31. Физиология ұғымы,бөлімдері

Адам терсінде заттың пішінін, қаттылығын, тегістігін, температурасын, ауырсынуды анықтайтын сезім рецепторлары бар. Жанасуды қабылдайтын рецепторлар көбінесе терінің сыртқы қабатында, саусақ пен алақан ұштарында кездеседі. Температураны сезетін рецепторлар суықты және ыстықты қабылдайды. Рецепторларда пайда болған қозу сипап сезу жүйкесі арқылы үлкен ми сыңарларының сипап сезу аймағына жеткізіледі.

Дәм сезу рецепторлары суда еріген химиялық заттардан тітіркеніп қозу тудырады. Суда ерімейтін құрғақ тағам дәмсіз сияқты болып көрінеді. Дәм сезу мүшесіне тілде, жұмсақ таңдайда, жұтқыншақтың артқы жағында орналасқан дәм сезу бүртіктері жатады. Дәм сезу бүртіктері төрт дәмді сезеді: тәттіні, ащыны, қышқылды, тұздың дәмін сезеді. Тілдің ұшындағы рецепторлар тәттіні, түп жағындағылар ащыны, бүйір бөліктеріндегілер қышқылды және тұздың дәмін сезеді. Қабылдағыштарда туған қозу рефлекторлық доға арқылы ми қыртысының дәм сезу аймағына жетеді.