Нәтижеге бағдарланған талдау кезеңдері

Нәтижеге бағдарланған талдау кезеңдері:

1. 
   кезең – күтілетін нәтижені анықтау. Үлгерім, жарыстар мен сайыстар, денсаулық пен тәрбие бойынша жету керек нәтижелерді кесте түрінде сандық негізде жазу.
   
2. 
   кезең – осы көрсеткіштер бойынша мектеп жұмысының нәтижесін бақылау. Осы салалар бойынша мектептің қазіргі көрсеткіштерінің нақты деңгейін айқындап ашып көрсетуге болатын деңгейде анықтау.
   
3. 
   кезең – екі нәтижені салыстыру, ауытқуды анықтау. Мектептің қазіргі көрсеткіштерінің бұл нәтижелерге қаншалықты жетпей жатқандығын салыстырмалы кесте түрінде беру.
   
4. 
   кезең – осы ауытқуға әсер еткен оқу-тәрбие процесінің кемшіліктерін анықтау. Пәндерді тереңдетіп оқыту, жаңа пәндер енгізу және оқыту әдістемесін (технологиясын) жетілдіру, сыныптан тыс шаралардың ықпалын арттыру, жаңа тәрбиелік салаларды іске қосу бойынша іс-әрекетте кетіп жатқан кемшіліктерді анықтау.
   
5. 
   кезең – оқу-тәрбие процесі кемшіліктері мен нәтижесіне әсер еткен жағдайлар. Кадрмен қамтамасыз ету, ғылыми-әдістемелік қамтамасыз ету, материалдық-техникалық қамтамасыз ету, қаржыландыру, ынталандыруды жүзеге асыру бойынша өз күшімен түзетуге болатын және арнайы көмек керек болатын кемшіліктерді бөліп жазу.
   
6. 
   кезең – осыдан нақты себептері көрсетілген маңызды проблемаларды белгілеу. Дарынды немесе жай баламен жұмысқа қажетті кадрлар іздеу, мектептегі бар мамандардың кәсіби біліктілігін арттыру, қажетті бағдарламалар мен оқулықтар (жай немесе электронды) алу не жасау, оқу-тәрбие процесін әдістемелік қамтамасыз ету, технологияландыру мен ақпараттандыру бойынша мәселелерді ашып көрсету, оларды топтау, реттеу.
   

Сурет-64. Нәтижелік басқару

Жағдайды талдау төмендегідей мәселелерді қамтиды:

1. 
   Сапалы кадрлардың болуы.
   
2. 
   Оқушылардың дамуына психологиялық диагностика жасалуы.
   
3. 
   Мектептің қазіргі талапқа сай болуы.
   
4. 
   Мектеп ұжымындағы психологиялық ахуал.
   

Нәтиже де үш бағыттан тұрады: тәрбиелеу деңгейі; оқыту денгейі; бәсекеге қабілетті креативті тұлға.
Қазақстанда орта білім беретін мектептің мақсаты оқу мерзімін ұзарта отырып, ұлттық және жалпыадамзаттық құндылықтар аясында оқушылардың білімділігін, біліктілігін, өзгермелі, бәсекелік ортада табысты қызмет жасау қабілеттілігін, өзін-өзі дамытуға және жүзеге асыруға бейімділігін қалыптастыру, білім мазмұнын ізгілендіру, білім беру мен басқару тәсілдерін жетілдіру, білім сапасын бағалаудың халықаралық стандарттары мен нормаларына көшу, әлемдік білім кеңістігіне біртіндеп ықпалдастыру болып белгіленген.

жүктеу 4,42 Mb.

Достарыңызбен бөлісу: