Стенд – ап: (автор жүріп сөйлейді)

Фахд ибн Абдель Азиз әл- Сауд

Жоғары мәртебелі Қазақстан Республикасының Президенті Нұрсұлтан Назарбаев, тыныштыққа, Алланың мейірімі мен игілігінде болыңыз. Жоғары мәртебелі Сізді және әлемдік дәстүрлі діндер съезіне қатысушыларды құдіретті күшті Алла табыс пен прогресске бөлеуін сұраймын”.

Сауд Арабиясының Королі, Фахд ибн Абдель Азиз әл- Сауд.

Титр: Джордж Буш

3. «Мен Сізді және Қазақстан халқын осы маңызды шараны ұйымдастыруларыңызбен құттықтаймын. Өзі де көпұлтты және көпконфессиялы болып табылатын Құрама Штаттар үшін мұндай кездесулер демократияның негізін қалайтын төзімділік пен құрмет секілді құндылықтарды дамыту жолында Орталық Азиядағы біздің достарымызбен ынтымақтастықтың маңызды екендігін атап көрсетеді”.

Джордж Буш, Америка Құрама Штаттары Президенті.
Титр: Хосни Мубарак

Египет Араб Республикасының Президенті

4. “Мен осынау съезді ұйымдастыруға бастаған шынайы күш-жігер мен ізгі ниеттерді құттықтаймын және жұмсалған күш-жігер табысқа жеткізді, ал осынау үлкен діни форум барша адамзатқа, біздің ортақ дүниедегі бейбітшілік пен тұрақтылық игілігі үшін барлық діндердің жақындасуы мен ынтымақтастығына жәрдемдеседі деп сенемін”.

Хосни Мубарак, Египет Араб Республикасының Президенті.
Титр: Тони Блэр

Ұлыбритания Премьер-Министрі

5. “Съездің мақсаттары мен міндеттері болып әлемдік діндер арасындағы ашық үнқатысу мен өзара түсіністіктің тұрақты маңыздылығы танылады. Мен Съезд жұмысына табыс тілеймін және ол бұрынғыдан да тығыз топтаса түсуге жағдай жасап, болашақ ынтымақтастыққа ойластырылған бағдар береді деп үміттенемін”.

Тони Блэр, Ұлыбритания Премьер-Министрі.

…Сіздерді Қазақстан жерінде құттықтап, қарсы ала отырып, мен Сіздерді бүгін бас қосып жиналуға біздің шақыруымызға ден қойғандарыңыз үшін шынайы алғысымды білдіргім келеді.

…Мен сондай-ақ, әлемдік және дәстүрлі-ұлттық діндер съезін өткізу идеясына бей-жай қалмаған, әрі бізге өз кеңестерімен нәрлендірген, ізгі ниетті барлық адамдарға алғыс сөздерімді арнағым келеді.

…Дәл осы жерде ешбір жекелеген дін белгілі бір ұлт пен нәсіл үшін міндетті болуы шарт еместігі дәлелденді.

…Аталған аймақта ғана сенімдер мен рухани танымдардың өзара өріліп, тамырласып кеткендіктері сонша, ақырында олардың генетикалық туыстығы хақында ойлар туа бастады. Буддизмнің алғашқы жазбаша іздері Шығыс Түркістанда, қайың қабағына қшарошти әліпбиімен жазылған әйгілі «Джармапада» қолжазбасы түрінде табылды. Ал, «Бугут жазбаларында» түріктер арасында Буддалық сангхи дәстүрі болғандығы туралы айтылып жатыр. Кіндік Азия халықтарының діни таным-сенімдеріне бейімділігі туралы мұндай мысалдар жетерлік.

“Бәйтерек” монументі алдында съездге келген дін өкілдері сөйлесіп тұр. Пікір алысу көріністерінен понорама.

…Астана болса, осынау конфессияаралық ынтымақ ырысын жалғастырды.

( ІІІ-ші диктор) (араб тілінен ілеспе қазақша аударым)

Титр: Шейх Мұхаммад Саид Тантауи.

…Аллаға, Жаратушы Күллі әлемге мадақ! Біздің пайғамбарларымызға Алланың нұры мен шапағаты жаусын! Президент Нұрсұлтан Назарбаев, жаратушы осы дүниеде бәрімізді бақытқа бөлеуін тілеймін.

... Құдіретті Алланың даналығына сай барлық адамдар бір Ата мен бір Анадан жаралған. Құранның осы ақиқатты құптайтын аятарының бірінде, «О адамдар, бір жаннан жаратқан Жаратушының өзінің қаһында ізгі ниетті болыңдар», - делінген.

…Бұл – сындарлы үнқатысу. Парасатты және ізгі ниетті адамдардың арасындағы үнқатысу. Бұл үнқатысу ақиқатқа негізделіп, жалғандықтан аулақ тұруға тиіс.

Парасатты адамдардың әділеттіктің, адалдықтың, бейбітшіліктің, тыныштық пен қауіпсіздіктің игілік екені, ал қанаушылықтың, сатқындықтың, кісі өлтірудің, дұшпандық пен лаңкестіктің зұлымдық екені жайындағы пікірі ортақ. Ақиқатқа бастаған үнқатысуды Алланың өзі құптайды және ол игілікті адамдардың арасында таратуға қол жеткізеді.

Съезд мақсаты – діндердің үйлесімді қатар өмір сүруін дамыту, зорлық пен жауыздықты ауыздықтау.

Титр: Цзямуян Лосанцзюмэй Туданьцюэцзинима

Бүкілқытайлық буддистер қоғамы төрағасының орынбасары

… Бүгінде зорлық пен жауыздық көп ретте дін жамылғысымен жасалады. Сондықтан да бұл әлемнің діни жетекшілеріне алаңдаушылық туғызады.

Буддизмде айтылатындай, дүниеде болып жатқан барлық нәрселердің өз себебі бар.

Ірі планда дін өкілдері кезекпен көрсетіледі.

…Соғыс өрті әлі де адамдарды қайғы мен қасіретке түсіруде. Ол миллиондаған қытай буддистерінің алаңдаушылығын туындатуда, олар барлық діндердің “өлтірме” деген негізгі өсиетіне сенеді. Жер бетінде бейбітшілікті сақтау – барлық діндердің негізгі миссиясы.

…Бұл миссия адам мен қоғамның бақытын қамтамасыз ету секілді шынайы құндылықты бейнелейді.

Титр: Шантилал Карамши Сомайя

Дұшпандық пен озбырлықтың сүйіспеншілік дауысын басып тастайтыны соншалық, пайғамбарлардың, әулиелер мен ойшылдардың үндері қантөгістермен тұншықтырылып отырған. Ғылым қирату құралына айналды, одан діннің көмегі арқылы ғана арылуға болады. Біз өзара қарым-қатынастарымызды съездегі пікір сайыстар негізінде құруға тиіспіз. Сонда ғана түрлі діндер жетекшілері арасындағы өзара байланыстардың тұрақты механизмі жұмыс істейтін болады.

Титр: Тумээхуу Булган

Адамзат қауымдастығы тарихында шешуші шепке жетті. Бұрын діни қауымдастықтар бір-біріне жат субъектілер ретінде қарайтын. Қазіргі кезде, әсіресе жаһандану дәуірінде қауымдастықтар өзара тәуелділікте өмір сүруі қажеттігін түйсіне бастады. Әр діннің мағынасы жалғыз, ол адамға бақыт және тыныштық әкелуі тиіс. Біздің кездесуіміздің мақсаты – діни ынтымақтастық арқылы бүкіл әлемде дүниені түсінуге жәрдемдесу болмақ.

Титр: Ишмаэл Ноко

Үнқатысу – арамызда дәнекерлер орнату үрдісі. Біз мұны түсіндік. Біз мұндай қатынастарды бірден орнатуға болмайтынын пайымдадық. Ол үшін уақыт, төзім және мойынсұну қажет. Тыңдай білмейінше, бір-біріңнің дәстүріңнен тағылым алмайынша, үнқатысу мүмкін емес. Осы арқылы өз нанымдарымыздың дәстүрлеріне деген өз көзқарасымызды қайтадан парықтаймыз.

…Президент мырза, Астанадағы үнқатысу кезінде өзіміздің аман қалуымыздың себебі жекелеген діни дәстүрде емес, бір жаратушының қолында екенін ұққанымызды мойындауымызға рұқсат етіңіз.

Егер біз - диалогқа қатысушылар, бір-біріміздің айырмашылығымызды түсіне білмесек, прогреске жете алмаймыз.

Титр: Николас Бэйнс

Кройдон Епископы

… Басқаның өз сенімін, өзіндік құқығын мойындамаған жерде сенімсіздік болатындығы шындық. Бұл ретте барлық діндердің адамдарды бірін-бірі сүюге, басқа үшін өзін құрбан етуге үндейтіндігі өте маңызды. Нақ осы тұста үкілі үмітіміз оянады. Өйткені құдайды сүйеміз дей отырып, сонымен қатар біз бір-бірімізді сүйетіндігімізді мойындаймыз. Егер кейбіреулеріміз ие болып отырған үстемдіктен бас тарта білмесек, бейбітшілікке жете алмаймыз. Біз бір-бірімізге күдік келтірмес үшін діни және басқа да жанжалдардың негізінде жатқан келіспеушіліктерден арыла білуге тиістіміз. Осы жағдайды реттеуде съездің үлкен мүмкіндігі бар деп сенемін.

( І-ші диктор)

Бүгінгі шырайлы, шуақты заманға дейін небір зұлмат пен нәубет сыннан өткен Қазақстан – жер бетінде жапа шеккен ұлттардың жан сауғалаған Отаны болды.

Елбасының Рим Папасын қарсы алып, ілтипат көрсетіп тұрған сәті.

Титр: 2001ж.

…Ұлағатты талай елдің осы тарихы – ұлылыққа үндейді.

…Осыдан екі жыл бұрын Қазақстанға келген, 25 жыл Ватиканды басқарып отырған Киелі жан Папа Иоанн Павел ІІ-ші біздің бейбітшілік туралы әңгімеміз бен құлшылығымыз құдайдың сыйы және адамзат баласы үшін зор нышаны деген еді.

…Тарихтың талай сындарлы жолдарынан өткен қазақстандықтардың көз алдында айрықша мәнге ие болған ғаламдық мәселелерге мемлекет басшысының жауапкершілік алып, бітімгерлікті баянды байыппен айқындауы – Қазақстанның әлемдегі іргелі Ел екенін көрсетті.

( ІІІ-ші диктор)

Титр: Минору Сонода

Синтоистік храмдар бас басқармасының директоры

Егер жалпылай алатын болсақ, дін – адам жанының рухы. Ол мәдени тәжірибемен тарихи мұраға қарай ерекшеленеді. Бұған қоса дін шынайы. Біз бір – біріміздің табиғатымыздағы айырмашылықты сезгенде ғана дін адамзат жолын өзара құрметтеуіне ықпал етеді.

Баршамыз барар жолды іздеп жүрген, жалпы адамзаттық бақыт дегеніміз барлық құдіретті діндерді ұстанушылардың ұғымымен ұқсас. Ол адамға, болмысқа және тіршілікке деген ортақ көзқараста жатыр. Бүкіл дүниежүзілік Ислам лигасы - әлемдік ауқымдағы халықтық ұйым. Оның мүддесі, адамдардың жеке және ұжымдық құқықтары жөнінде халықаралық хартияларда бейнеленген. Біріккен Ұлттар Ұйымдары шешімімен қабылданған заңды қорғайды. Әлсіздердің құқықтарын сақтауға, оларды зорлық-зомбылықтан қорғауға, әділеттілік пен тең құқықтылықтарды орнықтыруға бас иеміз.

Титр: Мефодий

Қазақстан – көп этносты, көп мәдениетті және көп конфессиялы мемлекет.

Өркениеттердің ұштасуында кезінде Қазақстан Шығыс пен Батысты, Еуропамен Азияны жақындастыруда түрлі мәдениеттер мен діндерді ізгілікке жұмылдыруда елеулі рөл атқаруда. Ислам мен провославия Еуразия континентіндегі екі ірі этностың діни нанымын

танытады. Бұл діндердің әлемдік қатар өмір сүруі Қазақстанда оның әлеуметтік және рухани өміріндегі тұрақтылықтың тиімді кепілі болып табылады.

Түркістандағы Ахмет Яссауи Кесенесінің ішкі көрінісі.

Ығы-жығы халық. Сол адамдармен бірге қалың қауым ортасында.

Елбасы “Тайқазанға” жақындап келеді.

Тайқазанға, Елбасына жақындауға ұмтылған адамдар.

Тілек-ниет айтылуда.

...Қазір Қазақстан халқының басым бөлігін мұсылмандар құрайды. Бірақ мұсылмандар өзге дін, өзге ұлт өкілдеріне түсіністікпен, құрметпен қарайды.

Титр: Әбсаттар қажы Дербісәлі