Өндірістік орын туралы жалпы мағлұмат

Энергетикалық аудит,аудиторлық қызмет көрсету

жүктеу 1,77 Mb.

бет	12/13
Дата	11.05.2023
өлшемі	1,77 Mb.
	#42520

1 ... 5 6 7 8 9 10 11 12 13

отчет 2022 - копия

Энергия аудитін жүргізу тәртібі

2.3.Энергетикалық аудит,аудиторлық қызмет көрсету.
Энергетикалық аудит (энергия аудиті) – энергия үнемдеудің мүмкіндігі мен әлеуетін бағалау және қорытынды дайындау мақсатында энергетикалық ресурстардың пайдаланылуы туралы деректерді жинау, өңдеу және талдау.
Энергия аудитін қызметтің осы түрі бойынша аккредиттеу туралы куәлік алған заңды тұлғалар жүргізеді.
Энергия аудиті Қазақстан Республикасының заңнамасына сәйкес жасалған шарт негізінде жүгінген тұлғаның (тапсырыс берушінің) қаражаты есебінен жүзеге асырылады.
Энергия аудиті шарт жасалған сәттен бастап жалпы бір жылдан аспайтын мерзімде жүргізіледі.

Энергия аудитін жүргізу тәртібі

8. Энергия аудиті мынадай кезеңдер бойынша жүргізіледі:
1) дайындық;
2) өлшеу (сынау);
3) талдамалық;
4) қорытынды.
9. Дайындық кезеңінде энергия аудиторы энергия аудитін өткізу бағдарламасын (жұмысты орындау мерзімі мен тапсырыс берушінің теңгеріміндегі объектілердің толық тізімін көрсете отырып) құрастырады және тапсырыс беруші ұсынатын қажетті мәліметтер мен құжаттар бар болған жағдайда олардың тізбесін, оның ішінде:
1) бұрынғы энергия аудиті қорытындысы бойынша әзірленген энергия үнемдеу және энергия тиімділігін арттыру жөніндегі іс-шаралар жоспарын және оның орындалу нәтижелерін;
2) энергия аудитінің алдындағы кезекті бес жыл ішінде энергетикалық ресурстарды және суды өндіру, шығару, тұтыну, беру көлемдерін;
3) негізгі үйлердің, құрылыстардың, ғимараттардың құрамы және олардың сипаттамаларын (объектінің мақсаты және оның құрамдас бөлігі (қосымша құрылыс), инженерлік жүйелер, энергия тиімділігі сыныбы, салыну күні, үйдің қабаттылығы, қабырғалар және шатырлар материалы, әйнектеу ауданы және әйнектеу түрі, кубатура, жалпы аумағы);
4) энергиямен жабдықтау көздері және энергия тасығыштардың параметрлері туралы мәліметтерді;
5) өнім бірлігіне шаққанда нақты энергия тұтыну және (немесе) үйлер, құрылыстар, ғимараттар ауданының бірлігіне немесе жылынатын көлеміне шаққанда жылытуға кеткен энергетикалық ресурстар шығысын;
6) энергетикалық және технологиялық жабдықтар туралы мәліметтерді;
7) энергия тұтынатын электр құрылғының энергия тиімділігі сыныбын;
8) есепке алу және бақылау аспаптары туралы мәліметтерді;
9) энергиямен жабдықтау, жылумен жабдықтау, желдету, салқындату, сумен жабдықтау, ауамен жабдықтау, кәріз, газбен жабдықтау жүйелері туралы мәліметтерді;
10) тапсырыс беруші қызметкерлерінің сандық құрамының ұлғаюын немесе азаюын;
11) энергия аудиті бойынша бұрынғы қорытындының көшірмесін;
12) энергия менеджменті жүйесінің жұмысын ұйымдастыру туралы мәліметтерді қалыптастырады.

жүктеу 1,77 Mb.

Достарыңызбен бөлісу:

1 ... 5 6 7 8 9 10 11 12 13