыстар жүргізетін болады.

         Сонымен қатар, отандық тасымалдаушылардың бәсекеге қабілеттілігін арттыру және олардың халықаралық жүк тасымалдары нарығындағы үлесін 2019 жылға 47% дейін арттыру жөніндегі шаралар жүзеге асырылатын болады.

Шет мемлекеттермен үкіметаралық келісімдер жасасу және автомобиль көлігі саласындағы халықаралық шарттарға қатысу арқылы жүк тасымалдау географиясын одан әрі кеңейтудің мүмкіндіктері қарастырылатын болады.

  Көліктік-логистикалық тізбек кешенін құру аясында құрғақ жүк және сауда флотын ұлғайту жөніндегі жұмыстар жалғастырылатын болады. 2020 жылға қарай 2 құрғақ жүк таситын кеме және 2 паром сатып алу мүмкіндігі қаралады. Осылайша, Қазақстан порттарынан құрғақ және паромдық жүктерді теңізбен тасымалдау үлесі 2020 жылға қарай 30 %-ға ұлғаятын болады.

Ақтау және Құрық теңіз порттары акваториясында қауіпсіз жүзу, кемелер қозғалысын басқару және іздеу-құтқару қызметін үйлестіру мақсатымен 2020 жылға дейін навигациялық жүйелер құру мәселесі қаралатын болады.

Кемелерді жөндеу бойынша техниалық қолдау және қызмет көрсету үшін Құрық портында кеме жасау-кеме жөндеу зауыты салынатын болады.

       Қазақстандың кемелер құрамында отандық кадрлар тапшылығын төмендету мақсатында теңізшілерді дайындау жүйесі халықаралық стандарттарға сәйкес келтірілетін болады.

       Сауда флотының бәсекеге қабілеттілігін қамтамасыз ету үшін саланың қауіпсіздік жүйесін Халықаралық теңіз ұйымының қазіргі заманғы талаптары деңгейіне сәйкес келтіру жөніндегі шаралар, оның ішінде теңіз порттарында кемелер қозғалысын басқарудың навигациялық жүйелерін құру есебінен қабылданатын болады.

       Ішкі су жолдары тасымалдарын дамыту мақсатында өзен тасымалдарының қауіпсіздігін нығайтуға бағытталған шаралар жалғастырылатын болады.

Көлік және логистикада сандық технологияларды қолдану

Кедендік өткізу пунктерінің тиміділігін арттыру мақсатында «Бірыңғай өткізгіш канал» енгзілетін болады – «бір терезе» принципі бойынша жұмыс жасайтын, кедендік декларацияларды стандартталған түрде, электронды нысанда жіберу және берудің электронды жүйесі ендіріледі.

Жол активтерін басқару жүйлерін енгізу, ҚР жолдарында авариялар мен апаттар кезінде төтенше қоңырау шалу жүйесін құру, сондай-ақ интеллектуалды көлік жүйесін құру жөніндегі жобалар жүзеге асырылатын болады.

Көлік қызметтерінің экспортын ынталандыру
Қазақстандық өнімнің бәсекеге қабілеттілігін сақтау және онымен байланысты көлік қызметтерін ілгерілету мақсатында жүктерді тасымалдау үшін өтпелі тарифтік ставкалардың тариф құрылымы жүйесін жетілдіру бойынша жұмыс жүргізіледі.

Қазақстан бойынша транзиттік бағытқа жүк ағындарын тарту бойынша нарықта белсенді маркетингтік жұмыстар жүргізу (роуд-шоу өткізу, мамандандырылған көрме мен конференцияларға қатысу).

Туристік саланы дамыту үшін келесі бағыттар бойынша жүйелік шаралар жүзеге асырылатын болады:

• 
  алты мәдени-туристік кластерлерді құру және дамыту
  
• 
  сандық технологияларды пайдалана отырып, визалық рәсімдерді жеңілдету;
  
• 
  инвестицияларды тарту;
  
• 
  отандық және шетелдік туристтерді тарту үшін ақпараттық-жарнамалық науқандарды іске қосу.
  

Туристік кластерлер құруда үздік тәжірибесі бар статегиялық (зәкірлік) инвесторларды тарту жөніндегі жұмыстар жалғасады. Туристік кластерлерді дамытуға инвестицияларды тарту бойынша негізгі тәсілдер әзірленетін болады, сондай-ақ бизнес қауымдастығымен бірлесіп, сервистік объектілерді орналастыру үшін туристік аймақтарды, сондай-ақ оларға іргелес аумақтарды қаржыландыру және инвестициялау бойынша МЖӘ нысандары әзірленеді.

Туризм индустриясы нысандарын бірыңғай жіктеу жүйесі әзірленетін болады.

Ұзақ мерзімді қаржыландыру тетіктерін енгізу арқылы жеке бизнес бастамалары мен инвестициялық жобаларды қолдау, сонымен қатар туристік бағыттағы жобаларды 10, 15, 25 жыл мерзімдерінде несиелеу мәселесін пысықтау қамтамасыз етіледі.

Қазақстанның туристік саласын дамыту бойынша шетел донарларымен жұмыс жүргізілетін болады (ЕО, АҚШ, БҰҰ, ЕҚЫҰ, халықаралық қаржы институттары, сондай-ақ ҚХР, РФ, Үндістан, Иран және басқаларының көмек бағдарламалары).

Ақпараттық жарыққа шығару мақсатында туристік бизнесті дамыту үшін "гайдтар" әзірленеді, сонымен қатар Қазақстан және Қазақстанның туристік нысандары туралы барлық қажет ақпаратты қамтитын туристік-ақпараттық веб-портал әзірленеді.

Туризм саласы үшін кадрларды даярлау бойынша білім беру бағдарламаларын жетілдіру және «Туризм» мамандығы бойынша дайындайтын барлық жоғары оқу орындарында TedQual жүйесі бойынша ЮНВТО (Дүниежүзілік туристік ұйым) сертификациясын тарату мәселелерін қарау.

Ұлттық туристік офис жанында ағылшын, француз, қытай, түрік және басқа да тілдерді меңгерген гидтер мен экскурсия жетекшілерін қысқа мерзімді даярлау бойынша орталық құру маңызды іс-шара болып табылады.

Сонымен қатар, әлеуметтік туризмді дамыту мақсатында мүмкіндігі шектеулі тұлғалардан (егде жастағы адамдар, көру, есту қабілеті, тірек-қимыл аппараты және т.б. бұзылған) гидтер мен экскурсия жетекшілерін даярлау көзделеді. Сондай ақ, туризм саласындағы ғалымдар санын арттыру мақсатында туризм саласында PhD мамандығы бойынша мемлекеттік тапсырысты ұлғайту мәселесін қарау бойынша жұмыс жүргізілетін болады (бүгінгі күні мемлекеттік тапсырыс бір жылда 3-4 орынды құрайды).

Сонымен қатар, «Туризм саласындағы менеджмент» мамандығын (қонақүй және мейрамхана бизнесінсіз) өзекті ету және Қазақстан Республикасы Президентінің «Болашақ» халықаралық стипендиясы шеңберінде шетелде басымды оқыту тізбесіне қайтару жөніндегі мәселе қайта қарастырылатын болады.

Көші-қонды бақылау және визаларды ресімдеу рәсімдерін жеңілдету саласында

Елге туристер ағымын қамтамасыз ету үшін қазақстандық визаларды рәсімдеу жұмыстарын жеңілдету жалғастырылады, пилоттық режимде шетелде Қазақстанның визалық орталығын ашу мәселесі қаралады, электрондық түрде Қазақстан Республикасында және шетелде азаматтығы жоқ тұлғалар мен шетел азаматтарының айыппұл төлеу тәртібін айқындау жөніндегі мәселе пысықталады, жаңа технологияларды енгізу арқылы шетел азаматтарын тіркеу және есепке алу процесін жеңілдету жөніндегі мәселе қаралады.

Мүдделі уәкілетті мемлекеттік органдармен бірлесіп, туризм саласындағы стандарттау жөніндегі қолданыстағы нормативтік құжаттарға және нормативтік құқықтық актілерге мониторинг және талдау жүргізіледі, туризм саласындағы қажетті нормативтік-техникалық базаны дайындалады, туристік қызметтерге стандарттар енгізу мәселесі пысықталады.

Имидждік стратегияны дамыту шеңберінде шетелде Қазақстандық туристік өнімді жылжыту тәсілдері қайта қаралатын болады. Осы мақсатта бірыңғай оқиғалар күнтізбесін және 3d интерактивті туристік картасын қалыптастыру, халықаралық нарықтарда жұмыс істеу үшін бірыңғай ұлттық брендті әзірлеу, халықаралық туристік ұйымдармен (ЮНВТО, РАТА және басқалар) ынтымақтастық жөніндегі жұмыстарды жандандыру, www.kazakhstan.travel мамандандырылған онлайн-платформасын қолдау және одан әрі толықтыру, бұқаралық ақпарат құралдарының өкілдері үшін Қазақстан бойынша таныстыру турларын ұйымдастыру, Астана және Алматы қалаларында b2b форматында ақпараттық турларды міндетті түрде өткізумен кіру туризмі бойынша мамандандырылған көрме өткізу жөніндегі шаралар іске асырылады.

Жетекші интернет сайттар арқылы Қазақстанның туристік өнімдерін (TripAdvisor, Booking және т.б.), сондай-ақ сауда дипломатиясы механизмдерін дамыту бағдарламасы әзірленетін болады.

Жылжымайтын мүлікпен операциялар саласында келесі бағыттар бойынша жұмыстар жалғастырылады:

• 
  риэлторлық қызметтер көрсету саласында жауапкершілік пен ашықтықты арттыру;
  
• 
  жылжымайтын мүлік нарығында инвесторлар тарту;
  
• 
  жылжымайтын мүлік нарығында «көлеңкелі» келісімдер үлесін азайту;
  
• 
  жылжымайтын мүлік нарығында операцияларды дамыту және реттеу жөніндегі басқа елдердің сәтті тәжірибесін ендіру;
  
• 
  жылжымайтын мүлік нарығындағы заңнаманы жетілдіру жөніндегі ұсыныстар енгізу;
  
• 
  құрылыс қызметтері экспортын дамыту.
  

Жылжымайтын мүлік нарығындағы деректерді шоғырландыру мақсатында Қазақстанның жылжымайтын мүлік нарығының бірыңғай жалпыға ортақ ақпараттық платформасын құру жөнінде шаралар қабылданады. Бұндай шара жылжымайтын мүлікпен байланысты, соның ішінде риэлторлық қызмет көрсететін заңды тұлғалардың деректер базасын оңтайландыруға көмектеседі.

Кадрлық ресурстарды дамыту мақсатында бірыңай оқыту бағдарламасы әзірленеді, сондай-ақ Қазақстан риэлторларының біріккен қауымдастығы (ҚРБҚ) базасында жылжымайтын мүлік саласындағы мамандарды, соның ішінде риэлторларды да орталықтандырылған оқыту ұйымдастырылады. Сондай-ақ, Қазақстан риэлторларының біріккен қауымдастығы (ҚРБҚ) базасында жылжымайтын мүлік саласында көрсетілетін қызметтер сапасын бағалаудың бірыңай жүйесін әзірлеу жөніндегі шаралар қабылданады.

Жылжымайтын мүлікпен көрсетілетін қызметтер сапасын арттыру мақсатында жылжымайтын мүлік саласында халықаралық стандарттарды енгізу мүмкіндігі қарастырылады.

«Еурокодтар» - ғимараттар мен құрылыстарды жобалау үшін еуропалық техникалық нормаларды қабылдау және енгізу жұмыстары жалғасады.

Еурокодтар қазақстандық құрылыс компаниялардың, мердігерлердің, жобалаушылар мен құрылыс өнімдерін өндірушілердің бәсекеге қабілеттіліктерін арттыруға мүмкіндік береді.

Сонымен қатар, құрылыс саласының бәсекеге қабілеттілігін арттыру мақсатында құрылыс саласына арналған BIM (Building Information Model) ғимараттарды сандық модельдеу технологиясын қолдану жөніндегі мамандандырылған зертханаларды құру мәселесі пысықталады.
5. Кәсіби көрсетілетін қызметтерді дамыту

Кәсіби қызметтер саласындағы нысаналы индикаторларға қол жеткізу үшін ұсынылатын кәсіби қызметтердің сапасын және бәсекеге қабілеттілігін арттыру арқылы экспорттық әлеуетті дамыту бойынша шаралар қабылданады. Бұл шаралар саудамен байланысты техникалық қызметтер және басқа да іскерлік қызметтер, басқару саласындағы кәсіби қызметтер мен кеңестік қызметтер, және де ғылыми-зерттеу және тәжірибелік-конструкторлық жұмыстар саласындағы қызметтер сияқты салаларда жүзеге асырылады.

Нарық қажеттіліктерін ескере отырып, кәсіби қызметтер саласында білікті кадрлар санын арттыру үшін жағдайлар жасалады. Осыған байланысты, ТжКБ білім беру бағдарламаларын кәсіби стандарттар негізінде жаңарту мүмкіндігі, сондай-ақ кәсіпорындармен бірге серіктесе дуальды білім беруді енгізу және Worldskills, Абилимпикс, Deafskills, Zhasskills кәсіби шеберлік дағдыларын дамыту жөніндегі халықаралық және ұлттық чемпионаттарын өткізу мүмкіндіктері қарастырылатын болады.

Кәсіби қызметтер саласында, оның ішінде аудиторлық және бухгалтерлік қызметтер саласында оқытудың өтемақысы және халықаралық сертификаттар алу жөнінде ұсыныстар қарастырылатын болады.

Бұнымен қатар, бағалау қызметі бойынша функцияларды мемлекеттен алып, бәсекелі ортаға және өзін-өзі реттейтін ұйымға беру мәселесі қарастырылады.

Сондай-ақ, аудит сапасын арттыру және аудиторларды мемлекеттік бақылаудың тиімді жүйесін құруда әлемдік стандарттарға сәйкес келу арқылы аудиторлық қызметті реттеуді нығайту жөніндегі шаралар қабылданады.

Жергілікті аудиторлық компаниялардың жауапкершілігін арттыру мақсатында, атап айиқанда, жалған ақпарат үшін лицензияны алып тастау айыппұлы/механизмі есебінен аудиторлық қызметті реттеуді күшейту,.

  Кәсіби қызметтер саласында жұмыс істейтін қазақстандық мамандардың бәсекеге қабілеттілігін арттыру мақсатында біліктілікті арттыру, сондай-ақ кәсіби қызметтер көрсетуде халықаралық стандарттарға сәйкес оқыту жөніндегі іс-шаралар жүзеге асырылады. 

Кәсіби қызметтерді стандарттау мақсатында халықаралық стандарттарды растау үшін техникалық аудит (өнімдер мен қызметтер сапасын тәуелсіз бақылау) жүргізілетін болады. Аудит тауарлар мен қызмет өндірушілердің тікелей сұрауы негізінде жеке компаниялармен өткізілетін болады.
6. Ақпарат және байланыс секторының көрсетілетін қызметтерін дамыту

«Ақпарат және байланыс» секторында келесі бағыттар бойынша жұмыс жүргізілетін болады:

• 
  барлық салаларда инфракоммуникациялық технологияларды және цифрлауды дамытуды күшейту жөніндегі заңнамалық реттеуді жетілдіру;
  
• 
  стандарттау, АКТ саласында нормаларды, қағидалар мен сипаттамаларды бекіту;
  
• 
  АКТ саласында білім беру жүйесін жаңғырту;
  
• 
  АКТ инфрақұрылымын дамыту.
  

Технологиялық жаңаруға мен салаларды цифрландыруға жағдай жасау үшін цифрлық инфрақұрылымды дамыту жалғастырылады. Қазақстанның барлық аудан орталықтарында 4G желілері пайдалануға беріледі. Ауылдық елді-мекендерде интернетке кең жолақты қол жетімділік қамтамасыз етіледі. Одан басқа, цифрлық эфирлік телерадио хабарларын тарату желілері кеңейтіледі.

«Үкіметтің мобильділігі» және халыққа қызмет көрсету тиімділігін арттыру жөнінде шаралар қабылданатын болады.

Ақпараттық-коммуникациялық технологиялар (АКТ) саласында заңнамалық кедергілерді жою саласында

АКТ-ды дамытуды күшейту мақсатында цифрлауға және технологияларды дамытуға бөгет болатын кедергілерді жою үшін заңнама жетілдірілетін болады. Мысалы, ақпараттың трансшекаралық ағымының еркіндігі қамтамасыз етіледі. Сондай-ақ, мысалы, қаржылық және салықтық есептілік саласында қағаз құжат айналымын пайдалану талаптары төмендетіледі.

Интернеттің қазақстандық сегментінде ақпараттық қауіпсіздікті бұзумен байланысты жайттарға әрекет ету мәселелерін үйлестіру жүзеге асырылатын болады. Бұдан басқа, зиян келтіретін кодты зерттеу жөніндегі зертхана, ақпараттық қауіпсіздік құралдарын зерттеу жөніндегі зертхана, ақпараттық қауіпсіздік саласындағы сынақ зертханасы жабдықталатын болады.

Киберқауіпсіздікті бұзумен байланысты жайттардың мониторингін жүзеге асыру және оларға әрекет ету үшін мемлекеттік органдар аясында (мысалы, бейінді департаменттер), сонымен бірге мемлекеттік органдар мен жеке компаниялар арасындағы (мысалы, бейінді қауымдастық арқылы) серіктестіктер арқылы қажет құрылымдар құрылады немесе күшейтілетін болады. Қазақстан ақпаратты және т.б. жіберу және сақтау стандарттарын анықтау жөніндегі кибреқауіпсіздік мәселелерінде халықаралық процестер қатысушысы болады. Азаматтардың ақапарттық қауіпсіздік мәселелері бойынша хабардар болуы артады, мектептерде киберқауіпсіздік негіздерін оқыту енгізіледі.

Халықтың цифрлық сауатын арттыру саласында

Халықтың цифрлық сауатын арттыру мақсатында халықтың барлық санатын жыл сайынғы оқытуға бағытталған іс-шаралар қатары қарастырылады. Халық үшін, сондай-ақ кадрларды қайта дайындау үшін базалық және тәжірибелік цифрлық дағдыларды оқыту бағдарламалары әзірленеді. Тәжірибелік цифрлық дағдылар бойынша халық үшін, сондай-ақ кадрларды қайта дайындау үшін базалық цифрлық дағдыларды оқыту курстарын жүргізу жоспарланған.

Экономика салаларын АКТ аясында жоғары білікті кадрлармен қамтамасыз ету мақсатында АКТ аясында кәсіби стандарттар әзірленеді, сондай-ақ барлық мамандық студенттерінің цифрлық дағдыларын арттыру үшін ҚР жоғарғы оқу орындары базасында құзіреттілік орталықтары ашылады. Жоғары, техникалық және кәсіби оқыту саласында өндіріс талаптарына сәйкес АКТ саласында білім беру бағдарламалары өзектендірілетін болады. Туындап жатқан өндірістік қажеттілікті қанағаттандыру үшін АКТ мамандықтары бойынша мемлекеттік білім беру тапсырысы біртіндеп көбейтілетін болады (2020 жылға дейін барлық мамандықтардың жалпы санының 20% дейін).

Жоғары оқу орындары және/немесе кәсіпорындар базасында тәжірибелік және зертханалық жұмыстар жүргізу арқылы оқу процесіне өндірістік АКТ мамандарын тарту қамтамасыз етіледі, сонымен бірге кәсіпорындарда IT кафедрасын ашу мәселесі пысықталады.

Цифрлық бизнес пен экспортды дамыту саласында

АКТ саласында жергілікті қамтуды дамытудың жүйелі мониторингі мен талдауын жүргізу жөніндегі шаралар жүзеге асырылады. ИКТ саласында экспорттық қызметтерді алға жылжыту мақсатында АТ компанияларын алға жылжыту мәселелері бойынша көрмелер, форумдар және дөңгелек үстелдер ұйымдастыру, шешімдердің экспортқа бағытталған АКТ өнімдерін өндірушілерді алға жылжыту, АКТ стартаптары мен хакатондарын жүргізу, АКТ қызметтер үлесін талдау үшін АТ компанияларының тізілімін әзірлеу жөніндегі жұмыстар жүргізіледі.

Банк саласының ауқымы мен тиімділігін арттыру, қаржылық қызметке сұранысты кеңейту, қолма қол ақшасыз төлем үлесін арттыру, көлеңкелі экономика көлемін азайту мақсатында қаржылық қызметтер саласында жаңа технологиялар енгізу жөніндегі шаралар қарастырылады.

      Банк қызметінің сапасын арттыру

Банк қызметі сапасын және қолжетімділігін арттыру мақсатында халық үшін банктердегі тәуекел менджментің арттыру, сондай-ақ онлайн-қызмет көрсету жөніндегі шаралар әзірленеді. Көрсетілетін банк қызметтерінің тиімділгін арттыруға әсер ететін бизнес-процесстерді тиімді құру мен оларды автоматтандыру мәселелеріне ерекше назар аударылатын болады.

Экономикалық қызметтің ашықтығын арттыру үшін тиісті технологиялық инфрақұрылымды дамыту және осы төлемдердің экономикалық тиімділігі үшін жағдай жасау арқылы қолма қол ақшасыз бөлшек төлемдерінің үлесін арттыру жөніндегі шаралар қабылданатын болады.

      «Мемлекеттік кредиттік бюро» АҚ-ның мемлекеттік органдардың деректер базасына және ақпараттық жүйелеріне қолжетімділігін қамтамасыз ету, сондай-ақ кредиттік бюро мен банк институттардың өзара әрекеттесуін арттыру есебінен қарыз алушының ашықтылығын арттыру жөніндегі жұмыстар жалғастырылады.

Корпоративтік сектор және халық үшін орташа банктер топтарын дамыту арқылы банк қызметтерінің негізгі түрлері бойынша елдің банк секторында бәсекелестіктің жоғары деңгейін қамтамасыз ету жөнінде шаралар қабылданады.

Сондай-ақ банк нарығының бөлшек және корпоративтік сегменттерінде қазіргі заманғы ақпараттық технологияларды, жаңа банктік өнімдерді, қазіргі заманғы сату стратегияларын енгізу арқылы көрсетілетін банк қызметтерінің тізімін кеңейту жөніндегі шаралар жүзеге асырылады.

Сақтандыру ұйымдарын ірілендіру жөнінде шаралар қабылданады, олар отандық сақтандыру нарығын капиталдандыруды ұлғайту мен шетелдерден қайта сақтандыру сыйақысының құйылуына мүмкіндік жасайды.

Халық арасындағы сақтандыру қызметтеріне сұранысты көбейту мақсатында сақтандыру мәдениетін арттыру шаралары іске асырылады. Міндетті және ерікті сақтандырудың теңгерімді және тиімді жүйесі құрылады (жұмыскерді жазатайым оқиғалардан сақтандыру, көлік құралдары иелерінің азаматтық-құқықтық жауапкершіліктерін, ерікті мүліктік сақтандыру және б.). Сақтандыру нарығының қатысушыларымен сақтандыру қызметтерін көрсету процесінде туындайтын, «сақтандыру ұйымы– сақтандыру агенті – сақтанушы» тізбегінің өзара әрекеттестігінің қолданыстағы жүйесінің тиімділігін арттыру жөнінде шаралар көзделеді.

«Өмірді сақтандыру» саласында қызметтерді жүзеге асыратын сақтандыру ұйымдары үшін, олардың инфляция деңгейін жабуы және қабылданған міндеттемелер бойынша төлем қабілеттілігін қамтамасыз ету мақсатында пайдалы инвестициялық қызметтерді қамтамасыз ету үшін жағдайлар жасалады.

Жинақтаушы сақтандыруды дамыту, сондай-ақ «unit-linked» қағидасы бойынша өмірді сақтандырумен инвестициялық басқаруды біріктіруге көмектесетін жаңа сақтандыру өнімдерін енгізу жөнінде жұмыстар жүргізіледі.

      Халықтың қаржылық сауаттылығын арттыру

Қазақстан Республикасы Ұлттық банкі халықтың қаржылық сауаттылығын арттыру жөніндегі жұмыстарды жалғастырады. Халықтың көп топтарының арасында қаржылық сауаттылықты арттыру бойынша жүйелік шаралар іске асырылатын болады.

Оның ішінде, бұқаралық ақпарат құралдарын қолдана отырып, халықты қаржы ұйымдары, олардың өнімдері, қызметтері туралы хабардар ету және оқыту, сонымен қатар мобильді құрылғыларға арналған оқыту қосымшаларын әзірлеу қамтамасыз етілген (телевизия, Интернет, баспасөз, арнайы әдебиет басылымдары), қаржы нарығындағы жеке жинақ ақшаны инвестициялау үшін халықты үйрету қамтамасыз етілген. Сонымен бірге, инвесторларға бағалы қағаздар нарығында болып жатқан үдерістер жөнінде, және ондағы жұмыс істейтін субъектілердің (бағалы қағаздар нарығының кәсіби қатысушыларының, эмитенттердің) қызметі жөнінде хабарлау жұмыстары жүргізіледі. Сондай-ақ халықтың нысаналы топтары үшін қаржылық сауаттылықты арттыру бағдарламасы әзірленеді. Қазақстан Республикасы Ұлттық Банкінің мамандандырылған оқыту веб-ресурсын (www.fingramota.kz) қаржы тақырыбындағы өзекті ақпаратпен сапалы толықтыру жұмыстары жалғасуда. Қаржы қызметтерін тұтынушыларды ақпараттық қолдауды қамтамасыз ету мақсатында тұрақты жұмыс істейтін Call-орталықтар мен қаржы қызметтерін тұтынушылар өз құқықтарын қорғау және білікті кеңес алу үшін жүгінетін қоғамдық қабылдау бөлмелерін ашу мәселесі пысықталатын болады.

Бағалы қағаздар нарығының инфрақұрылымын бұдан әрі дамыту мен ұсынылатын қызметтер сапасын арттыру мақсатында кезең-кезеңмен инвестициялық банкинг институты құрылады. Инвестициялық банкингтің тұжырымдамасын іске асыру жобалық қаржыландырудың тәуекелді құралдарын пайдаланумен байланысты, коммерциялық банктердің тәуекелдерін төмендетуге жағдай жасайды. Бұл қаржы қызметтерін енгізудің неғұрлым жоғары деңгейін қамтамасыз етеді, сондай-ақ халықтың жинақ ақшасын ұлғайтудың баламалы құралын ұсынады.

Бағалы қағаздар нарығындағы есеңгіретулердің жүйелі тиімді жұтылуын қалыптастыру жөнінде шаралар мен тәуекелдерді азайту және болдырмау жөнінде шаралар қабылданады. Сондай-ақ бағалы қағаздар нарығындағы инвесторлардың құқықтары мен мүдделерін қорғау, оның ішінде бағалы қағаздар нарығындағы жауапсыз мінез-құлыққа қарсы әрекет жасау қамтамасыз етілген.

ХҚО негізінде қор биржасын дамыту жұмыстары жалғасады. Оның сауда жүйесін, клирингін және есептесулерді жаңғырту мен жетілдіру мүмкіндіктері қарастырылады. Бұл шетелдік инвесторларға қаржы құралдарымен жасалатын саудаға қатысуға, сондай-ақ қазақстандық, сонымен бірге өңірлік жаңа эмитенттерді олардың акцияларын бастапқы орналастыру үшін ХҚО қор биржасына тұрақты тартуды жүзеге асыруға мүмкіндік береді.

Білікті инвесторлар институтының жұмыс істеу механизмін, қазақстан қор биржасының листингіне жіберілген отандық эмитенттер акцияларының кросс-трейдингі мен кросс-листингін жетілдіру жұмыстары жалғасады.

Сондай-ақ компаниялар үшін, оның ішінде исламдық қаржыландыруға маманданған эмитенттерді қолдау бағдарламасын енгізу арқылы бағалы қағаздар нарығында қаржыландыруды тартуға жағдай жасалады.

Қазақстан Республикасындағы тауарлар экспорты рәсімдерін жақсарту аясында кедендік ресімдеу үшін электрондық декларацияны енгізу үдерісін жеделдету шаралары қабылданады, бұл жақсарту үшін едәуір көп қаражат пен уақыт жұмсау керек болатын бастапқы логистикалық талаптар кезінде кедендік ресімдеудің уақытша және қаржылық шығындарын қысқартуға септігін тигізеді.

Кедендік операцияларды оңайлату және жылдамдату мақсатында «АСТАНА-1» іске асырылушы пилоттық жобасының негізінде «бір терезе» қағидатын сақтай отырып, тауарларды электрондық декларациялауды енгізу жөнінде жұмыстар жалғасуда.

Осы жобаның аясында, экспорттаушылар үшін жүктерді кедендік тазалау рәсімдерін жеңілдетудің «бір терезе» қағидасын сақтау мақсатында кеден органының ақпараттық жүйелері мен экспорттаушылар үшін «бір терезені» біріктіру жұмыстары жүргізіледі.

Қазақстан Республикасындағы қаржы қызметтерінің экспортын арттыру мақсатында жоғары білікті ойыншыларды тарту және ХҚО дамыту мақсатында жаңа қаржы өнімдерін енгізу шаралары қабылданады.
8. Білім беру секторындағы көрсетілетін қызметтерін дамыту
Білім беру саласындағы нысаналы индикаторларға қол жеткізу үшін мына бағыттар бойынша жүйелі шаралар іске асырылады:

• 
  білім беру сапасын арттыру;
  
• 
  білім беру бағдарламаларын жетілдіру («STEAM» қағидасы бойынша);
  
• 
  жаңа оқыту форматтарын енгізу;
  
• 
  ТжКБ жүйесіндегі кадрларды қайта даярлау және біліктілігін арттыру («WordSkills»);
  
• 
  білім беру қызметтерінің экспортын арттыру;
  
• 
  ғылым, білім және бизнесті интеграциялау;
  
• 
  адам капиталын дамыту.
  

Білім беру бағдарламалары мамандандырылған салалық дағдылары бар кадрлар даярлауға бағытталады. Осыған байланысты, білім беру бағдарламаларын барлық деңгейде тұрақты жаңарту шаралары қабылданады. Сондай-ақ бастамашылдық, академиялық еркіндік және оқу мекемелерінің білім бағдарламалары сапасы мен оларды іске асыруға жауаптылығы деңгейін арттыру, сондай-ақ оқу бітірушілердің білімдері мен дағдыларының еңбек нарығы талаптарына сәйкестігі қамтамасыз етілген. Бірыңғай ұлттық біліктілік жүйесі құрылатын болады (ҰБЖ).

«Бүкіл өмір бойы оқу» тұжырымдамасын ілгерілету үшін және алыс жердегі, ауылдық аймақтардағы оқушылар үшін оқыту жағдайларын теңестіру мақсатында, білім берудің барлық деңгейінде ақпараттық-білім жүйелері әзірленеді. Соның ішінде, оқу мекемелерінде пайдалану үшін интерактивті және инновациялық технологиялар қолданылатын электрондық білім беру материалдары мен электрондық кітапханалар құрылады. Арнайы материалдар шағын жинақты мектептің оқушылары үшін әзірленеді. Интернет-платформада «ашық университеттер» құру, электрондық оқыту курстарының контентін әзірлеу, ЖОО, ТжКБ ұйымдары және мектептер арасындағы оқыту бағдарламаларын біріктіру есебінен қашықтықтан оқытудың қол жетімділігі ұлғаяды. Бұл азаматтардың біліктілігі мен олардың цифрлық сауаттылығын әрдайым жоғарылату үшін қажет жағдайлар жасайды.

Менеджмент сапасын арттыру мақсатында жоғары оқу орындары орталықсыздандыру саясаты мен оқу орындарының академиялық, басқарушылық дербестігін арттыру жалғастырылады. ЖОО-н басқаруға белсенді қатысатын, академиялық, операциялық және қаржылық қызметін бақылауды жүзеге асыратын, сондай-ақ ЖОО басшылығы қызметінің тиімділігіне баға беретін бақылау кеңестерінің қызметтерін жандандыру жалғасады.

Біілім беру процессі мен зерттеулердің жоғары сапасын қамтамасыз ету үшін профессорлық-оқытушылық құрамды аккредиттеу және ұлттық біліктілік жүйелері енгізіледі, олардың нәтижелері ЖОО академиялық және операциялық еркіндігі деңгейін анықтаудың негізі болады.

Білім беру мекемелерінің бизнес қоғамдастықпен серіктестігі

Білім беру процестерінде, білім гранттарын ортақ қаржыландыру, тағылымдамадан өтуді, тәлімгерлікті ұйымдастыруды, тренингтер мен практикалық оқыту шараларын өткізуге алаңдар ұсынуды, білім беру мекемелері негізінде қызметкерлердің біліктілігін тұрақты жоғарылату курстарын ұйымдастыру түрінде тұрақты серіктестік пен қатысуды жүзеге асыратын компанияларға мемлекет тарапынан қолдау көрсетіледі. Серіктестіктің мұндай түрі жеке бизнеске еңбек нарығын ескере отырып, оқу бағдарламаларын әзірлеуге және оқытудың қолайлы үлгісін жасауға көмектеседі. Білім беру процессі «мәселе – жоба – шешім» қағидатына негізделген, бұл өз кезегінде оқу бітірушілерді нақты жағдайлардағы жұмысқа дайындайды.

Бұдан басқа, өзін-өзі жұмыспен қамтыған халық арасында өнімді жұмыспен қамту деңгейін арттыру, сондай-ақ өзін-өзі жұмыспен қамтығандарды «Бастау Бизнес» жобасы бойынша жаппай кәсіпкерлікке үйрету және еліктіру шаралары қабылданады. Оқыту процессінде жобаға қатысушылар кәсіпкерлік қызметті жүргізу негіздеріне үйренеді.

Педагогикалық кадрлардың беделі мен уәждемесін арттыру

Педагогтарға біліктілік деңгейі мен жұмыс сапасына байланысты сараланған еңбек ақы енгізіледі. Жұмыс сапасын бағалау оқушылардың нәтижелері, оқушылардан, ата-аналардан, жұмыс берушілерден және әріптестерінен және т.б. сұрау негізінде жүргізіледі.

Педагогтарға біліктілікті арттыру, зерттеу қызметтеріне қатысу мүмкіндіктерін беру мақсатында, педагогикалық қызметкерлерге нормативтік оқу жүктемесі азайтылады. Сондай-ақ, tenure-позицияларында профессорлық-оқытушылық құрамның мансаптық ілгерілеуін дамыту жүйесі - ғылыми-зерттеу қызметтерінің жұмыс уақытының белгілі пайызын арнау шартымен мерзімсіз келісімшарттар жасау енгізіледі. Бұл шара сабақ беру сапасын, педагогтардың кәсіби даярлығы мен оларды қайта даярлау деңгейін жоғарылатуға мүмкіндік жасайды.

Педагогикалық оқу орындарындағы бағдарламаларды қайта қарау

Оқытудың жаңа әдістемелерін, соның ішінде цифрлық технологияларды қолдануды енгізу және ағылшын тіліне оқыту мақсатында оқу жоспарлары мен педагогикалық кадрларды даярлау жөніндегі білім беру бағдарламалары қайта қаралады және жаңартылады. Сондай-ақ педагог-тәлімгерлер үшін ынталандыру шараларын ескеріп, жоғары білкті педагогикалық кадрлардың жаңа ұрпақтарын қалыптастыру үшін оқу орындарында (оның ішінде ғылыми-зерттеу институттарында) тәлімгерлік жүйесі енгізіледі.

Сабақ беруде озық тәжірибелерді енгізу алдыңғы қатарлы оқу орындарының негізінде (Назарбаев Университеті, КИМЭП, КБТУ, Назарбаев Интеллектуалды мектептері және басқалары) оқыту және өңірлердегі оқу орындарында семинарлар, дәрістер және басқа құралдар арқылы қамтамасыз етіледі. Сондай-ақ оқытушылық құрам үшін халықаралық алмасу бағдарламалары ұйымдастырылады.

Педагогтардың педагогикалық шеберлігін арттыру және озық оқу орындарының тәжірибелерін беру үшін білім беру онлайн-платформалары қүрылады. Бұл шара өңірлердегі педагогтардың кәсіби дамуы үшін қажетті білім материалдарын алуына жағдай жасайды.

ТжКБ жүйелерінің педагогикалық кадрларын және басшыларын қайта даярлау саласында инженерлік-педагогикалық кадрлардың біліктілігін арттырудың жаңа үлгісі енгізіледі, ол іс жүзінде бағдар алуды және кәсіби-тұлғалық әлеуетті дамытуды көздейді. Өндіріс мамандары «WordSkills» стандарты бойынша педагогикалық шеберлікке үйренеді.

Мамандарды қайта даярлау мақсатында жоғары оқу орындары мен ТжКБ ұйымдары қызметкерлерді қайта оқытып шығару мен біліктілігін арттыру жөнінде курстар ашады. Бұл курстар жұмыс пен оқуды біріктіру үшін қолайлы, әртүрлі форматтарда - өндірістен қол үзу және қол үзбейтін, кешкі оқыту нысанында ұсынылады.

Ауыл мектептерінде білім беру сапасын арттыру үшін бағдарлама іске асырылады және білікті мұғалімдерді тартуға жағдайлар жасалады. Бұл бағдарлама «Teach For All» халықаралық бағдарламасының үлгісінде іске асырылуы мүмкін.

Бағдарламаның тартымдылығын арттыру үшін білікті мұғалімдер жол және тұрғын-үй субсидияларымен қамтамасыз етіледі, сондай-ақ оқытушының стандарттық еңбек ақысына қосымша төлем алатын болады. Мұндай бағдарлама әлеуметтік корпоративтік жауапкершілік аясында жеке бизнестің қолдауымен жүзеге асырылады.
9. Денсаулық сақтау секторының қызметтерін дамыту

Денсаулық сақтау саласындағы саясат ұсынылатын медициналық қызметтер сапасы мен қол жетімділігін жақсартуға, денсаулық сақтау жүйесін басқару және қаржыландыру жүйесінің тиімділігін арттыруға, сондай-ақ қолда бар ресурстарды ұтымды пайдалануға бағытталған ЭЫДҰ елдерінің стандарттарын кезең-кезеңмен енгізуді қамтамасыз етуге бағытталған.

Мына бағыттар бойынша жұмыстар жалғастырылады:

• 
  сапалы және қол жетімді медициналық қызметтерді ұсыну;
  
• 
  аурулардың кең спектрін диагностикалау мен емдеуді жетілдіру;
  
• 
  халықты профилактикалық медицинамен кеңінен қамту арқылы аурулардың алдын алу;
  
• 
  халық денсаулығын қорғау жөнінде ақпараттық-түсіндіру жұмыстарын күшейту;
  
• 
  дербестендірілген медицинаны енгізу: «смарт-медицина», қашықтықтан алдын-алу және емдеу, «электрондық медицина» қызметтері;
  
• 
  медициналық білім жүйесін жетілдіру;
  
• 
  медициналық ЖОО ғылыми-зерттеу жұмыстарын тәжірибемен біріктіру;
  
• 
  медициналық ЖОО мен медициналық ұйымдарды халықаралық аккредиттеуді жүргізу;
  
• 
  денсаулық сақтаудағы мемлекеттік-жеке серіктестікті дамыту және жеке медициналық ұйымдар үшін жағдайлар жасау;
  
• 
  салауатты өмір салтына жағдай жасау және халық денсаулығын қорғау үшін сектораралық өзара қатынастар.
  

Медициналық технологияларды енгізу тиімді профилактика, сапалы диагностика (портативтік диагностикалық кешендер, ауылдық жерлердегі мобильді диагностикалық жабдықтар, КТ/МРТ-диагностика) және инновациялық емдеу әдістері есебінен емдеу сапасын және өмір сүру ұзақтығын арттыруға мүмкіндік береді.

Электрондық денсаулық төлқұжатын жүргізу пациенттерді көшіру процессін оңайлатады және біртіндеп келісілген емдеу үшін мүмкіндіктер жасайды.

Сондай-ақ, әкімшілік шығындарды оңтайландыру, ашықтықты қамтамасыз ету, әлеуетті жеткізушілер арасында жоғары бәсекелес ортаны құру мақсатында сатып алуды жүргізу оларды электрондық форматқа ауыстыру арқылы автоматтандырылады. Денсаулық сақтау ұйымдарында бұл шараларды енгізу жалпы және әкімшілік шығындарды қысқартуға көмектеседі.

Телемедицина мен «дәрігер-дәрігер», «дәрігер-пациент» форматындағы мобильді медицинаны дамыту жұмыстары жалғасады.

Денсаулық сақтаудың орнықты және тиімді жүйесін қамтамасыз ету үшін ақпараттар жинау автоматтандырылады.

Амбулаториялық-емханалық ұйымдар, стационарлар мен аралас түрдегі ұйымдар үшін кешенді медициналық ақпараттық жүйе құрылады.

Кадрларды дамыту саласында

Денсаулық сақтау саласындағы адам ресурстарын басқарудың тиімді жүйесі жасалады.

Медициналық кадрларды даярлау сапасын арттыру денсаулық сақтау саласындағы адам ресурстарын басқарудың тиімді жүйесін жасау мен медициналық білімді жаңғырту арқылы жүзеге асырылады.

Қойылған міндеттерді іске асыру саланың адам ресурстарын болжау, жоспарлау және мониторингтеу механизмдерін жетілдіру, сондай-ақ адам ресурстарын басқару мен дамыту механизмдерін жаңғырту арқылы жүзеге асырылады. Сонымен қатар, денсаулық сақтау кадрларының уәждемесі мен ынталандырудың тиімді жүйесін құру көзделген.

Медициналық ЖОО профессорлық-оқытушылық құрамының және қызметкерлерінің құзіретін арттыру, сондай-ақ теориялық білім мен қажетті практикалық дағдылардың арасындағы алшақтықты қысқарту мақсатында, медициналық білім беруді басқару жүйесін жетілдіру жөнінде жұмыстар жүргізіледі. Оның ішінде ең жақсы халықаралық тәжірибелер мен қажеттіліктерді ескеріп, жаңа білім беру бағдарламалары енгізіледі. Мысалы, медициналық инжиниринг саласында кадрлар даярлау бойынша жаңа білім бағдарламалары. Білім алушыларды тиімді клиникалық дайындау және кәсіби ортаға тарту үшін жағдайлар жасалады.

Сонымен қатар, денсаулық сақтау мамандарын міндетті лицензиялау институтын енгізу және 2019 жылға қарай медициналық ЖОО оқитындарды бағалау үшін USMLE негізінде IFOM емтиханын/бірыңғай ұлттық емтиханды енгізу көзделген.

Медициналық туризмді дамыту жөнінде шаралар қабылданады. Шетелдік пациенттерді тарту мақсатында медициналық туризм порталы (веб-сайт) жасалады және денсаулық сақтау саласындағы жетістіктерді түсіндіру жөнінде ақпараттық науқандар жүргізіледі.

Сонымен қатар, диагностика мен емдеудің ең жаңа инновациялық медициналық технологияларын енгізу, сондай-ақ клиникалық және қаржылық тиімділікке талдау жүргізу арқылы денсаулық сақтау жүйесінің беделін арттыру жұмыстары жүргізіледі.

Медициналық туризмді дамыту мақсатында медициналық қызметтер көрсетудің қазақстандық брендін қалыптастыру жөнінде ұсыныстар әзірленеді, сондай-ақ басым және жоғары мүдделі елдердегі қазақстандық медициналық қызметтер экспортының позициясын ілгерілету және жақсарту жөнінде шаралар кешені әзірленеді.

Медициналық қызметтер көрсету стандарттарын арттыру мақсатында медициналық қызметтерді стандарттау саласындағы нормативтік құқықтық актілер қайта қаралады, сондай-ақ ммандандырылған медициналық көмек көрсететін медициналық ұйымдарды аккредиттеу стандарттары әзірленеді.

Жоғарыда ұсынылған іс-шаралармен қатар, БАҚ-да кең ауқымды түсіндіру арқылы МӘМС бойынша ақпараттық-түсіндіру жұмыстары жүргізіледі.

Бұдан әрі МӘМС мәселелері бойынша мәселелер мен тартысты жағдайларды шұғыл шешуге бағытталған, халықпен кері байланыс жасау механизмдері әзірленеді. Өзін-өзі жұмыспен қамтыған азаматтарды сақтандыру үшін агенттерді тартудың дұрыстығы қарастырылады, МӘМС қызметтерінің тізбесі кеңейтіледі.

Халық арасындағы тұтынушылық артықшылық беруді бұдан әрі анықтау, кері байланысты орнату халықты МӘМС жүйесіне еліктірудің өсуіне оң әсерін тигізеді, бұл төлеушілер есебінен медициналық қызметтерді тұтынудың артуына әкеледі.
10. Көрсетілетін қызметтер саласын реттеудің институционалдық негіздерін жетілдіру

Қызметтер саласы секторларындағы жаңа технологияларды анықтау мақсатында инновациялық қызметті дамыту және ынталандыру жағдайларын жасау бойынша жұмыстар жүргізіледі: халықаралық стандарттарға сәйкес нормативтік-құқықтық базаны жасау (ұғымдық аппаратты және сәйкес нормативтік-құқықтық базаны қайта қарау, инновация саласындағы ұлттық стандарттарды әзірлеу), венчурлік қаржыландыруды дамыту және кәсіби венчурлік қорларды тарту, технологиялық инкубаторлар мен коммерциялау офистерін жасау.

ЖОО мен жеке бизнестің ынтымақтастығын ынталандыру механизмі әзірленеді, ғылыми-зерттеу институттары және ЖОО арасындағы кооперацияны арттыру жұмыстары, сондай-ақ озық оқу орындары мен өңірлердегі оқу орындарының педагогикалық кадрлары арасында біліммен алмасу механизмдері жалғасады.

Бірыңғай онлайн платформа әзірленеді, ол экспортты қолдау және ілгерілету, декларациялау мәселелері бойынша бүкіл нормативтік құқықтық базаны, экспорттық нарық туралы ақпаратты, сондай-ақ қажетті құжаттаманы онлайн-ресімдеуді, көлік пен логистиканы басқаруды, консультациялық сервистерді енгізетін электрондық сервистер кешенін қамтиды.

Сәйкестік талдауына сай, маңызды серіктес-елдер тәрізді, қазақстандық қызметтерді әлеуетті импорттаушылардың, сыртқы нарықтарда сауда өкілдіктерінің тиімді жұмыс істеуі бойынша жұмыстар жалғасады.

Қазақстанның экономикалық мүдделерін алға жылжыту үшін экспортты ілгерілетудің тиімді механизмін жасау мәселесі пысықталады. Индустриалды-дамыған елдердің тәжірибесі бойынша әкімшілік кедергілерді болдырмаумен қатар, жоғары және басым мүдделі елдерде сауда үйлерін ашу мүмкіндіктерін қарастыру қажет.

Шетелдердегі сауда үйлерінің негізгі құзіреті экспорт/импорттың сәйкестігін, экспортқа бағыттанған компаниялардың, сондай-ақ мемлекеттік биліктің негізгі сұрауларын талдау болады. Сәйкесінше, сауда үйлері сауда (Экспортты ілгерілету бойынша бірыңғай оператор), туризм (KazakhTourism) инвестициялары (KazakhInvest), көлік және логистика (сәйкес операторлар өкілдіктері) мәселелерін, оның ішінде қажетті жағдайда МЖС құралдарын пайдалана отырып, біріктіреді.

Қолданыстағы ұлттық стандарттарды халықаралық стандарттармен сәйкестікке келтіру бүтіндей экономиканың қызметтер саласын дамытудың маңызды факторы болып табылады. Осыған байланысты, жылжымайтын мүлік және құрылыс, қаржы секторы, ақпарат және байланыс, кәсіби қызметтер, көлік және логистика және т.б. тәрізді қызметтер саласының негізгі түрлерінің қолданыстағы стандарттарындағы сәйкессіздіктерді дереу анықтап, жою қажет.

Бұл мәселені шешу үшін салалық сарапшыларды тарта отырып, халықаралық стандарттарды ұлттық стандарттармен тезірек үйлестіру жөнінде шаралар қабылданады. Экспортқа бағдарланған қызметтер стандарттары тиісті сыртқы сұраныс нарығының стандарттарымен үйлесімделеді. Ұсынылатын қызметтердің сапасын тұрақты бақылау ережесі енгізіледі. Бұл ретте, қызметтерді өндірушілер ұсынылатын қызметтердің сапасын тұрақты бақылауды қамтамасыз ету үшін жеке аудиторлық компанияларды тарттырып, аудит жүргізу шараларын қабылдайды.

Экономиканың әрбір секторы қызметтер көрсету саласындағы стандарттарды енгізу қажеттігіне зерттеледі, бұл өндірушілерден халықаралық талаптарға сай болу мақсатында шаралар қабылдауды талап етеді.

Міндетті қолдану ретінде қызметтерге стандарттар енгізу мәселесі пысықталады.