2017 жылдың І жартыжылдық жұмыс есебі Қысқаша түйіндеме

О ҚБК мектеп жанындағы лагерь балаларына кітапхана есігі айқара ашылып, жаздың бірінші күні қонақжайлылық танытты. Ұйымдастырылған бүлдіршіндер бұрышы әсем безендірілген суретті, жиналмалы, ойыншық кітаптарымен жас оқырмандарды сиқырлы әлемге жетелеп, қызығушылықтарын тудырды. Мультфильмдер патшалығының әлеміне саяхаттаған бүлдіршіндер сүйікті кейіпкерлерін естеріне түсіріп, белсенді түрде ойындарға, викториналарға қатысты. Жаздың алғашқы күні Халықаралық балаларды қорғау мерекесімен басталады. Осы мерекеге орай А.Гайдар атындағы Орталық қалалық балалар кітапханасында балғын бүлдіршіндеріміздің мерекесіне арналған «Көтеріңкі көңіл-күй» күні өткізілді. Бүлдіршіндер театрландырылған қойылымдар мен мультфильмдер тамашалап, сиқырлы етікті Мысық өзімен бірге ала келген қиын жұмбақтарға толы байқаулары мен көтеріңкі ойындарына қатысты. Сонымен қатар осы мерекелік күнде өткізілген «Брось пустышку — возьми книжку» акциясына қатысушы кішкене бөбектерге түрлі-түсті кітаптар сыйға тартылды. Жыл сайын өткізіліп, дәстүрге айналған «Ашық аспан аясында» атты жаздық оқулардың ашылу салтанаты Қараменде би көшесінде жалғасын тауып, көше қызықты, қиял-ғажайып «Кітаптар алаңына» айналды.(№1)«Библиотека под открытым небом»