Семинар-тренингте білім бе ру мазмұнын жаңарту жөніндегі мектеп үйлестірушілері, 5 пен

14

№23-24 (132-133) 19 июня 2018 г.

bilimdi_el@mail.ru

Читайте нас на сайте www.bilimdinews.kz

Мемлекет басшысы 

Нұрсұлтан Назарбаев- 

тың «Болашаққа 

бағдар: рухани жаңғы-

ру» мақаласымен 

оқып танысу әрбір Қа-

зақстан азаматының 

міндеті. Мақаламен 

таныса отырып, ал-

дымызға нақты мақ-

сат қоюымыз керек. 

Елбасымыз алдымыз-

ға нақты міндеттер 

мен мақсаттар берді. 

Соларға жету жолын-

да дұрыс бағдар таба 

білуіміз қажет. 

«Ал  ол  мақсатқа  жету  үшін  

біздің  санамыз  ісімізден  озып  

жүруі, яғни, одан бұрын жаңғырып 

отыруы тиіс. Бұл саяси және эконо-

микалық  жаңғыруларды  толықты-

рып қана қоймай, олардың өзегіне 

айналады»,  –  дейді  Президентіміз 

Н.Ә.  Назарбаев.  Рухани  жаңғы-

руды  әр  адам  өзінен  және  туып- 

өскен  жерінен  бастау  керек.  Біз 

өзіміздің  рухани  құндылықтары-

мызды,  рухани  байлықтарымызды 

жоғалтпауымыз керек. Әрбір адам-

ның,  әр  қоғамның,  елді-мекеннің 

ерекше, баға жетпес өз рухани бай-

лықтары бар. Біз осы құндылықтар-

ды  жетілдіріп,  қазіргі  заман  тала-

бына  сай  оңтайлай  білуіміз  тиіс. 

Мемлекетіміз  дамыған  елдердің 

қатарына  қосылуы  үшін  экономи-

камыз  бен  мәдениетімізді  жетіл-

діруіміз  керек.  Ол  үшін  әлемдік 

дамыған технологиялар мен мәде-

ниетті оқып, меңгеру заман талабы.  

Мемлекет  басшымыз  ұсынып 

отырған  латын  әліпбиіне  көшу 

мәселесі  осыны  меңзеп  отыр.  Ла-

тын  әліпбиіне  көшу  арқылы  біз 

әлемдік  ғылым  саласын  игеруде 

көптеген  мүмкіндікке  ие  бола-

мыз.  Басқа  әлеммен  байланыс  

орнатуға жағдай жасаймыз. 

Халқымыздың  «Жеті  жұрт-

тың  тілін  біл,  жеті  түрлі  білім  біл»  

деген  сөзінің  мағынасы  осында. 

Басқа  тілдерді  меңгере  отырып,  

біз  көптеген  артықшылыққа  ие 

боламыз.  Сол  себепті  де,  қазір-

гі  таңдағы  үштілділік  мәселесі  

де  осы  заманғы  талаптардың  

бірі десек артық болмас. Ағылшын 

тілі  –  әлем  сөйлейтін  тіл.  Бірақ  

тілді  үйренеміз  деп,  өз  ата-баба-

мыздан  келе  жатқан  туған  тілі- 

мізді  ұмытуға  ешқандай  құқымыз 

жоқ.  Қадыр  ағамыз  «Өзге  тіл-

дің  бәрін  біл,  өз  тіліңді  құрметте» 

деп  айтқандай,  ана  тіліміз  –  қазақ  

тілі  бірінші  орында  болуы  тиіс,  

өскелең  ұрпақты  солай  тәрбие- 

леуіміз керек.

Рухани  жаңғырудың  негізгі 

бір  бағыты  –  ол  ұлттық  жаңғыру.  

Ол  дегеніміз  –  ұлттық  мәдениет-

ті,  ел  ішінде  берекебірлікті  сақтай  

отырып,  бәсекеге  қабілетті  мем-

лекетке  айналу.  «Сонымен  бірге, 

жаңғыру  ұғымының  өзі  мейлін-

ше  көнерген,  жаһандық  әлеммен 

қабыспайтын  кейбір  дағдылар 

мен  әдеттерден  арылу  дегенді 

білдіреді»,  –  деді  Н.Назарбаев.  

Яғни,  жаһандық  даму  үдерісін-

де,  әлемдік  сахнаға  өзіміздің  төл 

туындымызды  ұсынуымыз  керек.  

Яғни,  өзіміздің  ұлттық  кодымыз 

болу  керек.  Ұлттық  код  –  халқы- 

мыздың  сан  ғасырлық,  атадан  

балаға  мирас  болып  келе  жатқан  

рухани  байлығы,  тілі,  өнері,  әдет- 

ғұрпы  мен  салт-дәстүрі.  Міне,  

осындай  баға  жетпес  бай  құн-

дылықтар  қазақ  халқының  ұлттық 

мұрасы.  Елбасы:  «Ұлттық  код,  

ұлттық  мәдениет  сақталмаса, 

ешқандай  жаңғыру  болмайды.  

Алға  басу  үшін  ұлттың  дамуына  

кедергі  болатын  өткеннің  кер- 

тартпа  тұстарынан  бас  тарту  ке-

рек» деген болатын.

Еліміздің  бәсекеге  қабілетті 

мемлекетке  айналғанын  қаласақ, 

білімді,  тәрбиелі,  өнегелі  ұрпақ 

тәрбиелеуіміз  керек.  Ал  ол  үшін  

тынбай  еңбек  ету  қажет.  «Жұмы-

ла  көтерген  жүк  жеңіл»  демекші, 

барлығымыз  еліміздің  дамыған 

мемлекеттер  қатарына  кіруіне  бір 

адамдай  атсалыссақ,  алынбайтын 

белес  жоқ.  Іргелі  елге  айналу  – 

ата-баба арманы. 

Әсет Әнуарбеков, 

арнайы санаториялық 

үлгідегі №15 МИ

тарих пәнінің мұғалімі 

наурызбай ауданы

«Мектеп – кеме, 

білім – теңіз» 

демекші, тағы да 

бір оқу жылын 

артқа тастадық. 

Биыл ең алғаш 

ашылып, 600-ге 

жуық баланы 

қабылдап алған 

№1 орта мек-

тебінде тәлім-тәр-

бие беріп отырған 

біздің ұжым, тәр-

биеленіп жатқан 

оқушылар көпте-

ген жетістіктерге 

жетті.

«Білім мен тәрбие егіз» 

дейді,  бірақ  атақты  ғұла-

ма  әл-Фараби:  «Адамға 

ең бірінші білім емес, тәр-

бие берілуі керек, өйткені, 

тәрбиесіз  берілген  білім 

баланың  болашағына  үл-

кен  қауіп  әкеледі»  деген 

екен.  Міне,  осы  орайда 

жетістігімізге 

тоқталғым 

келеді.  Биыл  аудандық 

білім  бөлімінің  басшысы, 

ойы  орамды,  сөзі  нақты, 

бала  тәрбиесін  алдыңғы 

қатарға қоятын Бәтес Ама-

нова  ұстаз  беделін  көтеру 

мақсатында,  «Болашаққа 

бағдар:  рухани  жаңғыру» 

аясында  «Үздік  сынып 

жетекші-2018»  байқауын 

ұйымдастырды. Біздің мек-

теп  ұжымы  да  бұл  шара-

дан  тыс  қалған  жоқ.  Әріп-

тесім  бастауыш  сынып 

мұғалімі  Алия  Бекходжае-

ва  жүзден  жүйрік  шығып, 

аудандық  байқауға  жі-

берілді.  Әрдайым  шәкірт-

терінің  болашағын  ойлай-

тын, ұстаздарының еңбегін 

бағалап,  қолдаушыларым 

да,  отбасым  да  ұстазда-

рым мен әріптестерім деп 

жүретін  мектеп  басшысы 

Ардақ  Қырықбайдың  қол-

дауымен  шығармашылық 

топ  құрылып,  дайындық 

жүргізілді.

Шығармашылық 

топ 

құрамында  білімді  де, 

білікті  ұстаздар,  тәрбие 

ісінің  меңгерушісі  Салта-

нат Анапияева, педагог-ұй-

ымдастырушы  Эльмира 

Уркумбаева, 

ұстаздар 

Аида  Ағыбаева,  Гүлми-

ра  Сералиева,  Майра 

Абдрахманова,  Күлзинат 

Қоңырбаева  бар  білімдері 

мен  өз  ойларын  ортаға 

салып,  жан-жақты  дайын-

дық жасалды. 100-ге жуық 

мектеп  арасында  өткізіл-

ген  бұл  додада  әріптесім  

Алия  жүлделі  1-орынды 

иеленіп, облыстық байқау-

ға жолдама алды. Облыс-

тық  байқауға  жолданған 

ұстазға  сәттілік  тілейміз. 

Міне, осындай мұғалімдер 

арқасында  шәкірттеріміз 

жан-жақты  тәрбие  алып, 

білім мен өнерді ұштасты-

рып келеді. 

Шәкірттеріміз  білім  жа- 

ғынан олимпиада, ғылыми 

жобадан  жүлделі  орын-

дарды  алса,  спорт,  өнер 

жағынан  да  құр  алақан 

емеспіз.  «Болашаққа  бағ- 

дар:  рухани  жаңғыру»  ая-

сында  жаңартылған  білім 

мазмұнына сәйкес бәсеке-

ге қабілеттілік тақырыбын-

да  білім  беріп  жатқан  ұс-

таздар мен біздің мектептің 

білім  алушылары  әлі  де 

биіктерді  бағындыратыны-

мызға сеніміміз мол.

бибінұр бӨДенбаева,

№1 оМ бастауыш 

сынып мұғалімі

Шелек ауылы

еңбекшіқазақ ауданы 

Мұхтар Әуезов айтқандай, 

халықты халықпен, адамды 

адаммен теңестіретін білім. 

Сондықтан жастарға заман 

талабына сай кәсіби білім 

беру, технологияларды тиімді, 

жүйелі қолдану − маңызды 

міндеттердің бірі. Соның ішін-

де, дамыта оқыту идеясына 

негізделген модульдік техноло-

гияға тоқталмақпын. 

бақыт ШаМығұлова, 

бақанас аграрлы-индустриалдық 

колледжінің

өндірістік оқыту шебері

балқаш ауданы

Жалпы  модульдік  оқыту  технологиясы 

Қазақстан  Республикасының  жалпы  және 

нақты  стандарт  біліміне  негізделеді.  Мо-

дульдік технология дегеніміз – студенттердің  

ішкі  мүмкіншілігіне,  қабілетіне  қарай  өз 

бетімен  ізденуіне,  әрекет  етуіне  лайық- 

талған  дидактикалық  құрылым,  адамның 

өзін-өзі дамыту жолы.

Ал  оқу-жұмыс  бағдарламасы  –  оқыту 

мен  бақылауды  әдістемелік  жағынан  дұрыс 

жоспарлауды,  сондай-ақ,  теориялық  және 

практикалық сабақтардың, өндірістік оқу мен 

кәсіптік  практиканың  модуль  шеңберінде 

байланысын қамтамасыз етеді. 

Модульдік  оқытудың  өзегі  –  оқу  модулі. 

Оқу  модулі  ақпараттардың  аяқталған  бло-

гынан, бағдарламаны табысты жүзеге асыру 

үшін  берілген  оқытушының  нұсқауларынан 

және  студенттердің  іс-әрекетінің  мақсаты, 

бағдарламасынан тұрады. 

Модульдік  оқытуды  қолдану  арқылы 

мынандай  жетістіктерге  қол  жеткізуге  бола-

ды:  уақыт  үнемделеді,  сабақтың  сапасын 

көтереді, оқу әдісі мен құралдарын таңдауға 

мүмкіндік  тудырады,  студенттердің  белсен-

ділігі  мен  қызығушылығын  арттырады.  Сон-

дықтан студенттің оқу үлгерімі көтеріледі. 

Модульдік  оқытуда  интерактивті  тақта 

мүмкіндіктерін  пайдалану:  қажетті  сызба-

ларды, электронды оқулықты, зертханалық 

тәжірибелік тапсырмалар орындау кезінде 

уақытты  ұтымды  пайдалануға  мүмкіндік 

береді.  Модульдік  оқытудың  ерекшелігі 

– оқытушы көп сөйлегеннен гөрі, студент-

терге  ойын  айтуына  көбірек  мүмкіндік  бе-

реді. Тағы бір ерекшелігі, бағалау парағын 

қолдану.  Сабақ  барысында  студенттер-

мен  жеке,  топпен  жұмыс  жасалуы  керек.  

Олар  ескерусіз  қалмас  үшін  әр  жұмысқа 

балл қою арқылы қорытынды баға қойыла-

ды.  Қазіргі  таңда  жастарға  тек  білім  беріп 

қана қоймай, сонымен қатар, оларды өмір-

ге  қажетті,  өз  болашағына  азық  болатын 

тәрбие беру керек. 

Қорыта  айтқанда,  жаңа  бағдарламаның 

мәні  –  студенттердің  функционалдық  сау-

аттылығын қалыптастыру. Оқытушы өз мін-

детін тек оқыту, түсіндіру емес, ең алдымен 

студенттердің  оқу  еңбегін,  танымдық  оқу 

іс-әрекетін  сауатты  ұйымдастыру,  басқару 

деп білуі тиіс. Сондықтан аталған педагоги-

калық  технологияларды  ойлау  мен  ұштас-

тыра  білу,  білім  алуға  бағыттайтын  оқыту 

жолы. Әрбір оқытушы, оқу-тәрбие үрдісінде 

модульдік  технологияны  пайдаланса  сабақ 

сапасы  жақсара  түсіп,  студенттердің  пәнге 

деген қызығушылығы артары сөзсіз. 

алматы облысы

рухани жаңғыру – болашаққа нық қадам!

білім мен тәрбие – егіз

Модульдік оқыту – заман талабы