-бап. Есепке жатқызу әдісімен импортталатын тауарларға қосылған құн салығын төлеу

1. Тауарларды ішкі тұтыну үшін шығарудың кедендік рәсімімен орналастырылатын мынадай тауарлар:

1) жабдықтар;

2) ауыл шаруашылығы техникасы;

3) автомобиль көлігінің жылжымалы жүк құрамы;

4) тікұшақтар мен ұшақтар;

5) теміржол локомотивтері мен вагондар;

6) теңіз кемелері;

7) қосалқы бөлшектер;

8) пестицидтер (улы химикаттар);

9) асыл тұқымды малдың барлық түрлерi мен қолдан ұрықтандыруға арналған жабдықтар;

10) тірі ірі қара мал бойынша қосылған құн салығын төлеушілер қосылған құн салығын осы бапта белгіленген тәртіппен есепке жатқызу әдісімен төлейді.

Көрсетілген тауарлардың тізбесін және оны қалыптастыру тәртібін салық саясаты саласындағы уәкілетті орган айқындайды.

Бұл ретте аталған тізбеге өндірісі Қазақстан Республикасында жоқ немесе Қазақстан Республикасының қажеттіліктерін жаппайтын тауарлар енгізіледі.

2. Осы баптың есепке жатқызу әдісімен қосылған құн салығын төлеу бөлігіндегі ережелері қосылған құн салығын төлеуші әкелетін тауарларға қатысты қолданылады:

1) меншікке сатып алу мақсатында және одан әрі өткізуге арналмаған шаруашылық жүргізу немесе жедел басқару;

2) халықаралық қаржылық лизингке беруді қоспағанда, қаржылық лизингке беру мақсатында;

3) осы баптың 1-тармағы 7) тармақшасында көрсетілген, агроөнеркәсіптік кешенді дамыту саласындағы уәкілетті орган мемлекеттік жоспарлау жөніндегі уәкілетті органмен және бюджетке салықтар мен төлемдердің түсуін қамтамасыз ету саласындағы басшылықты жүзеге асыратын уәкілетті органмен келісу бойынша белгілеген тізбеге қамтылған ауыл шаруашылығы техникасын жасауда пайдаланылатын.

3. Осы баптың 1-тармағында көрсетілген тауарларды ішкі тұтыну үшін шығару белгіленген тәртіппен кедендік төлемдер мен акцизделетін тауарлар бойынша акциздер төленген жағдайда қосылған құн салығын нақты төлемей жүргізіледі.

4. Есепке жатқызу әдісімен төленген қосылған құн салығының сомасы қосылған құн салығы бойынша декларацияда есептеу мен есепке жатқызуда Қазақстан Республикасының салық заңнамасында белгіленген тәртіппен бір мезгілде көрсетіледі.

Қазақстан Республикасының аумағында ішкі тұтыну үшін тауарлар шығарылған күннен бастап бес жыл ішінде осы баптың 1) және 2) тармақшаларында белгіленген талаптар бұзылған жағдайда, импортталатын тауарларға қосылған құн салығы Еуразиялық экономикалық одақтың және (немесе) Қазақстан Республикасының заңнамасында айқындалған тәртіппен және мөлшерде, импортталатын тауарлар қосылған құн салығын төлеу үшін белгіленген мерзімнен бастап өсімпұл есептеле отырып төлеуге жатады.

Бұл ретте осы бапта белгіленген:

1) осы баптың 1-тармағы 9) және 10) тармақшаларында көрсетілген жануарларды мәжбүрлеп сою,

немесе осындай жануарлардың кемуі (қырылуы)

агроөнеркәсіптік кешенді дамыту саласындағы уәкілетті орган бекіткен табиғи кему нормалары шегінде нәтижесінде алынған ет және ет өнімдерін өткізу;

2) бұрын әкелінген тауарларды кері экспорттау рәсімдеріне сәйкес шығару;

3) тауарлар шығарылғаннан кейін қосылған құн салығы бойынша тіркеу есебінен алып тастау талаптары бұзушылық болып табылмайды.

5. Импортталатын тауарларға қосылған құн салығы есепке жатқызу әдісі арқылы төленген тауарларды ішкі тұтыну үшін шығарылған күннен бастап бес жыл өткен соң өткізу импортталатын тауарларға қосылған құн салығы салынуға жатпайды.

Осы тармақтың ережелері импорттау кезінде қосылған құн салығының сомасы есепке жатқызу әдісімен төленген, өзінің өндірістік мұқтаждықтары үшін 2008 жылғы 31 желтоқсанды қоса алғанда әкелінген тауарларды 2008 жылғы 31 желтоқсаннан кейін өткізу кезінде де қолданылады.

6. Осы баптың 1-тармағында көрсетілген, қосылған құн салығы есепке жатқызу әдісімен төленген тауарларды өткізу бойынша айналымдар қаржылық лизингке берілген кезде қосылған құн салығынан босатылады.

Осы тармақтың ережелері қосылған құн салығының сомасы есепке жатқызу әдісімен төленген, өзінің өндірістік мұқтаждықтары үшін 2008 жылғы 31 желтоқсанды қоса алғанда әкелінген тауарларды 2008 жылғы 31 желтоқсаннан кейін қаржылық лизингке беру кезінде де қолданылады.
427-бап. Қазақстан Республикасының аумағына Еуразиялық экономикалық одаққа мүше мемлекеттердің аумағынан импортталатын тауарларға қосылған құн салығын төлеу 2022 жылға дейін қолданылады

1. Қазақстан Республикасының аумағына Еуразиялық экономикалық одаққа мүше мемлекеттердің аумағынан импортталатын мына тауарлар:

1) жабдықтар;

2) ауыл шаруашылығы техникасы;

3) автомобиль көлігінің жылжымалы жүк құрамы;

4) тікұшақтар мен ұшақтар;

5) теміржол локомотивтері мен вагондар;

6) теңіз кемелері;

7) қосалқы бөлшектер;

8) пестицидтер (улы химикаттар);

9) асыл тұқымды малдың барлық түрлерi мен қолдан ұрықтандыруға арналған жабдықтар;

10) тірі ірі қара мал бойынша қосылған құн салығын төлеушілер қосылған құн салығын осы бапта белгіленген тәртіппен есепке жатқызу әдісімен төлейді.

Көрсетілген тауарлардың тізбесін және оны қалыптастыру тәртібін салық саясаты саласындағы уәкілетті орган айқындайды.

Бұл ретте аталған тізбе өндірісі Қазақстан Республикасында жоқ немесе Қазақстан Республикасының қажеттіліктерін жаппайтын тауарларға енгізіледі.

2. Осы баптың есепке жатқызу әдісімен қосылған құн салығын төлеу бөлігіндегі ережелері қосылған құн салығын төлеуші әкелетін тауарларға қатысты қолданылады:

1) меншікке сатып алу мақсатында және одан әрі өткізуге арналмаған шаруашылық жүргізу немесе жедел басқару;

2) халықаралық қаржылық лизингке беруді қоспағанда, қаржылық лизингке беру мақсатында;

3) осы баптың 1-тармағы 7) тармақшасында көрсетілген, агроөнеркәсіптік кешенді дамыту саласындағы уәкілетті орган мемлекеттік жоспарлау жөніндегі уәкілетті органмен және бюджетке салықтар мен төлемдердің түсуін қамтамасыз ету саласындағы басшылықты жүзеге асыратын уәкілетті органмен келісу бойынша белгілеген тізбеге қамтылған ауыл шаруашылығы техникасын жасауда пайдаланылатын.

3. Қосылған құн салығын төлеуші импортталған тауарлар бойынша жанама салықтар бойынша декларациямен бір мезгілде мемлекеттік кірістер органына:

1) Салық кодексінің 276-20-бабының 3-тармағында көрсетілген құжаттар;

2) тауарларды Еуразиялық экономикалық одақтың сыртқы экономикалық қызметінің тауар номенклатурасында нақты тауар кіші қосалқы позициясына жатқызуға мүмкіндік беретін тауарлардың негізгі техникалық, коммерциялық сипаттамаларын қамтитын құжаттарды табыс етеді. Қажет болғанда фотосурет, сызбалар, бұйымдардың паспорты, тауарлардың сынамалары мен үлгілері, басқа да құжаттар табыс етіледі.

4. Осы баптың 3-тармағы 2) тармақшасына сәйкес табыс етілген құжаттар бойынша мемлекеттік кірістер органдары Қазақстан Республикасының аумағына тауар Еуразиялық экономикалық одаққа мүше мемлекет аумағынан әкелінетін тауарға Еуразиялық экономикалық одақтың Сыртқы экономикалық қызметтердің тауар номенклатурасы коды бойынша қорытынды уәкілетті орган белгілеген нысан мен тәртіп бойынша жасалады.

5. Осы баптың 1-тармағында көрсетілген тауарларды әкелу акцизделетін тауарлар бойынша акциздер белгіленген тәртіппен төленген жағдайда қосылған құн салығы нақты төленбей жүргізіледі.

6. Есепке жатқызу әдісімен төленген қосылған құн салығының сомасы Қазақстан Республикасының салық заңнамасында белгіленген тәртіппен қосылған құн салығы жөніндегі декларацияда бір уақытта есептеу мен есепке жатқызуда көрініс табады.

Қазақстан Республикасының аумағына тауарлар әкелінген күннен бастап бес жыл ішінде осы баптың 1) және 2) тармақшаларында белгіленген талаптар бұзылған жағдайда, әкелінетін тауарларға қосылған құн салығы Қазақстан Республикасының салық заңнамасында айқындалған тәртіппен және мөлшерде, тауарларды әкелу кезінде қосылған құн салығын төлеу үшін белгіленген мерзімнен бастап өсімпұл есептеле отырып төлеуге жатады.

Бұл ретте:

1) осы баптың бірінші тармағының 9) және 10) тармақшаларында көрсетілген малды мәжбүрлі жағдайда сою нәтижесінде алынған ет және ет өнімдерін өткізу, немесе агроөнеркәсіптік кешенді дамыту саласындағы уәкілетті орган бекіткен табиғи кему нормаларының шегінде осындай малдардың кемуі (өлуі);

2) Салық кодексінің 276-6-бабына сәйкес айқындалған импортталған тауарларды есепке алу күнінен кейін қосылған құн салығы бойынша тіркеу есебінен алып тастау осы бапта белгіленген талаптарды бұзушылық болып табылмайды.

7. Осы баптың ережелері лизинг шартында көзделген лизингтік төлем сомасына сай келетін қосылған құн салығының сомасы бөлігінде сыйақы есептемегенде, лизинг шарттары (келісімшарттары) бойынша Еуразиялық экономикалық одаққа мүше мемлекеттер аумағынан Қазақстан Республикасының аумағына әкелінген импортталған тауарларға да қолданылады.
49-ТАРАУ. ҚОСЫЛҒАН ҚҰН САЛЫҒЫ БОЙЫНША БЮДЖЕТПЕН ӨЗАРА ҚАТЫНАС
428-бап. Есепке жатқызылатын салық сомасының есептi салық кезеңi үшін есептелген салық сомасынан асып түсу

1. Егер осы тарауда өзгеше көзделмесе, есепке жатқызылатын қосылған құн салығы сомасының есептi салық кезеңiнiң аяғында декларация бойынша өсу қорытындысымен қалыптасқан есепке жазылған салық сомасынан асып кетуi (бұдан әрi – қосылған құн салығының асып кетуi) қосылған құн салығы бойынша алдағы төлемдер есебіне жатқызылады.

Қосылған құн салығының асып кетуі импортталаттын тауарлар және (немесе) бейрезиденттен жұмыстар, көрсетілетін қызметтер сатып алу кезінде қосылған құн салығын төлеу есебіне есептелмейді.

2. Нөлдік мөлшерлеме бойынша салық салынатын айналымдар жасалған салық кезеңінің соңында қалыптасқан қосылған құн салығы сомасының асып кетуі, егер бір мезгілде мынадай шарттар орындалатын болса осы Кодекстің 273-бабында белгіленген тәртіппен:

1) қосылған құн салығын төлеуші нөлдік мөлшерлеме бойынша салық салынатын тауарларды, жұмыстарды, көрсетілетін қызметтерді тұрақты түрде өткізуді жүзеге асырса;

2) тауарларды, жұмыстарды, көрсетілетін қызметтерді тұрақты түрде өткізу жүзеге асырылған салық кезеңінде нөлдік мөлшерлеме бойынша салық салынатын өткізу бойынша айналым өткізу бойынша салық салынатын жалпы айналымның кемінде 70 пайызын құрайтын болса, қайтарылуға жатады.

Осы тармақтың мақсатында нөлдік мөлшерлеме бойынша салық салынатын тауарларды, жұмыстарды, көрсетілетін қызметтерді тұрақты өткізуге әрбір тоқсанда бір рет кезекті үш салық кезеңі ішінде жүзеге асырылатын нөлдік мөлшерлеме бойынша салық салынатын тауарларды өткізу, жұмыстарды орындау, қызметтер көрсету жатады. Бұл ретте тұрақты өткізу деп көрсетілген әрбір салық кезеңінде осындай өткізу танылады.

3. Осы баптың 2-тармағында белгіленген талаптар орындалмаған жағдайда қосылған құн салығының асып кетуі қосылған құн салығын төлеушіге нөлдік мөлшерлеме бойынша салық салынатын айналым мақсаттары үшін пайдаланылған тауарлар (жұмыстар, көрсетілетін қызметтер) бойынша есепке жатқызылған салық сомасы бөлігінде қайтарылады.

Халықаралық тасымалдауды жүзеге асыру кезінде қайтаруға жататын қосылған құн салығының асып кету сомасы қосылған құн салығы бойынша декларацияда қосылған құн салығының асып кетуін қайтару туралы талап ұсынылған салық кезеңі үшін есепке жатқызылған қосылған құн салығының сомасына тасымалдаудың жалпы көлемінде халықаралық тасымалдаудың физикалық көлемінің салыстырмалы салмағын қолдану арқылы есептеледі.

4. Нөлдік мөлшерлеме бойынша салық салынатын айналымдар мақсатында пайдаланылмайтын тауарларды, жұмыстарды, көрсетілетін қызметтерді сатып алуға байланысты түзілген қосылған құн салығының сомасының асып кетуін қайтару осы Кодекстің 241-бабына сәйкес бейрезиденттен жұмыстарды, көрсетілетін қызметтерді сатып алу кезінде төленген, есепке жатқызылған қосылған құн салығының сомасы шегінде жүргізіледі.

5. Осы Кодекстің 274-бабы 2-тармағында көрсетілген қосылған құн салығын төлеуші қосылған құн салығының асып кетуін қайтарудың оңайлатылған тәртібі құқығын пайдаланбаған жағдайда, Салық кодексінің 273-бабына сәйкес қосылған құн салығының асып кетуін қайтару тәртібін қолдаунға құқылы.

6. 2, 3 және 3-1-тармақтарының ережелері қайтарылуы осы Кодекстің 273-1, 273-2, 274-баптарына сәйкес жүзеге асырылатын қосылған құн салығының асып кету сомасына қолданылмайды.

7. Бюджеттен қайтарылуға жататын қосылған құн салығы сомасының асып кетуін айқындау кезінде:

агроөнеркәсіптік кешен саласындағы дайындаушы ұйым жазып берген шот-фактуралар;

салық міндеттемесін орындау есебіне заттай нысанда берілетін пайдалы қазбалар бойынша тауарлар, жұмыстар, көрсетілетін қызметтер (оның ішінде мұндай пайдалы қазбаларды өткізуге байланысты тауарлар, жұмыстар, көрсетілетін қызметтер) бойынша бойынша есепке жатқызылған қосылған құн салығы сомасы ескерілмейді.

8. Салық органының шешімі бойынша қосылған құн салығы бойынша салық бойынша тіркеу есебінен шығарылған салық төлеушілер бойынша қосылған құн салығының асып кетуі қосылған құн салығы бойынша тіркеу есебінен шығарылған күннен кейін осы Кодекстің 46-бабында белгіленген талап қою мерзімі өткен соң есептен шығарылуға жатады.

Салық төлеушінің жеке шотынан қосылған құн салығының асып кетуін есептен шығару уәкілетті органмен белгіленген тәртіпте жүзеге асырылады.

9. Салық төлеушінің қызметінің тоқтатылуына байланысты осы Кодекстің 230-бабы 2-тармағында көрсетілген талаптар орындалғаннан кейін қалыптастқан қосылған құн салығының асып кетуі салық төлеушінің қызметінің тоқтатылуына байланысты тарату декларациясы берілген салық кезеңінде қосылған құн салығының асып кетуі қалыптасқан мөлшерде азайтылуға жатады.

10. Асып кеткен қосылған құн салығын қайтару қағидаларын Қазақстан Республикасының Үкіметі бекітеді.

Бюджеттен қайтарылуға:

1) осы Кодекстің 275-бабында белгіленген тәртіппен грант қаражаты есебінен сатып алынған тауарларды, жұмыстарды, көрсетілетін қызметтерді берушілерге төленген;

2) Қазақстан Республикасында аккредиттелген дипломатиялық және оларға теңестірілген шет мемлекеттердің өкілдіктері, шет мемлекеттердің консулдық мекемелері, дипломатиялық және осы өкілдіктердің әкімшілік-техникалық персоналына жататын адамдар, олармен бірге тұратын отбасы мүшелерін қоса алғанда, консулдық лауазымды адамдар, консулдық қызметшілер – олармен бірге тұратын отбасы мүшелерін қоса алғанда, Қазақстан Республикасының аумағында сатып алған тауарларды, жұмыстарды, қызмет көрсетулерді ұсынушыларға осы Кодекстің 276-бабында белгіленген тәртіппен төлеген;