52 шығарылым «Теміржол көлігі және метрополитен; Автомобиль және қалалық электр көлігі; Теңіз және өзен көлігі» бөлімдері Астана 2010 Кіріспе

жүктеу 2,02 Mb.

бет	5/13
Дата	20.02.2018
өлшемі	2,02 Mb.
	#10311

1 2 3 4 5 6 7 8 9 ... 13

Білуге тиіс: түтін шығаратын, бу шығаратын құбырларды тесу, үрлеуде қолданылатын аспаптар мен құралдардың құрылымы және оларды пайдалану ережесі; құбырларды тесу, тазалау және үрлеу ережесі мен тәсілдері, құбырларды тесу, тазалау және үрлеу кезектілігі; паровоз қазандықтарының құрылымы мен жұмысы, ыстық паровозда жұмыс істеу кезінде отты ұстап отыру ережесі.
58. Жолаушы вагоны жолсерігі
Жұмыс сипаттамасы. Жол сапарында поезд жолаушыларына қызмет көрсету және авариялық жағдайларда олардың қауіпсіздігін қамтамасыз ету. Вагонның ішкі қауіпсіздігін сақтау және алынбалы керек-жарағын жарамды қалыпта ұстап отыру. Жолаушыларды қауіпсіз түсіру және отырғызуды қамтамасыз ету. Жолаушыларды олардың жүру құжаттарына сәйкес вагондарға орналастыру. Жылыту, жарықтандыру, желдеткіш, тоңазытқыш құрылғылары мен ауаны салқындату аспаптарының үздіксіз жұмысын қамтамасыз ету. Вагондарды қысқы уақытта жылыту. СКНБ аспабының көмегімен электр жабдықтарын, қайнатқыш, букстың қыздырылуын қадағалау, қол тежегішін тексеру. Төсек жабдықтарымен және шаймен жолаушыларды қамтамасыз ету. Фирмалық поездар мен халықаралық қатынастағы поездардың жолаушыларды шаймен, кофе және кондитерлік заттармен тәулік бойы қамтамасыз ету. Фирмалық поездар мен халықаралық қатынастағы поездардағы балалы, мүгедек және қарт жолаушыларға вагон рестораннан немесе буфетке берген тапсырыстарын өтініштері бойынша жеткізіп беру. Қамтамасыз ету бригадасы болмағанда тиісті қоймаларға төсек орындарды, шай жарақтарын алу және тапсыру. Алысқа баратын жолаушы және жүрдек поездарындағы ұйықтайтын вагон жолаушыларының талаптары бойынша, ал фирмалық поездар мен халықаралық қатынастағы поездарда – міндетті түрде төсек орындарын салып, жинап беру. Бұзылған немесе құртылған материалдық құндылықтарға актілер жасау және кінәлі адамдардан белгіленген тәртіпте құнын өндіріп алу. Жолаушыларды тоқтайтын пункттердің атаулары, поездың тоқтау ұзақтығы туралы хабардар етіп отыру. Қажет болғанда жолаушыларға алғашқы медициналық көмек көрсету. Вагондардағы бос және босайтын орындар туралы поезд бастығына уақытында (арнайы бланкілерде) хабарлап отыру. Вагонды құрғақ және ылғалдай тазалау, дезерітінділерді пайдалана отырып туалеттерді тазалау. Вагондарға реттік нөмірлерін және бағдар тақталарын ілу. Қатты отын салу, күлден тазарту. Сорғы немесе арнайы айлабұйымдардың көмегімен салқындатылған қайнатылған су дайындау. Вагондардың (жолаушы вагондарының жол серігі лауазымдық нұсқаулықтарына сәйкес) ішкі қосымша жабдықтар және алынбалы керек-жарақ тізбесі және накладнойлары бойынша қабылдау және тапсыру. Халықаралық қатынастағы поездарда – жол ведомостілерін, кеден декларацияларын ресімдеу, оларды белгілеу үшін кеден органдарына ұсыну, валюта алу және тапсыру, халықаралық қатынастағы қолданыстағы тарифтерге сәйкес жолаушыларға плацкарта сату және квитанцияларды ресімдеу; жолаушы талаптары бойынша халықаралық қатынастағы жол жүру құжаттарына белгілерді ресімдеу; шекаралық станциялар арасындағы поездардың жолаушыларына арналған ережелерді бақылау. соңғы вагонға қызмет көрсетуде – артқы сигнал фонарьларының жағдайын бақылауды қамтамасыз ету. Поездарды мәжбүр тоқтатылған кезінде оны қоршауды қамтамасыз ету.

Білуге тиіс: барлық үлгідегі жолаушы вагондарының, арба жабдықтарының құрылымы; тежегіш жабдықтар; автотіркегіш, вагон асты жабдықтарының құрылымы мен жұмыс принципі, СКНБ, СПС құрылымы, ауаны желдету құрылғылары, жылыту аспаптары, міндетті желдету, электр жабдықтарын, тоңазыту құрылғыларына қызмет көрсету және реттеу тәртібі; авариялық ахуалдарда жолаушыларды құтқаруға арналған жабдықтарды пайдалану ережесі, жолаушы поезд вагондарында өрт қауіпсіздігін қамтамасыз ету нұсқаулықтары, еңбекті қорғау ережесі мен нормалары, алғашқы көмек көрсету нұсқаулықтары, теміржол желілері маңызды станцияларының географиялық орналасуы; жолаушы поездардың қызметтік кестелерін пайдалану тәртібі; жолаушы вагондары жол серігінің лауазымдық нұсқаулықтары; қолданылатын есептеу және есептілік нысандары, оларды жүргізу және жасау тәртібі.

Халықаралық қатынастағы вагондарға қызмет көрсетуде: халықаралық қатынастағы вагондарға қызмет көрсетуде арнайы дайындық бағдарламасында көзделген шетел тілін қызметтік мәселелер бойынша жолаушылармен сөйлесуге қажетті көлемде білуі, поезд бағыты бойынша елдердің көлік географиясын; жол құжаттамасын жүргізу, жолаушылар мен багажды тасымалдау ережесі, поезд бағыты бойынша темір жолдарда қолданылатын поезд және маневрлік сигналдар.

Вагондар тұратын парктерде және қала сыртына қатынайтын поездардағы вагондарға қызмет көрсетуде – 3-разряд;

Жергілікті және алыс жақтарға қатынайтын арнайы тағайындалған вагондарға қызмет көрсетуде – 4-разряд;

Фирмалық поездарда және халықаралық қатынайтын поездардағы вагондарда қызмет көрсету – 5-разряд.

Ескерту. Шетел тілін білетін жолаушы вагонының жол серігі халықаралық қатынастағы поездардағы вагондарда қызмет көрсетуде бір разряд жоғары тарифтеледі.
59. Жүк және арнайы вагондарға ілесіп жүретін жолсеріктер

3-разряд

Жұмыс сипаттамасы. Жүкті қабылдау және оны вагонға тиелуін қадағалау, баратын жеріне дейін ілесіп бару. Тасымалдаудың бекітілген шарттары мен жүкті сақталуын қамтамасыз ету. Жүктерді тапсырыс берушілерге белгіленген тәртіппен тапсыру. Поездың баратын жолында ақаулықтарын жою шараларын қабылдау. Теміржолдардағы сигнал беру нұсқаулығына сәйкес мәжбүрлі аялдамада поездардың қоршалуын және қауіпсіздігін қамтамасыз ету. Вагонды отын және сумен қамтамсыз ету. Вагонды ылғалдап және құрғақтай жинастыру.

Білуге тиіс: жүкті қабылдау және тапсыру тәртібі; тиеу ережесі; вагонға жүкті орналастыру және бекіту; оларды тасымалдау шарттары; жүк вагондарының құрылымы туралы жалпы мәліметтер, жүкті апару бағыты; поездардың өрт қауіпсіздігі ережесі мен қауіпсіздік техникасы; жолаушылар вагоны жолсерігі нұсқаулығы.
60. Жүк және арнайы вагондарға ілесіп жүретін жолсеріктер

4-разряд

Жұмыс сипаттамасы. Арнайы вагонның баратын жеріне дейін техникалық жағдайын қадағалау. Вагонның ішкі жабдықтары мен алынбалы керек-жарағын жарамды қалыпта, тазалықта ұстап отыру және сақтау. Электрмен жарықтандыру, жылыту, желдету, тоңазыту және басқа да жабдықтардың жұмысын қамтамасыз ету. Вагон учаскелеріне техникалық қызмет көрсету пункттеріне табылған ақаулықтарды жоюға өтінімді уақытылы беру және орындалатын жұмыстың сапасын бақылау.

Білуге тиіс: қызметтік-техникалық вагонның жалпы құрылымы; электрмен жарықтандыру, жылыту, желдету, тоңазыту және басқа да жабдықтарды пайдалану ережесі және ұсақ ақаулықтарды жою тәсілдері.
61. Істемейтін локомотивтер мен жолаушы вагондарға ілесіп жүретін жолсерік

3-разряд

Жұмыс сипаттамасы. Жіберуге арналған локомотивтер мен жолаушы вагондарын тексеру, техникалық жағдайын тексеруге қатысу және қабылдау. Олардың қозғалыс қауіпсіздігін және жылжымалы құрамның, құралдардың, керек-жарақтың, қосалқы бөлшектердің, майлау материалдары мен сигнал беру жабдықтарын тізбеге сәйкес сақталуын қамтамсыз ету.локомотивтер мен вагондардың қауіпсіз жылжуына кедергі келтіретін ақаулықтар табылған кезде жақын жердегі жөндеу пунктіндегі локомотивтер мен вагондарды жөнделуін қамтамсыз ету шараларын қабылдау. Тежегіш құралдарды қажеттігіне қарай қолдану.

Білуге тиіс: локомотивтер, жылжымалы құрам мотор вагондар мен жолаушы вагондарын жіберу тәртібі туралы нұсқаулық; электрленген учаскелердегі теміржол көлігі қызметкерлеріне арналған қауіпсіздік ережесі.

62. Паровоз қазандықтарын шаюшы

3-разряд

Жұмыс сипаттамасы. Паровоз қазандықтарын, түрлі жүйедегі кран бу қазандықтарын және қысыммен істейтін паровоз тендерлерін шаю. Шаю тығындарын, зәкір, жапсырмалы, тендерлік шаю люктерін тексеру және түзету. Арнайы құралдардың көмегімен қазандық жиектеріндегі қалдықтарды тазалау. Тығын люктеріне және асбест люктерге арналған паронитті төсем дайындау және отырғызу. Люктар мен шаю тығындарын шаю және герметикалығын тексеру.

Білуге тиіс: паровоздар қазандықтары мен түрлі жүйедегі бу крандарының құрылымы, шаю ережесі, қазандықтардағы қаспақтардың жиналатын жерін; су жіберетін су құбырлары мен жабдықтарының құрылымы; шаю түрлері; қазандықтарды тазалау және шаю жолдары; шаю люктарын ашу және жабу, шлангілерді біріктіру ережесі.

63. Цистерналарды шаюшы булаушы

3-разряд

Жұмыс сипаттамасы. Эстакадалардағы, арнайы алаңшалар мен арнайы белгіленген жолдардағы цистерналардан этил бензині мен химиялық өнімдерден басқа қара және ашық түсті мұнай өнімдері қалдықтарынан тазалау. Цистерналардың құятын аспаптарындағы қатып қалған клапандарды бумен қыздыра отырып мұнай өнімдері қалдықтарынан тазарту. Құю аспаптары клапандарын салу және олардың техникалық жағдайы мен дұрыс жабылуын тексеру. Жөндеуге дайындалған цистерналардың сыртын тазалау.

Білуге тиіс: құятын аспаптардың және цистерналардың құрылымы; мұнай өнімдерін құюға арналған цистерналарды суықтай тазалау талаптары, қолданылатын механизмдер, құрал, керек-жарақ және айлабұйымдар, оларды пайдалану ережесі, цистерна ішіндегі жұмыстарға арналған қорғау айлабұйымдардың құрылымы мен пайдалану ережесі.
64. Цистерналарды шаюшы булаушы

4-разряд

Жұмыс сипаттамасы. Бу, ыстық су және еріткіштерді пайдалана отырып этил бензині және химиялық өнімдерден басқа мұнай өнімдері мен химиялық өнім цистерналарды өңдеу. Вакуум құрылғысын, паросифон және буды пайдалана отырып цистерналардағы қалдықтарды тазалау. Цистерналарды суықтай өңдеуде этил бензині қалдықтарын механизациялау түрінде тазалау. Брандспойт көмегімен қақпақтар мен клапандарды шаю. Цистерна қазандықтарын салқындату және газсыздау, олардың ішкі бөлшектерін кептіру және ысқылау.

Білуге тиіс: құятын және жөндейтін цистерналарды дайындауға арналған өңдеу ережесі және техникалық шарттары, цистерналарға қойылатын санитарлық талаптар; дезинфекциялайтын заттардың қасиеті мен оларды пайдалану ережесі; эстакадалар мен арнайы алаңшалардың құрылымы; цистерналарды механизацияланған тазалауға арналған аспаптарды, вакуум қондырғыларды, бу сифондарын, жарылғыш фонарларды және басқа да құрылғылар мен айлабұйымдарды пайдалану ережесі, құбыржолдардың, төгетін лотоктардың, кәріз желісінің, мұнай тұтқыштар мен басқа да өнім қалдықтарын тазалау имараттарының орналасуы.

Бу, ыстық су және еріткіштерді пайдалана отырып этил бензині, химиялық өнімдерден босаған тағамдық өнімдерді салатын цистерналарды өңдеуде – 5-разряд.

Реактивті отын, авиабензин, май және басқа да мұнай өнімдерін құятын цистерналарды жоғары қысымның, ыстық судың көмегімен және ішкі бетін ысқылаумен өңдеу және дайын цистерналарды бақылау органдарына тапсыру кезінде: ППС-қа құжатсыз келген цистерналарда бұрын тасылған жүкті айқындау жөнінде органолептикалық әдісті және оларды өңдеу технологиясын білу; пайдаланылатын жабдықтағы ақаулықтарды жоя білу; жоғары қысымды машиналар мен аспаптарды жөндеуге қатысу; цистерналарды жуушы-булашы бригадасын басқару – 6-разряд.

65. Станция жұмысшысы

2-разряд

Жұмыс сипаттамасы. Станция жолдарын, станция аумағын, жүк аулалары мен қоймаларын, вокзалдарды, перрондарды, жолаушы және жүк платформаларын, станциялық қызметтік-техникалық ғимараттарды жинау. Станция өндірістік және тұрмыстық орынжайларды жылыту. Бекітілген керек-жарақты тазалықта және жарамды қалыпта ұстау. Станциялардағы жол белгілерін орнату және орнын ауыстыру, станциялардағы су жіберетін имараттарды тазалау.

Білуге тиіс: қызмет көрсетілетін станция жолдарының, қызметтік орынжайлардың, платформалар мен басқа да жұмыс орындарының, қолданылатын аспаптар мен айлабұйымдардың орналасуы, қауіпсіздік техникасы ережесі; жол белгілері мен белгіленген сигналдар.
66. Станция жұмысшысы

3-разряд

Жұмыс сипаттамасы. Жүкті жылжыту, пломба үзілгенде және қайта салғанда қайта тиеу. Жүктің жылжымалы құрамның сыртына шығып кетуін болдырмау. шағындап тасымалданатын жүктер мен багажды тиеу, түсіру, жүк пен багажды станция қоймаларына тасымалдау. Қолданылатын құралдар мен қарапайым механизациядағы аспаптарды жарамды қалыпта ұстап отыру. Қабылдау жіберу бекеттерінде пневматикалық почтамен жол жүру құжаттарын қабылдау және жіберу. Бұрмаларды қардан, қоқыстан және кірден тазарту, оларға қызмет көрсету және техникалық күтім жасау. Аралық бекіту және жапсарлы элементтерін созғылау, бекітпелерді ауыстыру, станцияларда жасалатын костыльдарды, алып қашуға қарсы жабдықтарды қағу, жол белгілерін орнату және қызмет көрсету.

Білуге тиіс: ашық жылжымалы құрамдағы жүктерді бекітудің жалпы талаптары, станциялардағы жүктер мен багажды тиеу, түсіру және жылжыту және коммерциялық ақаулықтары кезінде жұмыстарды орындау тәртібі, қолданылатын құралдар мен қарапайым механизациялық аспаптардың құрылымы мен қолдану тәртібі, теміржолдардағы қауіпсіздік техникасы ережелері, пневматикалық поштада қызмет көрсету тәртібі, қызмет көрсететін бұрмалардың орналасуы, белгіленген сигналдардың жұмыс істейтін орындарын қоршау ережесі.

67. Туннель жұмысшысы

1-разряд

Жұмыс сипаттамасы. Анағұрлым жоғары білікті тоннель жұмысшысының басшылығымен метрополитеннің тоннельдік имараттарын ағымдағы жөндеу, жөндеу және қайта қалпына келтіру. Қапталған бетін, металл торларды, безендірулер мен басқа имарат элементтерін сумен тазалау және шаю. Керек-жарақтар мен жабдықтарды тазалықта ұстау. Материалдарды, вышкаларды, тумбочкаларды, сатыларды, ормандар мен құралдарды жұмыс орнына жеткізу және жұмыс аяғында оларды жинау.

Білуге тиіс: имарат элементтерін тазалықта ұстау ережесі; тиеу-түсіру жұмыстарының нормалары мен ережесі, материалдарды қоймалау ережесі мен олардың атаулары.
68. Туннель жұмысшысы

2-разряд

Жұмыс сипаттамасы. Метрополитеннің тоннельдік имараттарын ағымдағы жөндеу, жөндеу және қайта қалпына келтіру. Шаңсорғыш арқылы сәулет беттеріндегі тұз қалдықтарын, тозаңдарды тазалау. Тұз қалдықтарын тазалау орындарындағы мәрмәрді жылтырату. Тұз қышқылы ерітіндісімен тақтайша беттерін шаю. Тот басқан және ластанған тюбингілер мен болт қоспаларды металл щеткалар және ветошьпен тазалау. Ерітінді мен желімдеу оқшаулағыш материалдарын дайындау. Қаптамаларды қолмен тегістеу, цемент ерітіндісімен ұяшықтар жасау. Қыздыру аппараттарын тазарту және шаю.

Білуге тиіс: қаптама беттерін тазалауға арналған материалдардың түрлері мен ерітінді жасау тәсілдері, сылау жұмыстары ережесі, шаң сорғыштардың, қыздыру аппараттарының жұмыс істеу принципі, сигнал беру орындарын қоршау ережесі.

69. Туннель жұмысшысы

3-разряд

Жұмыс сипаттамасы. Қыздыру жұмыстарында инъекторлы шлангіні монтаждау және демонтаждау. Ерітінділерді қыздырғаннан кейін ұңғымаларды жабу. Беттерін оқшаулау қабатымен жабуға дайындау. Нақыштауға арналған қорғасын, қорғасын шнурын және бақса да құрамдарды әзірлеу. Жіктерді қолмен нақыштау. Битум мастиканы қыздыру, цемент стяжканың құрылымы, битум мастика жағу. Түрлі қоспаларды мөлшерлеу және құрастыру. Бурлар мен чеканкаларды ауыстыру, ауа жіберу желісіне аспаптарды қосу. Керек-жарақтарды құрастыру және бөлшектеу.

Білуге тиіс: ерітінді араластырғыштың, тоннель өңдегіштің құрылымы және оларды гидрооқшаулау, ерітінді құрамы және олардың негізгі құрамдас бөліктері, қыздырылатын материалдардың және қоспалардың сапасына қойылатын негізгі талаптар.
70. Туннель жұмысшысы

4-разряд

Жұмыс сипаттамасы. Тоннельдер мен шахталарды өңдеуде бұрғылау балғаларымен шпурларды бұрғылау. Ағуды болдырмау картасына сәйкес бұрғылау орнын белгілеу. Кеңейтілетін цемент және қорғасын жіктерін тегістеу. Тығындар мен болт қоспаларын ауыстыру. Жер асты имараттарының күмбез қабырғаларын және лотоктарды орама материалдарымен оқшаулау. Ілмелі қорап, түтік құрылғысы бар ағындарды бұру. Ерітіндінің бетіне шығып кетуін болдырмау.

Білуге тиіс: қолданылатын механизмдердің құрылымы, шпурлардың оңтайлы орналасу тәсімдері, тоннель өңдеу үлгілері, гидрооқшаулау жабындарының негізгі құрылымдары; орам материалдарын жапсыру және мастика жағу ережесі, нақыштау жұмыстарының тәсілдері.
71. Туннель жұмысшысы

5-разряд

Жұмыс сипаттамасы. Құрылымдардағы ағынды болдырмауға арналған полимерлік материалдар қоса отырып цемент ерітінділерді қыздыру және бақылау қыздыруды жүргізу. жер асты суларын сүзгілеуді тоқтату үшін эпоксидті шайыр негізінде гидрооқшаулау құрамының ішкі бетін қыздыру. Металл және бетон өңдеу жерлерін және стандартты емес жіктерді, полимерлік мастикаларды пайдалана отырып бедерлеу. өңдеуде ағынды болдырмау үшін және ауыспалы кесетін жерлерде оқшаулау құралын жапсыру.

Білуге тиіс: цементтеу жұмысы технологиясы мен қыздыру құрамының рецептурасы, тау жыныстары мен топырақты химиялық бекітудің негізгі қасиеті, жіктерді жөндеу және саңылауларды жабу ережесі, стандарты емес және күрделі жіктерді тегістеу тәртібі мен тәсілдері, тоннельдерде және улы полимер материалдармен қауіпсіз жұмыс істеу тәртібі мен ережесі.
72. Туннель жұмысшысы

6-разряд

Жұмыс сипаттамасы. Метрополитеннің көлбеу эскалаторы туннеліндегі судан қорғайтын зоттың суретін ауыстыру кезінде аса күрделі жұмыстарды орындау. Зоттың суреттерін бекіту және жіктерді полимерлі материалдармен оқшаулау. «Гидротон» қондырғысының көмегімен туннельдің бетонды және темірбетонды қаптамаларын инъекциялаумен жөндеу-қалыпқа келтіру жұмыстарын жүргізу. Шөкпейтін цементтері мен қоспалар (алюминий, силикон және т.б.) негізінде арнайы құрамды іріктеу және даярлау. Туннель қаптамаларының элементтерін жартылай ашу, оны қалпына келтіру, анкер бекітпелерін орнату.

Білуге тиіс: судан қорғайтын зонтты монтаждау тәртібі мен тәсілдері, зонты бекіту тораптарының конструкциясы; көлбеулік эскалатор туннелінде жұмыс істеген кезде қауіпсіздік шаралары; перфоратор, бетон-лом, гидроклин құрылғысының схемасы; инъекциялық жұмыстардың технологиясы, инъекциялау үшін арнайы құрамның рецептурасы, жұмыс сапасын бақылау әдістері мен тәсілдері; метрополитеннің қолданыстағы туннельдерінде жұмыс істеген кезде техникалық қауіпсіздік ережесі.

73. Мұнай өнімдерін таратушы

5-разряд

Жұмыс сипаттамасы. Белгіленген тәртіпке сәйкес мұнай өнімдері мен сүртетін материалдарды қабылдау, сақтау, есепке алу және жіберу. Тепловоздарды жабдықтау үшін салқындатын су даярлау. Орнатылған насос жабдықтарына қызмет көрсету. өңделген мұнай өнімдерін қабылдау және тапсыру. Есеп жүргізілетін материалдық құндылықтардың сақталуын қамтамасыз ету, түгендеу жүргізуге қатысу. Қойма аумағы мен орынжайларын тазалықта ұстау, еңбекті қорғау, техникалық қауіпсіздік, өндірістік санитарлық және өртке қарсы қауіпсіздік ережесін сақтау.

Білуге тиіс: мұнай өнімдері мен сүртетін материалдарды сақтау, есепке алу және беру ережесі және тәртібі; насос агрегаттары мен өлшеу аспаптарының құрылғысы мен жұмысы; еңбекті қорғау, техникалық қауіпсіздік, өндірістік санитарлық және өртке қарсы қауіпсіздік ережесі мен нормалары; өртке қарсы инвентарьді пайдалану.

74. Вагон қозғалысы жылдамдығын реттеуші

Жұмыс сипаттамасы. Тежегіш башмақтарды тежеу жолымен вагондардың қозғалыс жылдамдығын реттеу. Тежегіш башмақтармен жолда тұрған вагондарды қоршау. Башмақтарды тежегіш позицияларға апару және тазалау. Сұрыптау жолдарындағы вагондарды бекітуге апару. Тұрған вагондарды тежегіш және тежегіш башмақтармен бекіту.

Білуге тиіс: рельстерге орнатуға арналған тежегіш башмақтар мен айлабұйымдардың құрылымы, тежегіш башмақтарды рельстерге орнату және шешу ережесі, тежегіш позициялардың орналасуы, сұрыптау жолдарының және оларға қызмет көрсететін учаскедегі мамандану жоспары мен кескіні; вагондардың арасындағы қажетті интервалдарды қамтамасыз ету және оларды сұрыптау паркі жолдарының белгілі бір орындарында тоқтату үшін жылжымалы құрамды тежеу тәртібі мен деңгейі.

Өнеркәсіптік теміржол көлігі станциялары жолдарындағы вагондардың қозғалыс жылдамдығын реттеуде – 1-разряд;

ажырату процесінде вагондардың қозғалу жылдамдығын реттеуде-өнеркәсіптік теміржол көлігін сұрыптау станцияларында құрамаларды қалыптастыру кезінде-2-разряд;

ажырату процесінде теміржол көлігі станцияларында вагондардың қозғалыс жылдамдығын реттеуде – керме жолдардағы немесе стрелка мойындарда құрамды қалыптастыр кезінде - 3-разряд;

ажырату процесінде теміржол көлігі станцияларында вагондардың қозғалыс жылдамдығын реттеуде – шағын және орта қуатты сұрыптау төбешіктерінде құрамды қалыптастыру кезінде - 4-разряд;

ажырату процесінде теміржол көлігі станцияларында вагондардың қозғалыс жылдамдығын реттеуде – үлкен және өте үлкен қуатты сұрыптау төбешіктерінде құрамды қалыптастыру кезінде - 5-разряд.

Ескерту. Вагондардың қозғалыс жылдамдығын аға реттеуші тарифтік-біліктілік сипаттамасында көзделген тікелей жұмыстарды орындаудан басқа, вагондардың қозғалыс жылдамдығын реттеушілер бригадасының жетекшісі міндетін атқарады және реттеушілерден бір разряд жоғары тарифтеледі.

75. Жасанды құрылыстарды жөндеуші

2-разряд

Жұмыс сипаттамасы. Металл, ағаш, тас, бетон және темір бетон көпірлерді, өтпе жолдарды, виадуктерді, акведуктерді, эстакадаларды, лотоктар мен басқа да жасанды құрылыстарды слесарлық, тойтару, ұсталық және бетон жұмыстарын орындай отырып, жөндеу және техникалық ұстау, жасанды құрылыстарды шаң-тозаңнан, қоқымнан, таттан, қар мен мұздан тазалау. Жылжымалы көріктерді толтыру. Тойтармаларды қыздыру. Арматуралық болатты жазу, тегістеу және кесу. Жасанды құрылыстың бетін сырлау үшін дайындау. Ағаш материалдарды қолмен өңдеу. Шарнирлер мен катоктарды майлау. Бетін жоспарлау және тазалау. Топырақты қол құралмен қопсыту, тығыздау, тігінен және көлденеңнен ауыстыру, оны зембілмен және арбамен шығару. Бүлінген асфальт беттерді сындыру. Шағын көпірлер мен құбырлардың тесіктерін жабу және ашу. Туннельдегі тоңды ою. Тоннель қабырғасындағы алынып жатқан торкрет немесе бетон қабатын жұлып алу. Туннельдегі тұзды ағындар мен шорды алып тастау. Батпақты жерлерді және судың туннельдің қаптамасына түсуі ықтимал жерлерден тыс кептіру.

Білуге тиіс: жасанды ғимараттардың құрылымдық бөліктері мен элементтерінің атауы мен мақсаты; қол құралының құрылысы; металл, бетон, темір бетон, ағаш және тас беттерді тазалау тәсілдері; слесарлық, тойтару, ұсталық және бетон жұмыстарын орындау тәсілдері; арматуралық болатты жазу, тегістеу және кесу тәсілдері; қол құралдары мен айлабұйымдарын пайдалана отырып, жұмыстарды орындау тәсілдері; бетон қоспасын әперу және тығыздау тәсілдері; бетті сырлауға дайындау ережесі; ағаш материалдарын қолмен өңдеу тәсілдері; жүктерді тасымалдау және қоймалау тәсілдері; жасанды ғимараттарды қайта құру және күрделі жөндеу жөніндегі жұмыс өндірісіндегі қауіпсіздік техникасы мен өндірістік санитария ережелері.
76. Жасанды құрылыстарды жөндеуші

3-разряд

Жұмыс сипаттамасы. Тіреудің бетін жөндеу және техникалық ұстау, сондай-ақ жасанды құрылыстың аралық құрылыстарының жекелеген элементтерін мен әртүрлі материалдардан жасалған жасанды ғимараттардың тораптарын ауыстыра отырып, төсеніш, аспа және басқа да қосымша және сақтандыру айлабұйымдарсыз, слесарлық, тойтарма, ұсталық және бетон жұмыстарын орындау арқылы жөндеу. Жапсырмалар жасау. жасанды ғимараттардың элементтерінде тойтарма үшін саңылаулар бұрғылау. Арматуралық өзектерді суық күйінде ию. Жасанды құрылыстардың бетін тегістеу және бояу. Жасанды құрылыстар тіреуінің құрылысын бөлшектеу. Шұңқырларды, саңылаулар мен сөгілген жерлерді кірпішпен және бетон қоспамен бітеу. Бетон және темір бетон құрылыстарды керту және бөлшектеу. Бетті сылау және сылақты жөндеу. Цемент сылағының құрылысы. Жаяу жүргіншілерге арналған көпірлер мен өткелдердің асфальтбетон қабатындағы жарықтарды тазалау және бітеу. Ағаш материалдарын механикаландырылған құралдармен өңдеу. Ряж пен мұз ойғыштарды тақтаймен қаптау. Тақтай төсемені төсеу және ауыстыру. Төсеніштер мен шпал торларды бөлшектеу. Ағаш баспалдақтарды жөндеу. Дренаж пен кесінділердің бастарының рисберлерінің құрылысы. Жылжымалы тірек бөліктерінің қаптамасын жөндеу және ауыстыру. Көпір бөренелерін жөндеу. Жылжуға қарсы құрылғыларды, контрбұрыштар мен контррельстерді бөлшектеу. Шағын көпірлер мен құбырлардың саңылауларын жабуға арналған ағаш қалқандарды жасау және жөндеу.

жүктеу 2,02 Mb.

Достарыңызбен бөлісу:

1 2 3 4 5 6 7 8 9 ... 13