Қазақстан республикасы білім және ғылым

1 2 3 4 5 6 7 8 9 ... 260

Білім берудегі менеджмент. Кітап

Пәннің міндеттері:

Білім берудегі менеджменттің теориялық-әдіснамалық негіздері мен тұтас педагогикалық процесс және мектептің педагогикалық ұжымын басқарудың ерекшеліктері жөніндегі болашақ мұғалімдердің білімін қамтамасыздандыру.
Болашақ менеджерлерді білім берудегі менеджменттің мәні және негізгі міндеттерімен таныстыру.
Айрықша кәсіптік қызмет түріндегі білім берудегі менеджмент туралы айқын әрі саналы көзқарасты қалыптастыру.
Менеджер қызметінің нысаны ретіндегі біртұтас педагогикалық процесс тұрғысынан білім беру мекемесін басқару қабілет-дағдыларын қалыптастыру.

Пәнді оқу нәтижесінде студенттер білуге тиісті:

білім беру менеджменттінің теориялық-әдіснамалық негіздерін: педагогикалық менеджменттің қызметін, заңдылықтарын, ұстанымдарын, әдістерін, педагогикалық менеджменттің жүйе қалыптастырушы факторларын, білім берудегі менеджмент тұжырымдамасының даму тарихын; жүйелік, ізгіліктік, құзыреттілік, технологиялық тұғырлар негізінде мектепті басқарудың ерекшеліктерін;
мектептегі біртұтас педагогикалық процесті басқару негіздерін;
мектептің педагогикалық ұжымын тиімді басқарудың талаптарын білуге.

Студент игеруге тиіс біліктіліктер:

игерілген теориялық білімді білім беру мекемесінде тәжірибеде қолдану;
білім беру мекемесінің біртұтас жүйесі аясында диагностикалық, талдамалық және жобалау қызметтерін жүзеге асыру;
түрлі басқару қызметтерін жобалауды және жүзеге асыру;
білім беру мекемесін басқаруда жүйелік, ізгілік, адамгершілік, құзіреттілік және технологиялық құзыреттілік дағдыларын тиімді пайдалану;
ашық педагогикалық жүйе ретіндегі біртұтас педагогикалық процесс тұрғысынан басқару қызметінің сапасын бақылау;
білім сапасын бағалаудың, білім алушыларды тәрбиелеу мен дамытудың заманауи әдістемелерін пайдалана отырып, білім беру мекемесінің әдістемелік жұмыстарына араласуды, білім беру процесінің тиімділігін талдау мен бағалауды, педагогикалық менеджментттің шектеулерін еңсеру бойынша әдістерді қолдану.

Достарыңызбен бөлісу:

1 2 3 4 5 6 7 8 9 ... 260