Жер қойнауын пайдалану құқығының пайда болу негіздері

Жер қойнауын пайдалану құқығының пайда болу негіздері

1. Жер қойнауын пайдалануға арналған лицензия

11. Жер қойнауын пайдалануға арналған лицензия ұғымы және оны беру

1. 
   Жер қойнауын пайдалануға арналған лицензия мемлекеттік орган беретін және оның иесіне сонда көрсетілген жер қойнауы учаскесінің шегінде жер қойнауын пайдалану бойынша операциялар жүргізу құқығын беретін құжат болып табылады.
   
2. 
   Жер қойнауын пайдалануға арналған лицензия жер қойнауының бір ғана учаскесін пайдалану үшін беріледі.
   
3. 
   Осы Кодексте белгіленген жағдайларды қоспағанда, бір тұлғаға жер қойнауын пайдалануға арналған лицензиялардың шексіз саны берілуі мүмкін.
   
4. 
   Лицензия мүдделі адамның өтініші бойынша беріледі. Лицензия беруге өтініш нысанын құзыретті орган бекітеді.
   
5. 
   Берілген лицензия лицензия берген мемлекеттік органның интернет-ресурсында берілген күні жариялануға жатады.
   
6. 
   Жер қойнауын пайдалануға арналған лицензия беруді жүзеге асыратын мемлекеттік орган берілген лицензиялардың тізілімін жүргізеді. Берілген лицензиялардың тізілімін жүргізу тәртібін құзыретті орган белгілейді.
   

11. Жер қойнауын пайдалануға арналған лицензия түрлері

1. 
   жер қойнауын геологиялық зерттеуге арналған лицензия;
   
2. 
   қатты пайдалы қазбаларды барлауға арналған лицензия;
   
3. 
   қатты пайдалы қазбаларды өндіруге арналған лицензия;
   
4. 
   жер қойнауы кеңістігін пайдалануға арналған лицензия;
   
5. 
   старательдікке арналған лицензия.
   

11. Жер қойнауын пайдалануға арналған лицензияның мазмұны

1. 
   Жер қойнауын пайдалануға арналған лицензия құзыретті орган бекітетін нысан бойынша ресімделеді.
   
2. 
   Жер қойнауын пайдалануға арналған лицензияда оның түрі ескеріле отырып, мыналар:
   

1. 
   жер қойнауын пайдалануға арналған лицензияның түрі;
   
2. 
   лицензияны берген мемлекеттің органның атауы;
   
3. 
   лицензия берілген тұлға туралы мәліметтер;
   
4. 
   лицензияның нөмірі мен күні;
   
5. 
   лицензияның мерзімі;
   
6. 
   жер қойнауы учаскесінің шекаралары;
   
7. 
   осы Кодексте көзделген жер қойнауын пайдаланудың өзге де шарттары көрсетіледі.
   

3. 
   Лицензия мерзімі лицензияда көрсетілген күннен бастап есептеледі.
   
4. 
   Егер лицензияның негізінде туындайтын жер қойнауын пайдалану құқығын екі және одан артық адам иеленсе, лицензияда жер қойнауын пайдалану құқығының ортақ иелері болып табылатын адамдар үлестерінің мөлшері көрсетілуге тиіс.
   
5. 
   Лицензия мемлекеттік және орыс тілдерінде ресімделеді.
   

11. Жер қойнауын пайдалануға арналған лицензияға өзгерістер енгізу

1. 
   Жер қойнауын пайдалануға арналған лицензияға өзгерістерді лицензияны берген мемлекеттік орган оны қайта ресімдеу арқылы жүргізеді.
   

2. 
   Лицензия мына:
   

1. 
   жер қойнауын пайдаланушы туралы мәліметтер өзгерген;
   
2. 
   жер қойнауын пайдалану құқығы және (немесе) жер қойнауын пайдалану құқығындағы үлес ауысқан;
   
3. 
   лицензия мерзімі ұзартылған;
   
4. 
   жер қойнауы учаскесі аумағының шекарасы өзгерген жағдайларда қайта ресімдеуге жатады.
   

3. 
   Осы баптың 2-тармағы 1) тармақшасында көзделген жағдайда лицензияны қайта ресімдеу құзыретті орган бекіткен нысан бойынша жер қойнауын пайдаланушының өтініші бойынша жүргізіледі.
   

Өтініш пен оған қоса берілген құжаттар мемлекеттік немесе орыс тілдерінде жасалуға тиіс. Егер өтінішті шетелдік немесе шетелдік заңды тұлға берсе, оған қоса берілетін құжаттар өзге тілде әрбір құжатқа мемлекеттік немесе орыс тілдеріндегі аудармасы міндетті түрде қоса беріліп жасалуы мүмкін, олардың дұрыстығын нотариус куәландырады.

Лицензияны берген мемлекеттік орган өтініш келіп түскен күннен бастап бес жұмыс күні ішінде оны қайта ресімдейді не қайта ресімдеуден бас тартады.

Лицензияны берген мемлекеттік орган өтініш осы тармақтың талаптарына сәйкес болмаған жағдайда лицензияны қайта ресімдеуден бас тартады.

4. 
   Өтініш беруші мемлекеттік органның интернет-ресурсында жариялау арқылы қайта ресімдеуден бас тарту туралы хабардар етіледі.
   

5. 
   Осы баптың 2-тармағының 2)-4) тармақшаларында көзделген жағдайларда лицензияны қайта ресімдеу осы Кодекстің жекелеген ережелеріне сәйкес жүзеге асырылады.
   
6. 
   Лицензияны беру немесе қайта рәсімдеу кезінде жіберілген грамматикалық немесе арифметикалық қателер, жаңылыс жазулар не басқа да осыған ұқсас қателер лицензияны берген мемлекеттік органмен түзетуге жатады.
   

Қателерді түзету лицензияны берген мемлекеттік органның бастамасымен не жер қойнауын пайдаланушының өтініші бойынша жүргізіле алады.

Лицензияны берген мемлекеттік орган лицензиядағы қатені түзеткеннен кейін оны екі жұмыс күні ішінде жер қойнауын пайдаланушыға береді.

Түзетілген лицензия лицензияны берген мемлекеттік органның интернет-ресурсында түзетілген күні жариялауға жатады.

Лицензиядағы қатені түзетумен байланысты туындаған даулар сот тәртібінде шешілуге жатады.

11. Лицензияның жарамсыздығы және оның жарамсыздығының салдары

1) Лицензияны берген мемлекеттік органға оның лицензияны беру шешіміне әсер еткен көрінеу дұрыс емес ақпаратты беру фактісі белгіленген кезде;

2) егер лицензия шарттары осы Кодекстің талаптарына сәйкес келмесе;

3) мемлекеттік органның лицензияны беру туралы негізсіз шешіміне әкелген осы Кодекспен белгіленген лицензияны беру тәртібі бұзылса;

4) әрекетке қабілетсіз деп танылған және осындай беру кезінде осындай әрекетке қабілетсіз болған адамға лицензия берілсе;

5) лицензияны беру осы Кодексте көзделмесе немесе тыйым салынса жарамсыз деп танылуы мүмкін.

2. Лицензияны жарамсыз деп тану туралы талап қоюмен сотқа жүгіну құқығына мүдделі адам және прокурор ие, ал осы баптың 1-тармағының 1) және 4) тармақшаларында көзделген негіздемелер бойынша лицензияны берген мемлекеттік орган ие.

Лицензияны алу құқығы мен заңды мүдделері лицензияны беру нәтижесінде бұзылған немесе бұзылуы мүмкін адам мүдделі адам болып табылады.

3. Лицензия сот шешімі күшіне енген кезден бастап жарамсыз болып есептеледі.

4. Осы баптың 1-тармағының 1) тармақшасында көзделген негіз бойынша жарамсыз болып табылған лицензиялар болғанда лицензия алған адам жер қойнауын заңсыз пайдаланудан алған табыс мөлшерінде келтірілген шығынды және лицензияны жарамсыз деп танумен байланысты мемлекет шығынын мемлекетке өтеуге міндетті.