208-бап. Акциздік алым маркаларын қолдан жасау және пайдалану
Қазақстан Республикасының 1999 жылғы 16 шіддегі «Этиль спиртінің және алкоголь өнімдерінің өндірілуін және айналымын мемлекеттік реттеу мәселелері бойынша Қазақстан Республикасының кейбір заң актілеріне өзгертулер мен толықтырулар енгізу туралы «Заңына сәйкес КР ҚК-тің 208-бабы жаңа радакцияда баяндадды. Бүрыңғыға қарағанда қазіргі редакция екі бөліктен түрады.
Бұл қылмыстың тікелей обьектісі-мемлекеттік қаржылық қызметі саласындағы қоғамдық қатынастар, себебі Қазақстан Республикасы Президентінің 1995 жылғы 24 сәуірдегі «Салықтар мен басқа міндетті төлемдер туралы» заң күші бар Жарлығының 3-бабына сәйкес акциз жалпы мемлекеттік салықтардың бірі болып табылады[15].
Қылмыстың заты-акциздік тауарларды маркілейтін акциздік алым маркасы, онымен екі топтағы тауарларды-шетелдік және отандық шампан шарабын, арақты, ликер-арақ бұйымдарын, күшті ішімдіктерді, күшті соктарды, бальзамды, коньякты, темекі бұйымдарын маркілейді.
ҚК-тің 208-бабының бірінші бөлігі акциздік тауарларды акциздік алм маркаларымен маркілеудің тәртібі мен ережелерін бұзғандық үшін жауаптылықты көздейді.
Бірқатар нормативтік актілерде акциздік маркаларды алудың, сақтаудың және олармен маркілеудің тиісті тәртіптері қарастырылған. Мысал ретінде Қазақстан Республикасы үкіметінің 1999 жылғы 19 сәуірдегі «Акциздік тауарлардың жекелеген түрлерін акциздік алым маркаларымен маркілеу туралы» қаулысын (ҚР үкіметінің 1999 жылғы 25 маусымдағы қаулысы енгізген өзгертулермен, Қазақстан Республикасы Мемлекеттік кеден комитетінің 1997 жылдың сәуірдегі «Акциз алым маркаларын сату және маркіленген тауарларды кеденнен рәсімдеу тәртібін бекіту туралы «Бұйрығын, т.б. жатқызуға болады[16].
Акциздік тауарларды маркілеу отандық тауар өндірушілер мен шетелдік тауар әкелушілер жүзеге асырады. Отандық тауарларды салық органдары, ал шет елден әкелінген тауарларды кеден органдары маркілейді, олар маркілердің дұрыс пайдаланылуын бақылайды.
Бұл қылмыстың обьективтік жағы-жасалған іс-әрекет, қылмыстық зардап және де іс-әренкетпен зардап арасындағы себептік байланыс.
Бұл қылмыс әрекет немесе әрекетсіздік арқылы жасалуы мүмкін, нәтижесінде акциздік тауарларды акциздік алым маркаларымен маркілеудің тәртібі мен ережесі бұзылады.
Бұл акциздік алым таркаларын салық және кеден органдарынан басқа жерде сатып алу, алып қайта сату, оларды салық немесе кеден органдарынан басқаға қайтару, пайдаланылмаған маркаларды қайтармау, т.б. жатады.
Едәуір зиян келтіру бұл қылмыстың зардабы болып табылады. Осы бапқа берілген ескертуе айлық есептік көрсеткіштен жүз есе асатын сомға келтірілген зиян едәуір зиян деп танылған.
Қылмыстың сбьективтік жағы-тікелей ниет түріндегі кінә. айыпты акциздік тауардарды акциздік алым маркаларымен маркілеу тәртібі мен ережесін бұзғандыын түйсінеді және осы әрекеттерді жасауды тілейді.
Қылмыс субьектісі-жасы 16-ға толған, есі дұрыс адам.
Бұл баптың екінші бөлігі көрінеу жалған акциздік алым маркаларын сату мақсатында жасау немесе сатып алу, сол сияқты пайдалану немесе сату әрекеттері үшін жауаптылық көздейді.
Жалған акциздік алым маркаларын жасау дегеніміз-осы қылмыс заттарын толықтай немесе жарым жартылай қолдан жасау.
Оларды тікелей қолмен де, техника құралдары пайдаланылып та жасалуы мүмкін. Жасау тәсілі саралауға әсер етпейді, бірақ жаза тағайындағанда ескерілуі мүмкін.
Сатып алу дегеніміз-жалған акциздік алым маркаларын қүнын төлеп немесе төлемсіз алу.
Жасау немесе сатып алу арықылы бұл қылмысты жасағанда айыпты арнаулы мақсат- акциздік алым маркаларын сату мақсаты болғандығын міндетті түрде анықтау қажет.
Пайдалану дегеніміз-жалған акциздік алым маркаларын нағыз маркалар ретінде қолдану.
Сату дегеніміз-жалған акциздік алым маркаларын айналымға шығару. Сату тәсілдері әр түрлі болуы мүмкін-тікелей сату, қызмет үшін төлеу, айырбастау, т.б.
Ең бастысы, бұл заттарды айыптының басқа адамның қолына беруі.
Бұл қылмыстың құрамы- формальды. Аталған әрекеттердің біреуі жасалған кезден бастап қылмыс аяқталған болып саналады.
Достарыңызбен бөлісу: |
