Оқу іс-әрекетінің мақсаты

Жаңақорған ауданы

Сүттіқұдық ауылы

№13 «Гүлдер» балабақшасының тәрбиешісі: Дүйсенбекова Лаура

Жапсыру .1-сабақ. Сабақтың тақырыбы: Үй.

Оқу іс-әрекетінің түрі: аппликация.

Керекті құралдар мен материалдар:

Ұстаз балаларға жапсыру жұмысы үшін үстел үстін қалай дайындау керектігін көрсетіп, түсіндіреді. Қатырма қағаз, түрлі түсті қағаз, желім, қайшы, қол орамал жұмыс орнында қайда тұру керектігін көрсетіп береді. Үстел үстін, киімді бүлдірмей таза және ұқыпты жұмыс істеу туралы әңгіме жүргізеді. Педагог қайшымен, желіммен жұмыс істеген кезде сақтау керек техникалық қауіпсіздік ережелерімен таныстырады.

Ұстаз сәулет өнері, үйдің қалай тұрғызылатыны жөнінде әңгімелейді. Балаларға конструктор бөлшектерінен үйді қалай құрастыратынын қарауды ұсынады. Ұстаз аппликацияның орындалу барысын көрсете отырып түсіндіреді. Тік төртбұрыштан шаршыны дұрыс қиюға, шаршыны екі үшбұрышқа бөліп алуға жаттығады. Балалар жұмыс дәптеріндегі үлгіні басшылыққа ала отырып, жұмысқа кіріседі.

Түрлі түсті қағаздардан әртүрлі өлшемдегі шаршы қиып аламыз (үлкен, орташа, кіші).Үлкен шаршыны қиғаш (диагональ) сызық бойымен бүктейміз. Шаршыны жайып, бүктеу сызығының бойымен қиып аламыз.

Негізгі бетке ретімен жапсырамыз:орташа шаршы - үйдің қабырғасы;

үлкен үшбұрыш - үйдің шатыры; кішкентай шаршы - терезесі.