Банкетті өткізуге тапсырысты қабылдау

Салтанатты жағдайларда қызмет көрсету.

Мейманханаларда қабылдаулар, мерейтойлар мен басқа да салтанаттар кезінде банкеттер ұйымдастырылады.

Банкеттер:

1.Банкет-фуршет.

2.Банкет-коктейль.

3.Банкет-шай.

4.Стол басында толық қызмет ету.

5.Аралас банкет.

- Тапсырысты қабылдау.

- Банкетті өткізуге дайындық.

- Қызмет көрсетуді ұйымдастыру.

Берілген тапсырысты дұрыс қабылдау, соның ішінде, барлық қажетті жағдаймен банкетті өткізу тәртібін банкетті жасаушы мен мейманхана әкімшілігі арасында нақтылап алуы керек. Ең алдымен, метрдотель тапсырыс берушіні банкет өтетін залмен таныстырып, столдардың орналастыру ретімен таныстырылады. Соның ішінде, құрметті қонақтарды орналастыру реті жөнінде келісіледі, сонымен қатар, оператив берілеме, жоқ па, осы мәселелер шешіледі, столдарды әсемдеуге гүл керек пе жоқ па, музыкалық сүйемелдеушілер, билейтін орын т.б. мәселелер келісіледі. Сонымен қатар, мейманхананың ережелері, қызмет көрсету тәртібі, келтірілген шығынның орны қалай толтырылатыны т.б. мәселелер шешіледі. Банкет өткізілетін күн, уақыты, салтанат өткізілетін орын, қатысатын адам саны, ас мәзірі, тапсырыстың құны шешіледі.

Тапсырыс арнайы белгіленген үлгі бойынша (1-қосымша)

«Тапсырыстар кітабына» тіркеледі. Алдымен келісілген келісім бойынша Тапсырыс беруші кассаға тапсырыстың 50% кем емес құнын ( бухгалтерия есептеген кіріс ордері бойынша) төлеп, түбегейлі алады. Кейін салтанат басталудан 2 күн бұрын метрдотель тапсырыс берушімен бірге тапсырыс –есеп жүргізеді.Ол бес дана жазылып, мейрамхана меңгерушісі бекітіп, кассаға тапсырылады.Қалған сомасы төленгеннен кейін «төленді» деген мөр қойылып, қолы қойылады.

1-дана: тапсырыс берушіге.

2-дана: кассирге.

3,4,5-дана: официанттар бригадиріне, асхананың материалдық жауапкершілік жүктелген меңгерушісіне, буфетшіге беріледі. Кіріс ордерінің нөмірі мен құны тапсырыс кітабының 9 графасына кіргізіледі.

Тапсырыс –есепке түзету енгізуге болмайды.Егер мейрамхана өзіне байланысты емес себептермен банкетті өткізе алмаса, салтанатты жақын жердегі басқа мейрамханада өткізу мәселесін шешеді де, тапсырыс берушіге бұл туралы 7 күн бұрын хабарлайды. Мейрамхана салтанатты белгілеген ережеге сәйкес музыкамен сүймелдеу жасайды. Бірақ тақырыптық кештерді өткізуде мейрамхана әкімшілігі концерт қоюшы мерекеге салтанаттық музыканың бөліміне өзгеріс енгізуге рұқсат етеді.