Тақырыбы: Керамзитті бетон Орындаған: стр-21-1м тобының магистранты Ж. Демесбаева Қабылдаған

3.1 Алу тәсілдері

3.1.1 Керамзитке арналған сазды шикізаттың қайнау қабатты пештерде қабынуы

Соңғы уақыттарда өнеркәсіптің кейбір салаларында, әсіресе түсті металлургияда қайнау қабатында материалдарды күйдіру әдісі дами бастады. Сонымен қатар, осы әдіс цементті клинкер, әктас және жеңіл бетондардың жаңа толтырғыштары – перлит өндірісінде табысты түрде тәжірибеден өткізілді. Қайнау қабаты – тиісті дәндер ірілігіне ие материалдың қабаты арқылы қозғалыссыздықты жойып, сұйықтықтың қайнауына ұқсас қарқынды турбулентті қозғалыс тудыруға жеткілікті жылдамдықта газ ағыны өткен кезде пайда болады. Осындай жағдайда газ ағынының жылдамдығы дәндер массасы сының жоғалуы кезіндегі (қалықтау жылдамдығы) минималды жылдамдық пен аппараттың жұмысшы камерасынан шығарылатын газ жылдамдығы (қалыпты жағдай) арасындағы аралық жылдамдық болуы тиіс.

Қайнау қабатының ішінде қатты, сұық және газтәрізді отынды жағуға немесе күйдіру үшін жылу тасымалдағышты сырттан беруге болады. Күйдірілетін материал мен жылу тасымалдағыш дәндердің жанасу беті қайнау қабатында минималды мәндеріне жетеді, осының нәтижесінде жылу беру коэффициенті аса жоғары көрсеткіштерімен – 209 Вт/м (2 с) ерекшеленеді.

Жанасу бетінің жоғарлауы жылу және массасы алмасудың үдеуіне септігін тигізеді, ал материал бөлшектерін үздіксіз араластыру қабаттардағы температураны түзетуді қамтамасыз етеді, осылайша үрдістер жылдам және үлкен емесе жұмыс көемінде іске асырылады. Қайнау қабатындағы үрдістер оңай реттеледі және автоматтандыруға бейімдеуге келеді. Тәжірибелер көрсеткендей, қайнау қабатында әртүрлі ылғалдылықтағы үлестік миллиметрден бастап 10 мм дейінгі өлшемдерге ие қатты материалдар дәндерін өңдеуге болады, себебі қайнау қабатына келіп түсетін ылғал бірден буланып кетеді.

Қайнау қабаты әдісінің артықшылығымен қатар, бірнеше кемшіліктері де бар. Мысалы, қабаттағы бөлшектердің қарқынды қозғалысы және олардың өзара орын ауыстыруы – қандай да бір уақыт аралығындағы бөлшектің орналасуын анықтауға мүмкіндік бермейді. Бұл дегеніміз камераға келіп түсетін бөлшектердің жаңа порциясы уақытынан ерте шығуы мүмкін, немесе аса қызып кетуі мүмкін, ал бұл жайт технологиялық үрдістер реті үшін мүмкін емес. Әдістің тағы бір кемшілігі – бөлшектердің өзара соқтығысуы және камера қабырғасына соқтығысуы жағдайына байланысты, осылайша материалдың қажалуы және шаңның жиналуы, сонымен қатар, аппараттың уақытынан ерте тозуы орын алады [6].

Қайнау қабатында күйдіруге арналған пештер әртүрлі констукцияға ие. Олар бір және көпкамералы болып бөлінеді. Әрбір пештер камерадан, күмбезден, оттықтан, матриалды жүктеу және шығару құрылғысынан және газарнасынан құралады.

Материалды жүктеу және шығару орны – пештің үстінде, астында немесе бүйір беттерінде, бірақ бір-біріне қарама-қарсы емес жағдайда орналасуы мүмкін. Пештің аса маңызды бөлігіне оттық жатады, ол қабаттың төменгі көлденең қимасы бойымен пешке келіп түсетін газды (ауаны) біртекті таратуға арналған құрылғы түрінде болады. Пештің әрбір жұмысшы камерасы көлденең қимада шаршы, тікбұрыш, дөңгелек түрінде және т.б. орындалуы мүмкін.