Мұғалжар ауданының кеңістіктік дамуы

Негізгі халықтың басым көпшілігі облыс орталығының маңында шоғырланған. Бұл өз кезегінде аудан тұрғындарының және ауылдық елді мекендер мен шалғай ауылдардағы халықтың санының азаюына септігін тигізеді. Аудан және ауылдар арасындағы тұрақты байланыс жасау арқылы ауданның тірек қаңқасы орнығады [66, 303-б.].

Ақтөбе облысы аудандарындағы халық саны, жыл соңына, адам

Аудан аумағының экономикасының көліктік инфрақұрылымын дамыту және жетілдіру маңызды болып отыр. Қандыағаш - Ақтөбе облысы бойынша темір жол тоғысында орналасқан бірден-бір аудан орталығы. Аудандағы қоршаған ортаны қорғау, экологиялық мәселелердің шешу жолдарын қарастыру және төтенше жағдайлардың, табиғи және антропогендік факторлардың әсерінен туындаған салдарының алдын-алу бойынша шаралар кезек күттірмей жолға қойылуы тиіс [66, 308-б.].

Ауданның аумақтық ұйымдастырылуын дамытудың негізгі мақсаты:

• 
  ауыл мен аудан арасындағы байланыстың күшеюі;
  
• 
  әлеуметтік инфрақұрылымды және халыққа қызмет көрсету орындарыының жұмысын жаңашаландыру;
  
• 
  еңбек ресурстарының еңбекке тартылуын арттыру;
  
• 
  аудан тұрғындарын сапалы азық-түлік, тұщы сумен қамтамасыз етуді жандандыру;
  
• 
  Облыстағы тірек қалалардың бірі болып саналатын Қандыағаш қаласының әлеуметтік-экономикалық әлеуетін арттыру;
  

Аудан және ауыл аймақтардың шаруашылығының дамуы аудан мен облыс арасындағы тұрақты байланыс негізінде жүзеге асатын экономикалық бірліктің сапасының артуына ықпал етеді.Сонымен бірге, аудан орталықтары мен аудан құрамындағы барлық ауылдар облыс деңгейіндегі тірек орталықтарын қалыптастыру үшін әлеуетке ие болады.