Жылдарға арналған ғылыми, ғылыми-техникалық бағдарламалар бойынша бағдарламалық-нысаналы қаржыландыруға арналған конкурстық құжаттамасы

Мәденеит және спорт министрі

міндетін атқарушысының

2017 жылғы «29»қыркүйектегі № 264 бұйрығымен бекітілген

1. 
   Жалпы ережелер
   

1. Осы 2018-2020 жылдарға арналған ғылыми, ғылыми-техникалық бағдарламалар бойынша бағдарламалық-нысаналы қаржыландыруға арналған конкурстық құжаттаманы (бұдан әрі – Конкурстық құжаттама) мәдениет саласындағы уәкілетті орган – Қазақстан Республикасы Мәдениет және спорт министрлігі «Ғылым туралы» 2011 жылғы 18 ақпандағы Қазақстан Республикасы Заңының шеңберінде және Қазақстан Республикасы Үкіметінің 2011 жылғы 25 мамырдағы № 575 қаулысымен бекітілген Ғылыми және (немесе) ғылыми-техникалық қызметті базалық, гранттық, бағдарламалық-нысаналы қаржыландыру қағидаларына, Қазақстан Республикасы Үкіметінің 2011 жылғы 1 тамыздағы № 891 қаулысымен бекітілген Мемлекеттік ғылыми-техникалық сараптаманы жүргізу қағидаларына сәйкес 2018-2020 жылдарға арналған ғылыми, ғылыми-техникалық бағдарламалар бойынша бағдарламалық-нысаналы қаржыландыруға арналған конкурсқа (бұдан әрі – конкурс) қатысуға өтінімдерді дайындау мақсатында әзірледі.

2. Конкурс «Қазақстан-2050» Стратегиясын, Мемлекет басшысының 2017 жылғы 31 қаңтардағы «Қазақстанның Үшінші жаңғыруы: жаһандық бәсекеге қабілеттілік» жолдауын, Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасын және басқа да стратегиялық және бағдарламалық құжаттарды іске асыруға бағытталған 2018-2020 жылдарға арналған ғылыми, ғылыми-техникалық бағдарламаларды (іргелі және қолданбалы ғылыми зерттеулер) бағдарламалық-нысаналы қаржыландыру бойынша өткізіледі.

3. Конкурстың мақсаты – стратегиялық маңызды мемлекеттік міндеттерді шешуге бағытталған 2018-2020 жылдарға арналған ғылыми, ғылыми-техникалық бағдарламаларды жүргізуге бағдарламалық-нысаналы қаржыландыруды бөлу.

4. Зерттеулердің түрі – іргелі және қолданбалы ғылыми зерттеулер.

5. Үш жылдық мерзімге қаржыландырудың жалпы сомасы – 1 263,0 млн.теңге, оның ішінде 2018 жылға – 417 млн.теңге, 2019 жылға – 423 млн.теңге, 2020 жылға –423 млн.теңге. «2018-2020 жылдарға арналған республикалық бюджет туралы» Қазақстан Республикасы Заңына өзгерістер енгізілген жағдайда, Қазақстан Республикасы заңнамасында белгіленген тәртіппен аталған қаржыландыру сомаларына өзгерістер енгізілуі мүмкін.

2. 
   Басым және мамандандырылған ғылыми бағыттардың атаулары
   

Таблица

5. Конкурсқа қатысуға өтінімдері осы Конкурстық құжаттамаға 1-қосымшаның талаптарына сәйкес болуы керек және осы Конкурстық құжаттамаға 2-қосымшада көрсетілген нысанға сәйкес жасалады. Бағдарламаның ілеспе хаты, қысқаша сипаттамасы және өтінімі осы Конкурстық құжаттамаға 3, 4-қосымшаларға сәйкес нысандар бойынша жасалады.

6. Өтінімдер қағаз және электрондық нұсқада (дискіде), екі данада, Қазақстан Республикасы Мәдениет және спорт министрлігіне қолма-қол немесе алу туралы хабарландырумен курьерлік почта арқылы мына мекенжай бойынша беріледі: Астана қаласы, Мәңгілік Ел даңғылы, 15, 15-кіреберіс, 517-кабинет.

7. Мемлекеттік ғылыми-техникалық сараптаманы ұйымдастыру және жүргізу қағидасының 10-тармағының талаптарына сәйкес өтінімдерде жеке тіркеу нөмірі (бұдан әрі - ЖТН) болуы қажет.

ЖТН-ды алу үшін тапсырыс беруші конкурсты жариялаған сәтінен бастап өтінімдерді қабылдаудың соңғы күніне дейін конкурс қатысушылары «Ұлттық мемлекеттік ғылыми-техникалық сараптама орталығы» АҚ-ның (бұдан әрі - Орталық) интернет-ресурсында is.ncste.kz мекенжайы бойынша Орталықтың ақпараттық жүйесінде өтінімнің электрондық нұсқасын салу арқылы өтінімді тіркеуге тиісті.

Мерзімнің аяқталуынан кейін қолма-қол немесе курьерлік почта арқылы келіп түскен өтінімдер қабылданбайды.

8. Орталықтың ақпараттық жүйесінде тіркелгеннен кейін ЖТН өтінімнің қағаз нұсқасының бірінші бетінде қойылады.

9. Бағдарламалық-нысаналы қаржыландыруға арналған өтінім бағдарламаны іске асыру мерзімі үш жылдан аспауы туралы ақпаратты қамтуы керек.

10. Өтінім тігіліп, қағаз пломбасымен бекітілу керек, пломбаның үстінде тігілген және нөмірленген парақтар жайлы жазба болу керек және өтінім берушінің уәкілетті тұлғасының дөңгеленген мөрімен қоса қолымен расталған (заңды тұлғалар үшін) немесе белгіленген тәртіппен расталған жеке тұлғаның қолы болуы тиіс.

11. Өтінім берушінің авторлық және/немесе басқа да құқықтарына зиян тигізетін әлеуетті әшкерелеу, мемлекеттік және коммерциялық құпия болып табылатын ақпарат өтінімде болмауы тиіс.

12. Өтінімнің мазмұны келесі бөлімдерден тұрады:

1) жалпы ақпарат;

3) зерттеу әдістері және этикалық мәселелер;

4) бағдарламаны жоспарлау және басқару;

5) зерттеушілер тобы;

6) зерттеу ортасы;

7) күтілетін нәтижелер;

8) библиография;

13. Келесі талаптарға сәйкес келмейтін өтінімдер өтінім берушілерге қайтарылады:

1) ЖТН-ні болмаған өтінімдер;

2) өтінімді ресімдеуі осы конкурстық құжаттама талаптарына сәйкес келмейтін өтінімдер;

3) талап етілген құжаттардың толық емес көлемде ұсынылған өтінімдер;

4) плагиат және өтінім тақырыбының немесе мазмұнының мемлекеттік ғылыми-техникалық сараптамаға бұрын немесе бір уақытта берілген объектілерімен қайталану фактілері анықталған өтінімдер (көрсетілген фактілер болған жағдайда дәлелдер, негіздемелер келтірілуі, оның ішінде техникалық құралдарды қолдану және мамандануы мемлекеттік ғылыми-техникалық сараптама объектісіне сәйкес келетін тәуелсіз мамандарды тарту арқылы келтірілуі тиіс);

5) конкурс қатысушыларында ғылыми және (немесе) ғылыми-техникалық қызмет субъектісін аккредиттеу туралы куәлігі болмаған өтінімдер;

6) электрондық нұсқасы қағаз нұсқасына сәйкес келмеген өтінімдер;

7) мемлекеттік ғылыми-техникалық сараптама объектісі бойынша бұрын алынған шекті бағаның төмен болған немесе ғылыми этиканы бұзу фактілері анықталған өтінімдер;

8) мемлекеттік бюджет қаражатынан бұрын қаржыландырылған немесе қазір қаржыландырылып отырған бағдарламалар бойынша өтінімдер.

14. Бағдарламалық-нысаналы қаржыландыруға арналған өтінім мемлекеттік, орыс және ағылшын тілдерінде ұсынылады.

15. 
    Бағдарламалық-нысаналы қаржыландыруға арналған конкурсқа ғылыми және (немесе) ғылыми-техникалық қызметтің аккредиттелген субъектілері, сондай-ақ дербес білім беру ұйымдары мен олардың ұйымдары қатысуға, оның ішінде қоса атқарушы ретінде қатысуға құқылы.
    
16. 
    Қалыптастырылатын мақсатты ғылыми-техникалық бағдарлама стратегиялық маңызды мемлекеттік міндеттерді шешуге бағытталуы, ғылыми-зерттеу және тәжірибелі-конструкторлық жұмыстарды жүргізудің бірнеше бағыттарынан тұруы қажет.
    

Нысаналы бағдарламаларды кіші бағдарламаларға бөлу шешілетін проблемалардың ауқымы мен күрделілігіне, сондай-ақ нақты нәтижеге қол жеткізе отырып, оларды шешуді ұтымды ұйымдастыру қажеттігілігіне қарай жүзеге асырылады.

Орындаушылар бағдарламада қойылған мақсат пен міндеттерге сәйкес түпкі нәтижесіне қол жеткізуді қамтамасыз етуді зерттеушілердің қабілетіне кепілдік беруі қажет.

15. 
    Бағдарламаның ғылыми жетекшісінің ғылыми жұмыс өтілінің тәжірибесі кемінде 5 (бес) жыл, ғылыми дәрежесі (ғылым докторы/ғылым кандидаты) немесе философия докторы (PhD) дәрежесі немесе бейіні бойынша доктор дәрежесі болуы тиіс.
    

19. Ғылыми жетекшісі болып табылмайтын жеке тұлға (зерттеу тобы мүшелерінің ішінен) осы конкурс шеңберінде үштен аспайтын бағдарламаның орындаушысы болуға құқылы.

20. Зерттеу тобының құрамына шетелдік ғалымдар, коммерцияландыру бойынша мамандар тартылуы мүмкін.

21. Бағдарламаның кемінде 30% орындаушысы 35 жасқа дейінгіні қоса алғанда жас мамандар, оның ішінде PhD докторанттары, магистранттар болуы қажет.

22. Бағдарламалық-нысаналы қаржыландыру конкурсының қорытындылары бойынша ғылым саласындағы уәкілетті орган ғылыми, ғылыми-техникалық бағдарлама бойынша бас ұйымды айқындай алады, ол орындалатын бағдарлама шеңберінде оны іске асыру және орындаушы ұйымдардың қызметін үйлестіруді сүйемелдеуді жүзеге асырады. Бас ұйым үйлестіретін нысаналы ғылыми, ғылыми-техникалық бағдарламаны іске асыруға жауапты.

23. Өтінім мәліметтерге қосымша бағдарламаны ішінара қажетті ресурстармен, оның ішінде қаржы ресурстарымен қамтамасыз етуді жүзеге асыру үшін жеке әріптес тарапынан қоса қаржыландыруды тарту туралы мәліметтер бере алады. Олардың іске асыру мерзімдері мен салым сомасы көрсетілген қоса қаржыландыру туралы келісім тараптар ниеттерін растау болып табылады.

24. Өз ғимараты, қазіргі заманғы аспаптармен және жабдықтармен жабдықталған ғылыми зертханалары және жоғары білікті ғылыми кадрлары бар дербес мамандандырылған ғылыми-зерттеу институттары, жетекші университеттер мен олардың еншілес кәсіпорындары басымдыққа ие болады.

25. 
    Бағдарламаны іске асыру шеңберіндегі нәтижелері сұралатын қаржы көлеміне сәйкес уағдалы және негізделген болуы тиіс.
    
26. 
    Қаржыландыру үшін мақұлданған бағдарламалар Қазақстан Республикасында іске асырылуы тиіс. Бағдарламаның жетекшісі Қазақстан Республикасының азаматы болуы қажет.
    
27. 
    Бөлінетін қаржыландыру көлемі сұралатын қаржыға сәйкес анықталады.
    
28. 
    Бағдарламалық-нысаналы қаржыландыру қаражаты ғылыми, ғылыми-техникалық бағдарламаларды бағдарламалық-нысаналы қаржыландыруға арналған конкурсқа қатысуға өтінімде көрсетілген ғылыми зерттеулерді жүргізуге тікелей байланысты шығындарға, өтінімнің мақсаттары мен міндеттеріне жетуге жұмсалу қажет. Конкурстық өтінімде көрсетілген шығын түрлері осы Конкурсттық құжаттамаға 2-қосымшада көрсетілген шығын түрлеріне сәйкес болуы тиіс.
    
29. 
    Бағдарламалық-нысаналы қаржыландыруға бөлінген қаражатты тиімсіз және негізсіз пайдалану Қазақстан Республикасының заңнамасында белгiленген жауапкершілікке жауапты болады.
    
30. 
    Бағдарламаны орындаушы-ұйымның жетекшісі бағдарламалық-нысаналы қаржыландырудан қаражат ұстап қалуға жол бермейді.
    
31. 
    Бір жабдық құны 4000 АЕК-тен асқан жағдайда, оның мемлекеттік ұйымдар жанында жұмыс істейтін, ұжымдық пайдаланылатын ғылыми зертханаларда болмауын жазбаша растау, оны сатып алу қажеттілігінің негіздемесі ұсынылады.
    
32. 
    Мемлекеттік емес ұйымдар болып табылатын өтінім берушілер бағдарламалық-нысаналы қаржыландыру шеңберінде сатып алынатын құны 4000 АЕК-тен асатын жабдықты бағдарламаны іске асыру аяқталғаннан кейін алты ай ішінде мемлекеттік мәдениет ұйымдарына теңгеріміне береді.
    
33. 
    Өтінім беруші заңнамаға сәйкес есеп беруді және есептілікті жүргізуді қамтамасыз етеді.
    
34. 
    Бағдарлама шеңберінде мемлекеттік ұйымдар сатып алған жабдықтар, құралдар және (немесе) мүкәммалдар олардың теңгеріміне тіркеледі.
    

1) бағдарламалар бойынша жариялануы тиіс:

Web of Science немесе Scopus деректер базасымен индекстелетін нөлдік емес импакт-факторы бар рецензияланған шетелдік ғылыми басылымдарда кемінде екі мақала, сонымен қатар Қазақстан Республикасы Білім және ғылым министрлігі Білім саласындағы бақылау комитетімен ұсынылған басылымдарда кемінде үш екі жарияланым.

36. Бағдарламаның жүзеге асырылуы және/немесе аяқталғаннан кейін зерттеулер нәтижелерінің, монография және басқа да ғылыми жұмыстардың басылымы кезінде авторлар нөмірін көрсету арқылы бағдарламалық-нысаналы шеңберінде ұтып алынған бағдарламаға сілтеме жасауға міндетті.

37. Зерттеу тобының мүшелері қажет болған жағдайда жүргізіліп жатқан бағдарлама шеңберінде халықаралық конференцияларға қатысып немесе жетекші шетел ғылыми орталықтарында және ұйымдарында немесе шетел ғылыми зертханаларында шетелдік ғылыми тәжірибеден өте алады.

38. Стратегиялық маңызды мемлекеттік міндеттерді шешу үшін ғылыми зерттеулердің нәтижелері ғылыми және (немесе) ғылыми-техникалық қызметті орындау барысында алынған және кез келген ақпарат жеткізгіште тіркелген жаңа білім мен шешімдер түрінде ұсынылады

39. Бағдарламанның аннотациясын және сол бойынша есепті (баспа және/немесе электронды түрде) өтінім берушінің және/немесе автордың келісімін сұратусыз жариялау құқығы Орталыққа беріледі.

40. Бағдарлама шеңберінде алынған ғылыми зерттеулердің нәтижелері заңнамамен белгіленген тәртіппен міндетті түрде Орталықта мемлекеттік есепке алынуы тиіс.

41. Бағдарламалық-нысаналы қаржыландыруға арналған конкурс жеңімпаздарымен ғылыми, ғылыми-техникалық бағдарламаны жүзеге асыру үшін өзгерістер немесе толықтырулар енгізілуі мүмкін шарт осы Конкурстық құжаттаманың 5-қосымшасына сәйкес нысан бойынша жасалады.

2018-2020 жылдарға арналған Ғылыми,

ғылыми-техникалық бағдарламалар бойынша

бағдарламалық-нысаналы қаржыландыруға

арналған конкурстық құжаттамаға

1-қосымша

1. 
   мемлекеттік және орыс тілдеріндегі ілеспе хат;
   
2. 
   бағдарлама бойынша ұсынылған ақпараттың анықтылығын растау, сондай-ақ ғылыми этика қағидаттарын, оның ішінде ғылыми этиканы бұзу фактілерін (ғылыми деректерді фабрикациялау, зерттеу деректерді бұрмалауға апаратын фальсификациялау, плагиат пен жалған тең авторлық, қайталауы, өзгелердің нәтижелерін иемдену және т.б.) болдырмауды сақтау, бұрын мемлекеттік бюджеттен қаржыландырылмағаны туралы арыз. Ғылыми жетекшісінің ғылыми жұмыс өтілінің тәжірибесі кемінде бес жыл болуына кепілдік.
   

3) бағдарламаның қысқаша сипаттамасы;

4) конкурсқа қатысуға арналған өтінім;

5) өтінім берушінің аккредитациядан өткенін растайтын куәлігінің көшірмесі;

6) бағдарламаны ішінара қажетті ресурстармен, оның ішінде қаржы ресурстарымен қамтамасыз етуді жүзеге асыру үшін жеке әріптес тарапынан қоса қаржыландыруды тарту туралы мәліметтер (жобаны қоса қаржыландыру болған жағдайда). Олардың іске асыру мерзімдері мен салым сомасы көрсетілген қоса қаржыландыру туралы келісім тараптар ниеттерін растау болып табылады.

2. Ілеспе хат мемлекеттік және орыс тілінде әзірленіп, заңды тұлғаның мемлекеттік тіркеу туралы анықтама (заңды тұлғалар үшін), жеке куәлік (жеке тұлға үшін), аккредитация туралы куәлік, қоса қаржыландыру туралы келісім көшірмелерімен бірге тігіледі, тігілген және нөмірленген парақтар саны жазылатын қағаз пломбамен бекітіледі, бағдарламалық-нысаналы қаржыландыру туралы конкурсқа қатысушының уәкілетті тұлғасының қолы және мөрдің баспа-таңбасы (бар болған жағдайда) қойылады.

7) өтінімнің электронды нұсқасы мен бағдарламаның қысқаша сипаттамасы MicrosoftWord форматында (*.doc немесе *.docx) мемлекеттік, орыс және ағылшын тілдерінде әзірленеді, осыған қоса өтінімнің атауы бағдарлама тақырыбының алғашқы бес сөзін қолдану арқылы көрсетіледі.

4. Бағдарламалық-нысаналы қаржыландыруға ұсынылған өтінімнің мемлекеттік, орыс және ағылшын тілдеріндегі мәтіннің мазмұны толықтай сәйкес болуы керек.

Мемлекеттік, орыс және ағылшын тілдеріндегі өтінімнің электронды нұсқасы (диск- тасымалдаушыда, сондай-ақ ЖТН алу үшін өтінімді тіркеу кезінде «Ұлттық мемлекеттік ғылыми-техникалық сараптама орталығы» АҚ ақпараттық жүйесіне енгізілген нұсқасы), бағдарламаның қысқаша сипаттамасының, сондай-ақ ілеспе хаттың электрондық нұсқасы олардың қағаз нұсқасына сәйкес болуы тиіс. Түпнұсқа құжат ретінде қағаз нұсқасы есептелінеді.

Бағдарламалық-нысаналы қаржыландырудың электронды өтінімі, ілеспе хат және жобаның қысқаша сипаттамасының жалпы көлемі он мегабайттан аспауы керек.

Осы талаптардың 1-тармағына сәйкес дайындалған құжаттама, бөлек тігілетін конкурстық өтінімнен басқа, белгіленген тәртіп бойынша тігіледі; конкурстық өтінім белгіленген тәртіпте бөлек тігіледі.

Қажетті құжаттардың бәрін 2 данадан ұсынылуы қажет. Электрондық тасымалдаушылар арнайы конвертке салынып, тезтігіндеменің ішкі жағынан бекітілуі тиіс.

2018-2020 жылдарға арналған Ғылыми,

ғылыми-техникалық бағдарламалар бойынша

бағдарламалық-нысаналы қаржыландыруға

арналған конкурстық құжаттамаға

2-қосымша