Травматологиялық науқастарды тексерудің ерекшеліктері

Жарақатпен түскен науқастарды тексеру кезінде хирургиялық

науқастарды тексерудің жалпы ережелерін ұстанған жөн. Бірақ,

травматологиялық науқастарды тексерудің өзіндік ерекшеліктері де бар

және олар мына көрсетілген жағдайлармен байланысты:

1. Зардап шеккендер, әдетте, жедел кезеңде, травмадан кейінгі таяу

уақытта, ауырсыну сезімі басым, стресс жағдайында тексеріледі;

2. Кей жағдайда, науқастар клиникалық диагноз қойылғанға дейін,

травманың асқынуларына (қан кету, шок және т.б.) байланысты

шұғыл көмек көрсетуді қажет етуі мүмкін;

3. Тірек-қимыл жүйесінің жағдайын тексеру кезінде арнаулы белгілер

тобын анықтау қажет;

Травматологиялық науқастарды тексеру қиындықтары шағым мен

анамнезді жинастыру кезінен-ақ басталады және зардап шегушінің

жалпы жағдайының ерекшеліктеріне байланысты:

1. Пациенттің ауыр жағдайы, шағым мен анамнезді диагноз қоюға

қажетті деңгейде жинастыруға кедергі келтіреді;

2. Пациенттердің басым көпшілігі стресс, психикалық аффект

жағдайында, мас күйде болғандықтан өздерінің жағдайын қажетті

деңгейде бағалай алмайды;

жинастырудың спецификалық ерекшеліктері бар. Анамнез жинастыру

кезінде 2 түсініктің маңызы бар: травма механизмі және травманың мән-

жайы.

Травма механизмі: травматологиялық науқастарда патологиялық

жағдайдың себебі мен басталған уақыты дәл белгілі: белгілі бір уақытта

механикалық күштің әсерінен зардап шегушінің организмінде жарақат

пайда болады. Әрі қарай айтатын болсақ, тірек-қимыл жүйесінің құрылысы

принципті түрде бірдей болғандықтан, организмдегі бұзылыстардың сипаты

сыртқы күштің шамасына, оның тиген жеріне және бағытына байланысты.

Осы аталған факторлар «травманың механизмі» деп аталатын түсінікке

біріктірілген.