Созылмалы гломерулонефрит

Созылмалы гломерулонефрит көбінесе өткір гломерулонефриттің асқынуы болып табылады. Қосымша бейімдеуші факторлар:

1. Баланың жалпы қорғаныш күштерінің төмендеуі.

2. Тамақтану мен күтімнің нашарлауы.

3. Баланың бүйрегінің туа пайда болған ақаулары.

Созылмалы гломеролунефриттің 3 клиникалық түрін атау аламыз:

Нефротикалық (ісікті), гематуриялық және аралас. Балаларда нефротикалық түрі жиірек байқалады.

Клиникалық белгілері: ұзақ уақытқа сақталатын ісіктер, тері қабаты ақсұр түсті (алебастр түсті), құрғақ, қолға салқын болып білінеді. Бала көп шөлдейді, тез шаршағыш, әлсіз. Өкпеге немесе плевра қуысына сұйықтық жиналған жағдайда ентігу, жөтел пайда болады. Тахикардия, бауыр ұлғаяды, асцит. Қанның анализінде: гипопротеинемия, гиперхолестеринемия, гиперазотемия. Зәрде – олигоурия, потеинурия, цилиндрурия. Ісіктер өте үлкен болғанмен, баланың жалпы жағдайы көп уақытқа дейін қанағаттанарлық, бүйрек жұмысы сақталады. Бірақ гиперазотемия қатты жоғарылап, 3-6 айға дейін сақталса, бүйректің сүзгі қызметі 25% төмендесе, созылмалы бүйрек жетіспеушілігінің, яғни уремияның белгілері пайда болады – бас ауыру, әлсіреу; бей-жай күйге түсу; жүрегі айнып құсу; тері қабаты құрғап, қышыну; құрысып-тырысу; аузынан аммиак иісі шығу, ауыр жағдайларда дем алысының патологиялық өзгерістері (Чейн-Стокс, Куссмауль дем алысы) пайда болу; есін жоғалту, елірмелеу; олиго немесе анурия; гипоизостенурия. Науқас балаға қажетті ем жүргізілмесе, уремиялық комадан, жүрек жетіспеушілігінен, миға қан құйылудан өліп кетеді.

Емдеу.

1. Аурудың қайталану кезеңінде төсек режимі тағайындалады.

2. Диета-белок мөлшерін шектеу (22-25% төмен), бірақ энергиясы жоғары тамақ беру – Джордано-Джиованетти диетасы.

3. Гиперазотемияны азайту үшін және бүйректің сүзгі қызметін жақсарту мақсатымен тәулігіне –фуросемид, аллопуринол 0,3-0,4 г тағайындалады.

4. Бүйрек жетіспеушілігінде гемодиализ:

а) интракорпоральды диализ – баланың асқазанын күніге 5% сода ерітіндісімен жуу, ішекті жуу, сифонды клизма жасау.

б) экстракорпоральды диализ – жасанды бүйрек аппараты арқылы өткізіледі.