Зерттеу міндеті

Координатты деректер арасында әр түрлі байланыс болуы мүмкін, олар бір немесе әр түрлі типті нысандар арасында болады. Олардың негізгілерін қарастырайық.

Байланыстың бірінші типін қарапайым элементтерден күрделі нысаңдарды жасау үшін пайдаланады. Мысалы, доға және оның ұшын анықтайтын реттелген жиынтық арасындағы өзара байланыс; полигон және оның сызықтарын анықтайтын реттелген жиынтық арасындағы өзара байланыс.

Өзара байланыстың екінші типін — координаты нысандар бойынша анықтауға болады, Мысалы, екі сызықтың қиылысқан нүктесінің координаты “қиылысу” типі мен төртвалентті түйіннің өзара байланысын анықтайды.

Үшінші тип — “интеллектуалды”. Бұл координаттарды пайдаланып өзара байланысты анықтауға болмайды, ол үшін мәліметтерді енгізу кезінде арнайы сипаттама және семантика қабылдануы қажет. Мысалы, екі сызықтың қиылысуын анықтауға болады, бірақ ол сызықтар автожолдар болса, онда олар қиылысады ма, әлде ол жерде автожол айрығы екенін айтуға болмайды. Сондықтан бұл мәселені шешуде қосымша байланыс дерегі керек. Ал бұл байланысты есепке алу деректерді кодтаған кезде, демек, семантикалық үлгілеу кезінде жасалуы қажет.