Жоғары жиіліктегі электр өрісінде керамзитке арналған сазды шикізатты қабындыру

3.1.4 Жоғары жиіліктегі электр өрісінде керамзитке арналған сазды шикізатты қабындыру

Қайнау қабаты әдісін қолдану - айналмалы пештерде күйдіру арқылы керамзитті өндірудің дәстүрлі әдістерінің кейбір кемшіліктерін жоюға мүмкіндік берді, алайда, олардың көбісі, әсіресе отын жағудың тиімсіздігіне және материал бөлшектеріне жылуды әкелуге негізделген кемшіліктері шешусіз қала берді.

Әртүрлі өлшемдер мен формаларға ие сазды түйіршіктер жекелеп немесе қабаттарда күйдірудің әртүрлі кезеңінде әртүрлі ылғалдылыққа, тығыздыққа, жылу өткізгіштікке және темпераура өтімділікке ие екені анықталды. Сол себепті олар бірқалыпсыз қыздырылып, қабынады, осылайша кейбір бөлшектер алдын –ала қызып, кейбірі шала қыздырылатын болды, ал мұндай жолмен алынған керамзиттер әртүрлі аралықтағы үйінді тығыздық пен беріктілікке ие болды.

Тодес О. М., Гринбаум М. Б., Станякин В. М., Черемский А. Л. және басқалар – жоғарыда көрсетілген кемшіліктерден айтарлықтай дәрежеде арылған жоғары жиіліктегі электр өрісінде күйдіру жолымен керамзитті алудың жаңа әдісін ұсынды. Әдіс сазды материал дәндерін ішкі диэлектрлік қыздыру үшін жоғары жиілікті тоқты пайдаланып қабыну температурасына дейін жоғарлатып, жыныстүзілудің температуралық аралығында экзотермиялық реакцияларды қамтамасыз етіп жылу бөлуге негізделген.

Жоғары жиілікті өрісте поляризациялаудың сазды материалға әсері – газ бөлу реакциясын қарқындандыру әкеп соғады, осылайша қабынуды ынталандыратын қосымша қоспаларды енгізу қажеті болмайды.

Жылулық жоғары жиілікті соққы газбөліну реакциясын жоғары температуралар аумағына ығыстыруға себеп болады, мұнда материал қабыну тұтқырлығы үшін тиімді пиропластикалық күйге ауысады. Диэлектрлік қыздырудың артықшылығы – оның іріктемелігі, ол күйдіру үрдісін тұрақты және тығыздыққа, форма өлшеміне, жылу өтімділік пен материал дәндерінің температура өтімділігіне тәуелсіз етеді.

Шығарылатын газдың жылуын тиімді пайдалана отырып, қайнау қабатында жоғары жиілікті қыздырудан және екі жылжымалы қабатта керамзитті өндіруді үйлестіретін қондырғының конструкциялық рәсімделуі 11-суретте берілген.

Түйіршіктелген материал (11суретті қараңыз) бункерден 1 қоректендіргішпен 2 жалғама құбыр 3 арқылы қозғалмалы қабатқа 4 беріледі. Осы қабатта материал жалғама құбыр13 арқылы бағытталатын шығарылатын газдар есебінен қыздырылады. Кейіннен материал тор тесіктері 5 арқылы реттегіш шибермен 12 қайнау қабатының 6 торына 10 жеткізіледі. Бөлшектері жалған сұйық жағдайда қамтамасыз етілетін қайнау қабаты жоғары жиілікті токтар көмегімен жоғары жиілікті конденсатор пластинасы арқылы 11 қабыну температурасына дейін қыздырылады, және қабынған материал жалғама құбыр 7 арқылы қабатқа 9 шығарылады, мұнда ол өрмектәрізді таратқыштан 8 келіп түсетін ауа арқылы салқындатылады, және транспортерге шығарылады.