Тәртіпсіздік пен құқық бұзушылықтарға қоғамда «мүлдем төзбеушілік» қағидатын қамтамасыз ету жөніндегі

1. 
   Кіріспе
   
2. 
   Ағымдағы ахуалды талдау.
   
3. 
   Мақсаттар мен міндеттер.
   
4. 
   Негізгі бағыттар.
   
5. 
   Күтілетін нәтижелер
   

Тәртіпсіздік пен құқық бұзушылықтарға «мүлдем төзбеушілік» қағидатын қамтамасыз ету жөніндегі 2015-2016 жылдарға арналған ұйымдастырушылық және практикалық іс-шаралар жоспары (бұдан әрі - Жоспар) Қазақстан Республикасының Президенті – Ұлт Көшбасшысы Нұрсұлтан Назарбаевтың «Қазақстан-2050»: Стратегиясы қалыптасқан мемлекеттің жаңа саяси бағыты» атты 2012 жылғы 14 желтоқсандағы Жолдауын іске асыру бойынша кешенді жұмысты жалғастыру мақсатында әзірленген.

2014 жылы басқа да мемлекеттік органдардың (білім және ғылым, денсаулық сақтау, еңбек және әлеуметтік қорғау, мәдениет және ақпарат министрліктерімен) келісімі бойынша Ішкі істер министрлігімен әзірленген Тәртіпсіздік пен құқық бұзушылықтарға «мүлдем төзбеушілік» қағидатын қамтамасыз ету жөніндегі 2014 жылға арналған ұйымдастырушылық және практикалық іс-шаралар жоспарының мерзімі аяқталды.

Сонымен қатар, қоғамда құқық бұзушылықтар мен тәртіпсіздіктерге «мүлдем төзбеушілікті» қалыптастыру, 2014-2015 жылдарға арналған құқық қорғау органдары қызметкерлерінің оң имиджін қалыптастыру бойынша медиа-жоспармен көзделген іс-шаралар аяқталды (Қазақстан Республикасының Мәдениет және ақпарат министрімен бекітілген).

Осыған байланысты, Іс-шаралар жоспарын әзірлеу және іске асыру ұсақ құқық бұзушылықтардың алдын алуға кешенді және жүйелі тәсілді жалғастыру және оларды жасағаны үшін жазалаудан құтылмаушылық қағидатын қамтамасыз ету қажеттілігінен туындайды.

Жоспармен қоғамдық қарым-қатынастың барлық салаларын қамту және қоғамда ұсақ бұзушылықтар мен мәдениетсіздікке жалпы төзбеушілікті, азаматтардың құқықтық танымы мен мәдениетін қалыптастыруда жаңа импульс беру жоспарланған.
Ағымдағы жай-күйді талдау
Мемлекет басшысының тәріпсіздік пен құқық бұзушылықтарға қоғамда «мүлдем төзбеушілік» атмосферасын қалыптастыру жөніндегі тапсырмасын орындау шеңберінде қабылданып жатқан шаралар мүдделі мемлекеттік органдардың тарапынан және азаматтық қоғам институттарының қатысуымен еліміздегі қылмыстылықтың жай-күйіне оң ықпал етуде.

Осылайша 2014 жылдың 12 айында республика бойынша жалпы қылмыс санының 4,4%-ға, оның ішінде аса ауыр қылмыстың 17,5%-ға және ауыр түрлерінің 16,6%-ға төмендегені байқалады. Қоғамдық орындарда (1%), көшелерде (10,5%), «мас күйде» (4,2%), рецидивті (10,5%), сондай-ақ кәмелетке толмағандар арасында (16,8%) және атыс қаруын пайдалана отырып жасалған (21,5%) қылмыс азайған.