991
экономикалық техниканың жетістіктеріне жетуге итермелеуіне орай, бүгінгі таңда осы
проблема ауқымды, өзекті мәселе.Сондықтан мектеп жасына дейінгі балалардың
бойында неғұрлым көбірек психологиялық көмек көрсетіп, ойындар ұйымдастыру
арқылы олардың сеніміне кіріп кері әсерден арылуға көп мүмкіншілік жасау қажет.
Мектеп жасына дейінгі балалардың эмоциялық күйінде көрінетін жағымды және
агрессия түрлерін ашып көрсетіп олармен жұмыс жасау мақсатын алға қойсақ дегім
келеді.
Қолданылған әдебиеттер тізімі:
1.Серікбаева К. «Отбасы мен балабақша арасындағы сабақтастық пен серіктестік
(Бала мен балабақша 2010)
2.Ақбарова Ж «Жанұядағы тәрбиенің ерекешеліктері» (Бастауыш мектеп 2005)
3.Тастанова Р «Ата-аналардың әдептілігі» (Тәрбие құралы 2005)
4.Мұқашева Ғ. «Тәрбиенің бастауы» (Бала тәрбиесі 2015)
МЕКТЕПКЕ ДЕЙІНГІ ҰЙЫМДАРДА ИННОВАЦИЯЛЫ ТЕХНОЛОГИЯЛАРДЫ
ЕНГІЗУ БІЛІМ БЕРУДІ БАСҚАРУ
Саулебекова Алтынай Сайлауқызы
Шет ауданы «Балдырған» балабақшасы
Бүгінгі таңда қоғам сұраныстарына сәйкес мектепке дейінгі білім беру жүйесін
жаңаша бағытта уақыт талаптарына сай құру көкейкесті мәселелердің бірі болып отыр.
Осыған орай, мектепке дейінгі білім беруді инновациялық тұрғыдан қарау, озық іс-
тәжірибелер мен идеяларды насихаттау қажеттілігі туындап отыр. Мектепке дейінгі
ұйымдардағы инновациялық білім беруді енгізуде бірқатар маңызды мәселелерді
ескеру шарт. Олар:
-инновациялық бағытты дұрыс таңдай білу;
-инновациялық іс-әрекеттің тұжырымдамасы мен бағдарламасын жасау;
-инновациялық жобаны жүзеге асырудың тиімді жолдарын анықтап, жағдай жасау;
-инновациялық іс-әрекетті дұрыс жүргізу үшін қажетті құжаттарды кәсіби
сауаттылық тұрғысынан дайындап алу
Инновациялық іс - әрекеттің бағытын таңдау. Инновациялық іс-әрекеттің
мазмұны мектепке дейінгі білім беру ұйымдарының приоритетті бағыттағы
бағдарламаларының (республикалық, аймақтық, өлкелік немесе муниципиалдық) және
мектепке дейінгі педагогика мен психология, әлеуметтану, медецина саласындағы
ғылыми-зерттеу жұмыстарының нәтижелері негізінде анықталады. Бұл бағыттар
зерттеу жұмыстарын жобалау және оқып үйренетін пәндердің біртұтастығы мен
бірлігіне байланысты жіктеледі.
Инновациялық іс- әрекеттің бағыты: балалардың салуатты өмір салтын
қалыптастыру, денсаулығын нығайту, физикалық және психикалық дамуына жағдай
жасау, өмірін қорғау.
992
Балалардың дамуы-балалардың денсаулығын қорғауға, нығайтуға арналған
технология. Балалардың экологиялық-валеологиялық дамуы. Баланы алуан түрлі іс-
әрекет барысында дамыту. Әр түрлі іс-әрекет барысында балалардың шығармашылық
қабілеттерін, әлеуметін дамыту. Мектепке дейінгі ұйымдар мен бастауыш
сыныптардың сабақтастығын қамтамасыз ету. Баланың жеке тұлға ретінде
қалыптасуына байланысты жалпы адамзаттық құндылықтар мен ізгілендіру
бағыттарын басшылыққа алу. Денсаулық сақтау, мәдениет және білім беру, әлеуметтік
ортаның өзара тығыз байланыстылығын қалыптастырады.
Педагогтар мен мамандардың кәсіби дамуы - мектепке дейінгі жастағы
балалардың біртұтас дамуын кіріктірілген педагогикалық процесс ретінде қарастыру.
Балалармен жүргізілетін жұмыстардың мазмұны және түзету жұмыстарының
технологиясы. Отбасымен және серіктестерімен жұмыс. Балабақша мен бастауыш
сыныптардың сабақтастығын сақталуы. Отбасы мен балабақшаның әлеуметтік дамуы.
Мектепке дейінгі ұғымдарды басқаруды жетілдіру - білім беру ұйымдарының
жаңа моделін құру. Білім мазмұнының сабақтастығын сақтау, жаңарту бағытындағы
жаңа педагогикалық технологиялар мен балама (альтернативті), вариативті
бағдарламалар дайындау. Дамытушы ортаны жобалау. Білім беруде және мектепке
дейінгі ұйымдарды басқаруда жаңа ақпараттық технологияларды пайдалана білуге
мамандарды үйрету көзделеді.
Инновациялық іс - әрекет бағдарламаларын жасау. Мұндай іс-әрекеттер негізінен
эксперименттік тәжірибе арқылы жүргізіледі. Эксперименттік тәжірибе-бұл ғылыми-
педагогикалық қызметке бағытталған. Оның мазмұны педагогикалық құбылысты
зерттеу, табиғи немесе жасанды жағдайларда педагогикалық проблеманы шешудің
жаңаша жолдарын іздестіру, оған бақылау мен басшылық жасау. Тәжірибелік-
эксперимент (ТЭ) жұмысы –ол білім беру ұйымдарындағы ғылыми-тәжірибелік ерекше
қызметтің түрі болып табылады, оның негізінде педагогикалық жүйенің дамуына үлес
қосылады.
Мектепке дейінгі ұйымдарда ТЭ эксперимент алаңы ретінде жүзеге асырылады.
Оның педагогикалық шығармашылық жұмыстарының нәтижесінде білім берудің жаңа
тенденциялары пайда болады.
Ғылыми әдебиеттерде шығармашылық іс-әрекеттердің инновациялық қызметке
қатынасын төменгідей үш түрде ұсынады:
-модификациялық-бұл белгілі бір бағдарламаларды (әдіс-тәсілдерді) жетілдіру,
тиімділігін айқындау, өзгерту, өңдеу, толықтыру бағытында жүргізіледі. Мұнда
педагогикалық тәжірибеде қолданылған іс-әрекеттің жетістіктері тиімділік тұрғысынан
қарастырылады. Мысалы: Монтессори жүйесі немесе Вольфорд педагогикасы;
-комбинаторлық –бұл белгілі бағдарламалар мен әдістемелердің элементтерін
біріктіре пайдалану болып табылады;
-радикальды шығармашылық іс-әрекет-бұл білім беру жүйесінде ұқсастығы жоқ,
педагогикалық теория мен тәжірибеде бұрын соңды қолданылмаған жаңа, тың
идеяларды енгізу болып табылады;
Тәжірибелік-эксперимент жұмыстары бірнеше кезеңнен тұрады: диагностикалық,
прогностикалық, ұйымдастыру және тәжірибелік: талдау, айқындау, тәжірибеге ендіру.
